Чигит экиш мавсумини сифатли ўтказиш пахтадан эртачи ва мўл ҳосил олиш гарови

Ҳудудларда мавжуд ер майдонларидан самарали ва мақсадли фойдаланиш, чигит экиш ишларига пухта тайёргарлик кўриш ҳамда бу борадаги вазифаларни белгилаб олиш мақсадида Ангор, Термиз, Музработ, Жарқўрғон ва Бандихон туманларида семинарлар ташкил этилди. Вилоят ҳокими раҳбарлигида ўтказилган муҳокамаларда вилоят, туман секторлар раҳбарлари, қишлоқ хўжалиги соҳасидаги бошқарма ва ташкилотлар, уларнинг туман бўлимлари вакиллари ҳамда кластер ва фермер хўжаликлари раҳбарлари иштирок этишди.

Вилоятда 2023 йил ҳосили учун 72 минг 270 гектар майдонда чигит экиш режалаштирилган. Бугунги кунга қадар 58 та фермер хўжаликлари томонидан чигит экиш ишлари бошланган. Ишларни сифатли ташкил этиш ва амалга ошириш учун вилоят бўйича 230 та отрядлар тузилган.

Муҳокамалар давомида вилоятда бошланган чигит экиш мавсумини қисқа муддатда уюшқоқлик билан ўтказиш, тайёрланган майдонларда чигит экиш агротехник тадбирларини тўғри амалга ошириш, уни хатосиз, соғлом ва эрта ундириб олиш, ғўза парвариши ва уни зараркунандалардан ҳимоя қилиш билан боғлиқ фикр-мулоҳазалар, таклифлар бирма-бир тингланиб, тегишли чора-тадбирлар белгилаб олинди.

Ҳар бир ҳудудда ер текислаш, пушта олиш, пушта суви бериш тадбирларининг амалга оширилиши таҳлил қилинди. Белгиланган режадан ортда қолаётган ҳудудлар, кластер ва фермер хўжаликлари раҳбарларига камчиликларни бартараф этиш, ишларни самарали йўлга қўйиш бўйича вазифалар белгилаб берилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

📊 Вилоятимизда кичик тадбиркорлик субъектлари сони қанча?

🏢Вилоят статистика бошқармаси маълумотларига кўра, 2023 йил 1 февраль ҳолатига кўра, (фермер ва деҳқон хўжаликларидан ташқари) фаолият кўрсатаётган кичик тадбиркорлик субъектлари сони 25 минг 983 тани ташкил этиб, 2022 йилнинг мос даври билан солиштирилганда 6,5 фоизга ошган.

📈Вилоятимизда фаолият кўрсатаётган кичик тадбиркорлик субъектлари сони йиллар кесимида қуйидаги кўринишда тақсимланган:

🔷2019 йилда – 12 287 та
🔷2020 йилда – 15 902 та
🔷2021 йилда – 21 819 та
🔷2022 йилда – 24 395 та
🔷2023 йилда – 25 983 та

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

📣Ҳурматли Термиз шаҳри фуқаролари ва меҳмонлари!

❗️ Жорий йил 12 март куни Термиз шаҳридаги “Сурхон” спорт мажмуасидан “Болажон” боғида жойлашган катта байроқгача бўлган 3 км масофада “Янги нафас” оммавий югуриш марафони ўтказилади.

⛔️ Тадбир муносабати билан 12 март куни соат 05:00 дан 11:00 гача “Алишер Навоий” кўчасининг “Сурхон-Арена” спорт мажмуаси ёнидаги чорраҳаси,  “Алишер Навоий” ва “Ислом Каримов” (Божхона чорраҳаси) кўчалари кесишган чорраҳасидан “Бегойим” ресторани чорраҳасигача ҳамда ушбу чорраҳадан “Баркамол авлод” кўчасининг “Болажон боғи” чорраҳасигача бўлган қисми транспорт воситалари ҳаракати учун вақтинча ёпилади.

