Kuni kecha A.Avloniy nomidagi milliy-tadqiqot instituti rahbariyati Britaniya Kengashi (British Council)ning O‘zbekistondagi vakillari bilan ZOOM platformasi orqali onlayn uchrashuv o‘tkazdi.

Uchrashuvda "Future English in Uzbekistan" loyihasi doirasida olib borilgan ishlar ko‘rib chiqilib, 5- va 6-bosqichlarini amalga oshirish masalalari muhokama qilindi.

Mazkur loyiha doirasida navbatdagi rejalar, vazifalar bo‘yicha fikr almashdilar.

Shuningdek, hamkorlikda turli o‘quv dasturlari doirasida bugunga qadar olib borilgan ishlar sarhisob qilindi.

⚠️Milliy-tadqiqot institutining rasmiy sahifalarini kuzatib boring

📱 Telegram | 📒Facebook |📹YouTube | 📸

✔️“Ilg‘or tajribalar asosida yaratilgan darsliklarni amaliyotga joriy etish bo‘yicha boshlang‘ich sinf o‘qituvchilari uchun malaka oshirish kursi o‘quv dasturi” tasdiqlandi

⚠️Bugun A.Avloniy nomidagi milliy-tadqiqot institutida navbatdan tashqari Ilmiy kengash yig‘ilishi o‘tkazildi.

✔️Kengashda ilg‘or tajribalar asosida yaratilgan darsliklarni boshlang‘ich sinf o‘qituvchilari tomonidan amaliyotga samarali joriy etish, o‘quv-tarbiya jarayoniga o‘qitish va baholashning maqbul metodlarini, jumladan, 4K modelini joriy etish, bunda yangi darsliklar, o‘qituvchi kitobi va o‘quvchilar uchun mashq daftari asosida o‘quv-tarbiya jarayonini sifatli tashkil etish maqsadida o‘qituvchilar malakasini oshirish masalasi ko‘rib chiqildi.

📊O‘qituvchilarga yangiliklarni yetkazish, ularni metodik qo‘llab quvvatlash, pedagoglar kasbiy kompetentligini va o‘quvchilarning hayotiy ko‘nikmalarini rivojlantirishning samarali usullarini joriy etish bo‘yicha boshlang‘ich taʼlim o‘qituvchilari malakasini oshirishdagi vazifalar belgilab olindi.

Shuningdek, ilmiy kengash tarkibi aʼzolari ovoziga ko‘ra “Ilg‘or tajribalar asosida yaratilgan darsliklarni amaliyotga joriy etish bo‘yicha boshlang‘ich sinf o‘qituvchilari uchun malaka oshirish kursi o‘quv dasturi” tasdiqlandi.

⚠️Milliy-tadqiqot institutining rasmiy sahifalarini kuzatib boring

📱 Telegram | 📒Facebook |📹YouTube | 📸