Денов туманидаги “Инденим” савдо мажмуасида содир бўлган нохуш ҳолат тафсилотлари билан эртага, 16 декабрь куни соат 20:30 да Сурхондарё телеканалида тайёрланган махсус репортажда танишишингиз мумкин.

👉 Каналга уланиш: t.iss.one/axborot_xizmati

Facebook | Instagram | YouTube | Web-site

Сурхондарё вилоятида қуйидаги вакант лавозимга очиқ мустақил танлов эълон қилинди

— Денов туман Аҳоли бандлигига кўмаклашиш маркази Касбга қайта ўқитишни ташкил этиш шўъбасига бириктирилган инспектори;

— Жарқўрғон тумани статистика бўлими етакчи мутахассиси;

— Узун тумани ҳокимлиги молия бўлими Бюджет даромадлар базасини мустаҳкамлаш ва бюджетлараро муносабатлар шўъбаси мутахассиси;

— Қумқўрғон тумани 37 -сонли умумий ўрта таълим мактаби директори;

— Шеробод тумани ҳокимлиги молия бўлими Бюджет даромадлар базасини мустаҳкамлаш ва бюджетлараро муносабатлар бўлими мутахассиси;

— Бюджетдан ташқари пенсия жамғармаси Бандихон тумани бўлими Пенсия, нафақа ва бошқа тўловларни тайинлаш (қайта ҳисоблаш) ва тўловларни ташкил қилиш шўбаси катта инспектори;

— Шеробод туман иқтисодий тараққиёт ва камбағалликни қисқартириш бўлими бошлиғи ўринбосари;

— Бюджетдан ташқари пенсия жамғармаси Сурхондарё вилояти бошқармаси Юридик бюро мудири;

— Бюджетдан ташқари пенсия жамғармаси Сурхондарё вилояти бошқармаси Юридик бюро Бош ҳуқуқий маслаҳатчиси;

— Қумқўрғон тумани 27 -сонли умумий ўрта таълим мактаби директори;

— Сариосиё туман Аҳоли бандлигига кўмаклашиш маркази Касбга қайта тайёрлашни ташкил этиш шўба мудири;

— Қумқўрғон тумани 50 -сонли умумий ўрта таълим мактаби директори;

— Қумқўрғон тумани 16 -сонли умумий ўрта таълим мактаби директори;

— Шўрчи туман ветеринария ва чорвачиликни ривожлантириш бўлими ҳайвонлар соғлиғини сақлаш, ташхис ишлари ва озиқ-овқат ҳавфсизлиги бўйича мутахассиси;

— Сурхондарё вилояти Қишлоқ хўжалиги бошқармаси бошлиғининг биринчи ўринбосари;

▶️ Танловда иштирок этиш учун номзодлар Давлат фуқаролик хизматчилари вакант лавозимларининг ягона очиқ портали орқали рўйхатдан ўтишлари, вакант бўлган лавозимга сўралган ҳужжатларни электрон шаклда тақдим этишлари зарур.

❗️Ҳужжатлар 2021 йил 25 декабргача (шу куни ҳам) қабул қилинади.

Деновдаги портлаш бўйича уч киши қамоққа олинган - Бош прокуратура

Деновдаги портлаш бўйича жиноий иш доирасида уч кишига «қамоққа олиш» эҳтиёт чораси қўлланган. Бу ҳақда Бош прокуратура матбуот хизмати хабар берди.

“Деновдаги савдо мажмуасида юзага келган чақнаш ҳодисаси бўйича тергов қилинаётган жиноят иши доирасида 15 декабрь куни Денов шаҳар газ бўлими бошлиғи, Ҳудудгаз Сурхондарё газтаъминотининг 2 нафар ходими жами 3 нафар шахсга Жиноят кодексининг 116, 214-моддалари билан айб эълон қилиниб, “қамоққа олиш” эҳтиёт чораси қўлланилган. Дастлабки тергов ҳаракатлари давом этмоқда”, дейилади хабарда.

Давлат бошқаруви академиясида Сурхондарё, Сирдарё ва Тошкент вилоятлари ҳокимлиги учун амалий семинарлар ташкил этилди

Жорий йилнинг 16-18 декабрь кунлари 2022 йилда ҳудудни комплекс ижтимоий-иқтисодий ривожлантириш "Йўл харитаси"ни тайёрлаш ҳамда камбағалликни қисқартириш масалалари бўйича Сурхондарё, Сирдарё ва Тошкент вилоятлари, туманлар ва шаҳарлар ҳокимлари учун амалий семинарлар ташкил этилмоқда.

Семинарнинг дастлабки кунида Ўзбекистон Республикаси Президентининг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси Равшан Гулямов, Ўзбекистон Республикаси Президенти Администрацияси департаменти раҳбари Бекзот Мавлонов Давлат бошқаруви академияси ректори Адҳам Бекмуродов, шунингдек вазирлик ва идоралар раҳбарлари ҳамда вилоят ҳокимлиги мутасадди вакиллари иштирок этишди.

Амалий-семинарнинг биринчи куни Тадбиркорликни ривожлантириш масалаларига қаратилган бўлиб, камбағалликни қисқартириш ва аҳоли бандлигини таъминлаш, янги жорий этилган ҳоким ёрдамчилари фаолиятини ташкил этиш, ҳудудда тадбиркорликни ривожлантириш бўйича драйвер соҳаларни аниқлаш, маҳаллаларда оилавий тадбиркорлик дастурларини амалга ошириш, касб-ҳунар ва тадбиркорлик кўникмаларига ўқитиш орқали ишсиз аҳолининг бандлигини таъминлаш, хизматлар кўрсатиш соҳасини ривожлантириш масалалари муҳокамалар марказида бўлди.

