Термиз шаҳридаги ижтимоий соҳа объектлари, маҳаллалар инфратузилмаси, ташкилот ва корхоналар фаолияти ўрганилди

Бугун вилоят ҳокими Улуғбек Қосимов Термиз шаҳри бўйлаб, ижтимоий соҳа объектлари, хусусан мактаблар фаолияти, маҳаллаларда амалга оширилаётган ишлар, марказий кўча ва йўлларда олиб борилаётган таъмирлаш, ободонлаштириш ишлари билан танишди. Дастлабки манзил 960 ўринли мактабда 2 минг 531 нафар ўқувчи таҳсил олаётган, 2,6 коэффициентда фаолият юритаётган 1-сонли мактаби бўлди.

Учта ўқув биносидан иборат ушбу мактабнинг асосий биноси 2016 йилда, қолган 2 та ўқув биноси 2019 йилда таъмирланган. Мактабнинг умумий ер майдони 1,5 гектардан ортиқни ташкил этади. Очиқ ер майдонларига эътибор қаратилмаганлиги, ободонлаштириш ишлари талаб даражасида йўлга қўйилмаганлиги танқид қилинди. Таълим сифатини ошириш, мактаб ҳудудини ободонлаштириш, ўқувчилар таҳсил олишлари, ўқитувчиларнинг фаолият юритишлари учун зарур шароитларни яратиш бўйича топшириқлар берилди.

Шундан сўнг мутасаддилар шаҳардаги 22-сонли мактаб фаолиятини ўрганишди. Қуввати 280 ўринли бўлган ушбу мактабда 607 нафар ўқувчи таҳсил олади. Мактаб кутубхонасига етарли эътибор қаратилмаганлиги, мактаб чеккасидаги хонага жойлаштирилганлиги танқид қилинди. Масъулларга мактаб фаолиятини самарали ташкил этиш, кириб келувчи йўлларни, йўлаклар ва мактаб биносида таъмирлаш ишларини олиб бориш топшириғи берилди. Вилоят раҳбари ушбу мактабнинг спорт залида ташкил этилган бокс тўгараги фаолияти билан ҳам танишиб, машғулотлар олиб бораётган ўқувчилар билан суҳбатлашди.

Шунингдек, мактаб билан ёндош ҳудудда жойлашган “Буюк Сурхон Термиз” фермер хўжалиги дала майдонлари ҳам кўздан кечирилди. Дала атрофлари тозаланмаган, дарахт кўчатлари экилмаган, мавжудлари оқланмаган, ариқ ва зовурлар қазилмаган. Вилоят раҳбари камчиликларни кўрсатиб ўтиб, масъулларга бартараф этиш, фермер хўжалиги фаолиятини ўрганиш бўйича топшириқлар берди.

Кейинги манзилда Ўзпахтасаноат АЖ “Сурхондарё минтақавий терминали” МЧЖ биноси кўздан кечирилди. Бино жойлашган ҳудудни тартибга келтириш, тозалаш, ободонлаштириш ишларини олиб бориш бўйича чора-тадбирлар белгилаб берилди.

Ўрганиш давомида ҳудуддаги маҳаллалар инфратузилмаси билан ҳам танишилиб, мавжуд камчиликлар кўрсатиб ўтилди. Шаҳар ҳокимига маҳаллалар инфратузмасини яхшилаш, йўлларни таъмирлаш бўйича бўйича белгиланган дастурлардаги тадбирларни сифатли амалга ошириш вазифаси қўйилди ҳамда маҳаллалардаги “бешлик” ва бошқа масъулларни жалб қилган ҳолда ободонлаштириш ишларини кенг кўламда олиб бориш топширилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Шаҳардаги ўрганиш ишлари мактаб ва маҳаллаларда давом этди

Вилоят ҳокими раҳбарлигидаги мутасаддиларнинг Термиз шаҳридаги ўрганиш ишлари давом этди. Кейинги манзилда "Нурли келажак" маҳалласида жойлашган 7-сонли мактабдаги шароитлар, амалга оширилган ишлар, ободонлаштириш ҳолати билан танишилди.

Мактабда таъмирлаш ишлари якунига етказилмаган, етарлича назорат, тартиб-интизом тўғри йўлга қўйилмаган, мавжуд жиҳозлар, стол-стуллар сақланиши тўғри йўлга қўйилмаган, қурилиш материаллари ва чиқиндиларининг йўлакда сақланиши ҳунук манзарани келтириб чиқарган ва фавқулодда чиқиш йўлакларини ёпилиб қолган.

Вилоят халқ таълими бошқармасига ўз вазифасига совуқққонлик билан қараб, мактабда тартиб ўрнатмаганлиги ва тегишли чора-тадбирларни амалга оширмаганлиги учун мактаб директорининг лавозимига лойиқлик масаласини кўриб чиқиш, молия бошқармасига таъмирлаш ишларини якунига етказиш учун маблағ ажратиш, тегишли органларга мактаб фаолиятини ўрганиб, ҳуқуқий баҳо бериш бўйича топшириқлар берилди.

