Термиз шаҳрида қад ростлаётган Этно шаҳарчанинг қурилиш жараёнлари билан танишилди

Вилоят ҳокими Улуғбек Қосимов Термиз шаҳрининг қадим тарихини ўзида мужассам этиши кўзда тутилган Этно шаҳарча қурилиш жараёнлари билан танишди.

Масъулларга қурилиш ишларини жадаллаштириш ва сифатли амалга ошириш, ҳудудга ташриф буюрувчилар учун зарур қулайлик яратишга алоҳида эътибор қаратиш бўйича топшириқлар берди. Бу борадаги ишларни нафақат масканнинг ўзида, балки, ҳудуддаги мавжуд кўча ва манзилгоҳларда ҳам олиб бориш вазифаси топширилди.

Эслатиб ўтамиз, вилоят ҳокими жорий йилнинг январь ойида тадқиқотчи олимлар билан учрашиб, воҳамизнинг бой тарихи ва маданиятини ўзида мужасаам этувчи “Этно шаҳар” туристик маскани қурилишига оид таклиф ва тавсияларни тинглаган эди. Шу асосда, вилоят марказида қадимий услубдаги уй-жойлар, ҳунармандлар маркази, кутубхона, умумий овқатланиш нуқталари ва савдо дўконларидан иборат Этно шаҳарча бунёд этилмоқда.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site | Twitter

Президентимиз ташрифи доирасида туризм ва маданият соҳасини ривожлантириш бўйича берилган топшириқлар ижросига киришилди

Бугун вилоят ҳокими Улуғбек Қосимов туризм ва маданият соҳасида амалга оширилаётган ишлар ҳамда келгусидаги режалар билан танишиш мақсадида Бойсун туманида бўлди. Дастлаб, “Сайроб” маданият маркази янги биносининг қурилиши кўздан кечирилди. Лойиҳани сифатли ва муддатида амалга ошириш юзасидан вазифалар белгиланди.

Эслатиб ўтамиз, жорий йил 17 февраль куни вилоят раҳбари “Сайроб” маҳалласида бўлиб, эски, таъмирталаб бино ўрнида янги, замонавий маданият маркази биноси қурилишини маълум қилган эди.

Навбатдаги манзилда вилоят раҳбари “Бибиширин” маҳалласида “Нарзи қушбеги” хусусий корхонаси бунёд этаётган 47,0 млрд сўмлик туризм комплекси қурилиши билан танишди. Шу ернинг ўзида туманда амалга ошириладиган туризм объектлари, меҳмонхоналар қурилиши бўйича лойиҳалар тақдимот қилинди. Мутасаддиларга туризм комплекси қурилишини қисқа муддатларда якунлаш, келгуси йил ўтказиладиган “Бойсун баҳори” халқаро фольклор фестивалига ҳозирдан тайёргарликни бошлаш топширилди.

Вилоят раҳбари Бойсунга ташрифи якунида туман Маданият марказида воҳадаги “Бойсун”, “Шалола”, “Бой-чечак”, “Чор-қарсак”, “Булбули-гўё” каби фольклор жамоалари ҳамда гилам тўқувчи ҳунармандлар билан учрашди. Унда маданият, хусусан, миллий маданий меросни асраб-авайлаш, ривожлантириш билан боғлиқ муаммолар муҳокама этилди. Муаммоларни ҳал этиш юзасидан маданият соҳаси вакилларининг таклиф ва ташаббуслари тингланди. Масъулларга билдирилган таклифлар асосида соҳани ривожлантириш бўйича чора-тадбирлар ишлаб чиқиш вазифаси юкланди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site | Twitter

Сурхондарёда “Маънавият сектори” ташкил этилмоқда

Давлатимиз раҳбарининг жорий йил 16-17 ноябрь кунлари вилоятимизга ташрифида республикада биринчи “Маънавият сектори”ни ташкил этиш бўйича “Сурхондарё тажрибаси”ни яратиш вазифаси белгилаб берилган эди.

Бугун бўлиб ўтган вилоят Маънавият ва маърифат Кенгашининг кенгайтирилган йиғилишида мазкур вазифани амалга ошириш, “Маънавият сектори”ни ташкил этишда “Сурхондарё тажрибаси”ни йўлга қўйиш масаласи муҳокама этилди.

Унда Сурхондарё вилояти ҳокими – вилоят Маънавият ва маърифат Кенгаши раиси Улуғбек Қосимов, Республика Маънавият ва маърифат маркази раҳбари, сенатор Минҳожиддин Ҳожиматов, кенгаш аъзолари, бошқарма, ташкилот ва корхоналар раҳбарлари, нуронийлар ҳамда ОАВ вакиллари иштирок этди.

Йиғилишда “Маънавият сектори”ни ташкил этиш билан боғлиқ масалалар ҳамда секторнинг асосий вазифалари юзасидан батафсил маълумот берилди. “Маънавият сектори” 4 та секторга қўшимча сифатида алоҳида ижро ҳокимиятининг коллегиал органи ҳамда вилоят, шаҳар ва туманлар кенгашларининг ишчи тузилмаси сифатида ташкил этилиши, барча ҳудудларда фаолияти йўлга қўйилиши таъкидланди. Бу борада амалга оширилиши лозим бўлган вазифалар юзасидан чора-тадбирлар белгилаб олинди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site | Twitter