Эслатиб ўтамиз, Давлат бошқаруви академиясида “Йўл харитаси”ни тайёрлаш ҳамда камбағалликни қисқартириш масалалари бўйича ҳокимлар учун ўқувлар ноябрь ойидан буён ташкил этиб келинмоқда.

Сурхондарё вилояти ҳокимлиги Матбуот хизмати

👉 Каналга уланиш: t.iss.one/axborot_xizmati

Facebook | Instagram | YouTube | Web-site

“Бахшичилик санъати” UNESCO’нинг Инсоният номоддий маданий мероси Репрезентатив рўйхатига киритилди

Ушбу элемент бўйича номинацион пакет Шавкат Мирзиёев ташаббуси билан Ўзбекистоннинг UNESCO ишлари бўйича Миллий комиссияси томонидан тайёрланиб, 2020 йилда тақдим этилганди.

Туризм ва спорт вазирлиги ахборот хизмати маълум қилишича, икки йил давомида UNESCO томонидан ўрганиб чиқилди ва бугун Парижда бўлган йиғилишида бахшичилик санъатини номоддий маданий мерос дея тан олиш тўғрисида қарор қабул қилди.

Президент бахшичилик санъати намояндалари ва мухлисларига табрик йўлларди

16 декабрь куни ЮНЕСКОнинг Номоддий маданий меросни асраш ҳукуматлараро қўмитаси томонидан Бахшичилик санъати Инсониятнинг номоддий маданий мероси репрезентатив рўйхатига киритилгани муносабати билан Президент Шавкат Мирзиёев бахшиларга табрик йўлади.

Табрикда бу юксак эътироф дунё ҳамжамиятининг Ўзбекистоннинг қадимий тарихи ва бой маданиятига, ранг-баранг ижодий мактаблар ва изчил ривожланиш силсиласига эга бўлган ноёб бахшичилик санъатига улкан ҳурмат-эътиборининг ёрқин ифодаси эканлиги алоҳида эътироф этилган.

Шунингдек, ушбу санъат юртимиздаги турли миллат ва элатлар ўртасида ўзаро ҳурмат, бир-бирини тушуниш ва ҳамжиҳатлик муҳитини янада мустаҳкамлаш йўлида беминнат хизмат қилиб келганлиги ва бугунги кунда ҳам бу шарафли вазифани тўла адо этаётганлиги таъкидланган.

Бахшичилик санъати ёшларни она юртга, миллий-маданий қадриятларимизга садоқат руҳида тарбиялаш, уларни адолат ва инсонийликка чорлаш, баркамол авлод бўлиб вояга етишида эзгулик элчилари бўлган бахши, оқин ва жировларнинг ўрни ва таъсири беқиёс эканлиги қайд этилган.

Давлат раҳбарининг табригида бахшичилик санъати ижрочидан бир вақтнинг ўзида ҳам моҳир шоир, ҳам истеъдодли хонанда, ҳам уста созанда ва актёрлик маҳоратига эга бўлишни талаб этишини, бунинг учун нафақат туғма қобилият, айни вақтда юксак ижодий салоҳият, тинимсиз изланиш зарурлиги билан алоҳида аҳамиятли эканлигига эътибор қаратилган.

Шунингдек, мамлакатимизда самарали фаолият олиб бораётган 250 нафардан ортиқ соҳа вакиллари орасида 25 нафарга яқини “Ўзбекистон халқ бахшиси” ва “Қорақалпоғистон халқ бахшиси” унвонлари, 1 нафари “Дўстлик ордени”, 11 нафари “Шуҳрат” медали, 7 нафари “Ниҳол” мукофоти, 2 нафари “Келажак бунёдкори” медали билан тақдирланганлиги қайд этилган.

Табрикда 2019 йил апрель ойида Термиз шаҳрида ўтказилган биринчи ва жорий йил сентябрь ойида Нукус шаҳрида ташкил этилган иккинчи фестиваль минтақа ва халқаро ҳамжамият маданий доираларида катта қизиқиш уйғотганлиги эътироф этилган.

Бугунги кунда республика бўйича бахшилар синфи 115 тага етиб, уларда таълим олаётган ўқувчиларнинг умумий сони 1500 дан, ўқитувчилар сони эса 245 нафардан ортиқни ташкил этаётгани бу йўналишдаги ишларимиз кўламидан далолат беради.

Табрикда бахшилар - Эргаш Жуманбулбул ўғли, Фозил бахши, Ислом шоир, Пўлкан шоир, Бола бахши Абдуллаев, Шоберди Болтаев, Боборайим Маматмуродов, Абдуназар Поёнов, Қора бахши Умиров, Шомурод Тоғаев, Қодир бахши Раҳимов, Зиёдулла Исломов, Норбек бахши Абдуллаев, Қаландар бахши Норметов, Абдуқаҳҳор ва Абдумурод Раҳимовлар номлари алоҳида эътироф этилди.

Табрикнинг тўлиқ матни билан танишиш учун қуйидаги ҳаволага киринг:
https://president.uz/uz/lists/view/4831