🙏Ноқулайликлар учун узр сўраб, ҳайдовчиларга айланма йўллардан фойдаланишларини тавсия этамиз.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Айрим ҳудудларда Наврўз сайллари ўтказиладиган кунлар ўзгарди

“Наврўз” умумхалқ байрами муносабати билан вилоятимиз ҳудудларида ташкиллаштириладиган халқ сайлларининг ўтказиш куни, жойи ва вақти билан танишинг:

📍Бойсун тумани – 14 март
Ёшлар истироҳат боғи

📍Узун тумани – 14 март
“Маландиён” маҳалласи адирлиги

📍Олтинсой тумани – 14 март
“Қорлиқ” маҳалласи адирлиги

📍Қумқўрғон тумани – 14 март
“Сурхон соҳили” маҳалласи Ёшлар истироҳат боғи

📍Қизириқ тумани – 14 март
“Шабада” массиви адирлиги

📍Ангор тумани – 15 март
“Шарқ гули” маҳалласи, “Дўстлик” маданият ва истироҳат боғи

📍Бандихон тумани – 15 март
“Бандихон” маҳалласи адирлиги

📍Сариосиё тумани – 15 март
“Янгиҳаёт” маҳалласи “Шахтиёр” ўйингоҳи

📍Шеробод тумани – 15 март
“Чўйинчи” маҳалласи Спорт мажмуаси

📍Музработ тумани – 16 март (14 мартдан кўчирилди)
“Шаффоф” маҳалласи адирлиги

📍Термиз тумани – 16 март (14 мартдан кўчирилди)
“Марварид” дам олиш маскани

📍Денов тумани – 16 март (14 мартдан кўчирилди)
“Денов барака яшил олами” МЧЖ мажмуаси

📍Шўрчи тумани – 16 март (14 мартдан кўчирилди)
“Наврўз” маҳалласидаги истироҳат боғи

📍Вилоятнинг асосий байрам сайли
(Термиз шаҳри билан бирга) – 17-18 март
Термиз шаҳридаги “Санъат саройи” ҳудуди

Халқ сайллари белгиланган кунда соат 09:00дан 17:00га қадар бўлиб ўтади.

Байрам тадбирларига марҳамат азиз воҳадошлар!

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

"Менимча" телелойиҳасининг навбатдаги сонида таҳлил қилинадиган мавзулар:
- Президент Конституцияга ўзгартириш ва қўшимчалар киритиш юзасидан келиб тушган таклифларни ўрганиш якунлари бўйича маслаҳатлашувда иштирок этди;
- Хотин-қизлар байрамига бағишланган тантанали маросимдаги унутилмас онлар;
- Янги Ўзбекистонда қадр топган ҳамда умиди ушалиб, Ватан ичра ватанли бўлган бахтли аёллар ҳикояси.

Кўрсатувни бугун, 11 март куни соат 20:10 да "O'zbekiston 24" телеканалида томоша қилишингиз мумкин.

Эртага, 12 март куни соат 12:20 ва 17:20 да такроран намойиш этилади.

Facebook|Instagram|Twitter

Деновда Сурхон таомлари сайли ўтказилди

Сурхондарё вилояти ҳокимлиги томонидан Денов туманининг Сина маҳалласида миллий таомлар сайли ўтказилди.

Ушбу сайлда Денов, Сариосиё, Узун, Олтинсой ва Шўрчи туманларининг миллий услубда безатилган павильонлари ташкил этилиб, шу ҳудудга хос тансиқ таомлар кўргазмаси, таомлар тайёрлаш билан боғлиқ услуб, удум ва анъаналар намойиш этилди.

Бунда миллий таомлар, ош, шўрва, тандиргўшт, кўк сомса, қозон ва қатлама патирлар, чучвара, хоним, манти, шилпилдоқ, шулла, сумалак, халим, холвайтар каби таомлар тайёрланди.

“Энг яхши таом”, “Энг яхши ошпаз”, "Энг кўп миллий таом тайёрлаган ошпаз" номинацияларида ғолиблар аниқланиб, уларга диплом, статуэтка ва совғалар тантанали топширилди.

Фольклор этнографик жамоалар, миллий чолғу гуруҳлари ва ёш санъаткорларнинг чиқишлари, анъанавий халқ ўйинлари бўйича турли чиқишлар тадбир иштироечиларига кўтаринки руҳ бағишлади.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site