#munosabat

Ijtimoiy tarmoqlar orqali tarqatilgan "35-maktab oldidagi yo‘l chizig‘i mavjud emasligi" bo‘yicha yo‘llangan murojaatni o‘rganib Namangan viloyati Avtomobil yo‘llari Bosh boshqarmasi quyidagilarni ma’lum qiladi:

Murojaat joyiga chiqib o‘rganilganida, 35-maktab joylashgan joydan 60 metr yuqorida svetafor bor. Piyodalar o‘tish yo‘lagi bilan svetafor oralig‘i kamligi sababli maktab oldiga piyodalar o‘tish yo‘lagi tashkil etish qoidalariga to‘g‘ri kelmasligi aniqlandi

Namangan viloyati Avtomobil yo‘llari Bosh boshqarmasi axborot xizmati

#муносабат

Norin tumani Haqqulobod shahar A. Temur ko‘chasini 3,5 km masofada ta’mirlash (beton qoplamali yo‘l) qurish belgilangan bo‘lib, tegishli tartibda "Namangan sement" MCHJ tender tanlovlarida g‘olib deb topilgan.

Joriy yilning noyabr oyida  murojaatda ko‘rsatilgan A.Temur ko‘chasini ta’mirlash ishlarini boshlanishi rejalashtirilgan.

Rejada ko‘rsatilgan muddatda mazkur yo‘lni qurish ishlari amalga oshirilishini ma'lum qilamiz

Namangan viloyati Avtomobil yo‘llari Bosh boshqarmasi axborot xizmati

#munosabat

Ijtimoiy tarmoqlar orqali tarqatilgan "Open budjet bo‘yicha olingan mablag‘ hisobidan ko‘cha asfaltlangan lekin 8 metri qolib ketgan" qabilidagi murojaatni o‘rganib quyidagilarni ma'lum qilamiz:

O‘rganishlar natijasida murojaatda aytilgan yo‘l Namangan viloyati Uychi tumani Yangi chek MFY Ishonch ko’chasi ekanligi aniqlandi.

Mazkur yo‘lni qurish ishlari "Open budjet" orqali ko‘chani asfaltlash uchun yutib olingan 150 million so’m mablag‘ evaziga amalga oshirilgan.

Quruvchi tashkilot "Istiqlol" MCHJ hisoblanadi. Berilgan mablag‘ summasi loyihaga ko‘ra 302 metr uzunlikdagi yo‘lni asfaltlashga yetgan. Shunga qaramay quruvchi tashkilot tomonidan rejadagi ishlar ortig‘i bilan bajarilgan. Ya'ni, qurilgan yo‘lning umumiy uzunligi 325 metrni tashkil etadi.

Mablag‘ yetmasligi hisobiga ko‘chaning oxiridan 12 metr qismi qolib ketgan.

O‘zbekiston Respublikasi Prezidentining 2019-yil 9-dekabrdagi №PF-5890 sonli farmoniga asosan, ichki ko‘chalar mahalliy davlat xokimiyatlari organlari (tuman va shahar xokimliklari Obodonlashtirish boshqarmalari) ixtiyorida bo‘lgani uchun va 2022-yil 2-fevraldagi №49-sonli O‘zbekiston Respublikasi Vazirlar mahkamasining “Avtomobil yo‘llari sohasida ochiqlik standartlarini joriy etish va sohada jamoatchilik nazoratini kuchaytirish chora-tadbirlari to‘g‘risida” gi qaroriga binoan, O‘zbekiston Respublikasi Avtomobil yo‘llari qo‘mitasi tomonidan avtomobil yo‘llari sohasida shaffoflik va jamoatchilik oldidagi hisobdorlik standartlarini joriy qilish bo‘yicha “Shaffof yo’l” onlayn axborot platformasi ishlab chiqildi va 2022-yil 1-martga qadar birinchi bosqich, 4-avgustga qadar ikkinchi bosqichida ichki xo‘jalik yo‘llari reyestri shakllantirishlik qarorda belgilab qo‘yilgan.

 Yuqoridagilarni inobatga olib, Uychi tuman Obodonlashtirish boshqarmasi tomonidan “Shaffof yo’l” platformasida mazkur mahalla  ro'yxatga olinib, jamoatchilik fikriga asoslangan dastur ishlab chiqilib, tuman xokimi tasdiqlagach, tender orqali pudratchi korxonaga topshirilishini, keyin esa qolgan qismida asfaltlash ishlari bajarilishini ma’lum qilamiz

Namangan viloyati Avtomobil yo‘llari Bosh boshqarmasi axborot xizmati