Термиз шаҳридаги бугунги ўрганиш ишлари “Боғзор”, “Маърифат” ва “Дўстлик” маҳаллаларида олиб борилди. Ушбу маҳаллаларда дастурга мувофиқ 5,1 км йўлларни асфальтлаш, 1,5 км қисмида бетон қоплама ётқизиш, қарийб 4 км пиёдалар йўлаги барпо этиш, 4,1 км ичимлик ва оқова сув тармоғини тортиш, маҳалла биноси ва кўп қаватли турар-жойларни таъмирлаш, фасад қисмини бўяш, болалар ва “Workout” майдончаларини ташкил этиш белгиланган.

Ҳозирги кунда 2,4 км асфальт, 1,1 км бетон қоплама ётқизиш, 3,8 км пиёдалар йўлаги қуриш, 1,9 км ичимлик ва оқова сув тармоқлари тортиш ишлари амалга оширилган. Кўп қаватли турар-жойларнинг том қисмини таъмирлаш, фасадини бўяш, болалар ва “Workout” майдончаларини ташкил этиш ишлари олиб борилмоқда.

Амалга оширилаётган ишлар билан танишган вилоят ҳокими Улуғбек Қосимов масъулларга қатор вазифаларни белгилаб берди. Хусусан, дастурга киритилмаган маҳалла биноси ва кўп қаватли турар-жойларнинг фасад қисмини бўяш, том қисмини таъмирлаш, “Боғзор” маҳалласидаги кутубхонага кондиционер ўрнатиш, ҳудудларни ободонлаштириш, гуллар экиш, ички йўлларни таъмирлаш, қўшимча бетон йўлаклар қуриш, ноқонуний қурилмаларни бартараф этиш топшириқлари берилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Италия Республикаси Президентининг қароргоҳи – Рим шаҳридаги Квиринал саройида расмий ташриф билан ушбу мамлакатда бўлиб турган Ўзбекистон Республикаси Президенти Шавкат Мирзиёевни расмий кутиб олиш маросими бўлиб ўтди.
—
В резиденции Президента Итальянской Республики – Квиринальском дворце в Риме состоялась церемония официальной встречи Президента Республики Узбекистан Шавката Мирзиёева, совершающего официальный визит в эту страну.

#Mirziyoyev #tashrif #Italiya #marosim

Prezident.uz|Facebook|Instagram|YouTube|Twitter

Жарқўрғон туманида “Исроил Искандар нур” фермер хўжалигида 20 нафар кам таъминланган, “дафтарлар”да киритилган ва ишсиз фуқароларга ғалладан бўшаган майдонлар, шудгорланган, экин экишга тайёр ҳолда, “Бир контур – бир маҳсулот” тамойили асосида экин уруғлари билан бирга 20 сотихдан ажратиб берилди.

Тадбирда вилоят ҳокими Улуғбек Қосимов иштирок этиб, фуқаролар билан учрашув ўтказди. Уларга ажратилаётган ер майдонларида самарали меҳнат қилиб, оилавий даромадларини ошириш бўйича тавсияларини берди. Шунингдек, шу ернинг ўзида фермер хўжалигининг илғор сувчилари, култиваторчилар ва дала ишчиларига совғалар – мобиль телефонлар топширилди. Фермер хўжалиги томонидан кам таъминланган оилаларга 200 килограмдан буғдой берилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site