Шунингдек, шу ернинг ўзида шаҳар масъуллари ва “Нурли келажак” (Олдинги номи Паттакесар) маҳалласи "бешлиги" билан белгилаб берилган топшириқлар ижроси муҳокама қилинди. Аввалги ташрифда берилган топшириқларга асосан икки қаватли турар-жойларнинг том ва фасад қисмлари таъмирланган, ҳудудда ободонлаштириш ишлари олиб борилган. Ҳудуд чиқиндилардан тозаланиб, тартибга келтирилган.

Вилоят раҳбари ҳудудни ўрганиш давомида йўлаклар қурилишини охирига етказиш ва маҳалла инфратузилмасини янада яхшилаш бўйича навбатдаги вазифаларни белгилаб берди.

Маҳалла инфратузилмасини яхшилаш, ободонлаштириш ишларини давом эттириш, ҳудуддаги мактаб ва бошқа ижтимоий соҳа объектларида тозалаш ва ободонлаштириш ишларини амалга оширилишини ташкил этиш учун шаҳар ИИБ бошлиғи, 3-Сектор раҳбари масъул этиб белгиланди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Хайрия ҳашари доирасида 144 та эҳтиёжманд оиланинг уй-жойи таъмирланади

Сурхондарёда жорий йил 18 март куни ўтказиладиган “Обод ва файзли маҳалла – юрт кўрки” умумхалқ хайрия ҳашарига пухта тайёргарлик кўрмоқда.

Батафсил: https://uza.uz/461424

Telegram | Facebook | Instagram | YouTube | Web-site

Йўллар таъмири, йўлаклар қурилиши ҳамда бошқа қурилиш жараёнлари билан танишилди

Вилоят ҳокими Улуғбек Қосимов Термиз шаҳридаги ўрганиш ишларини собиқ “Юбилейний” бозори атрофи, тунелл, “Санъат саройи” атрофи “Чегара” маҳалласида давом эттирди. Ҳудудларни ободонлаштириш, уй-жойлар қурилиши, йўллар таъмири, йўлаклар қурилиши, йўл ёқаларидаги майдонларда суғориш тизимларини ўрнатиш ишларининг бориши кўздан кечирилди.

Термиз шаҳар ҳокимига тунелл ичи ва атрофини тозалаш, тартибга келтириш ва таъмирлаш ишларини қисқа муддатларда якунлаб, фаолиятини бошлаш бўйича вазифалар топширилди. Ҳудуддаги ободонлаштириш ишлари кўздан кечрилди. Шунингдек, “Санъат саройи” атрофини ободонлаштириш, байрам тадбирлари ўтказишга тайёргарлик ишларини амалга ошириш бўйича бажарилаётган ишлар ва ҳудуд атрофидаги майдонларни суғориш учун қувурлар ётқизиш жараёнлари кўздан кечирилди.

Мутасаддиларга ободонлаштириш ва кўкаламзорлаштириш ишларини сифатли амалга ошириш бўйича чора-тадбирлар белгилаб берилди.

Шундан сўнг шаҳарнинг мутасаддилар “Чегара” маҳалласида бўлиб, инфратузилмаларни жойлаштириш, шаҳарсозлик нормаларига асосан янги бинолар қурилиши бўйича лойиҳалар билан танишди. Вилоят раҳбари лойиҳалар бўйича таклиф ва тавсияларини берди.

Одамлар кайфиятига таъсир қилувчи, шаҳар кўркини очувчи лойиҳаларни амалга ошириш, йўлаклар қурилишини сифатли олиб бориш бўйича масъулларга вазифалар белгилаб берилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Умумхалқ хайрия ҳашари 18 март куни ўтказилади

“Обод ва файзли маҳалла – юрт кўрки” шиори остида 2023 йил 11 март куни умумхалқ хайрия ҳашари ўтказилиши ҳақида аввал хабар берилган эди.

Вазирлар Маҳкамасининг тегишли фармойиши асосида ушбу умумхалқ хайрия ҳашари Наврўз умумхалқ байрами ва муборак Рамазон ойи арафасида ҳамда тадбирга пухта тайёргарлик кўриш ва уюшқоқлик билан ўтказиш мақсадида 2023 йил 11 мартдан 18 мартга кўчирилди.

Эслатиб ўтамиз, ҳашар маҳаллалар, аҳоли турар жойлари, хиёбонлар, зиёратгоҳлар, қабристонлар, болалар майдончалари ва бошқа жойларни ободонлаштириш, шунингдек, аҳолининг ижтимоий ҳимояга муҳтож қатламини қўллаб-қувватлаш мақсадида ўтказилади.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site