#АРГОС_эслатади

⚡️Байрам кунлари ходимларни ишлатиш тақиқланади

Ходимларни байрам (ишланмайдиган) кунлари иш берувчининг фармойиши бўйича ишга жалб этишга фақатгина жамоа шартномасида, агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича йўл қўйилади.

Ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек, кечиктириб бўлмайдиган таъмирлаш ва юк ортиш-тушириш ишларида байрам (ишланмайдиган) кунлари ишлашга йўл қўйилади.

◽️Иш вақтидан ташқари ишлар, дам олиш кунлари ва байрам кунларидаги ишлар учун камида икки ҳисса миқдорида ҳақ тўланади.

Каналга уланиш - @argos_uz

#АРГОС_огоҳлантиради

⚡️ Давлат хизматчиларининг ҳақ-ҳуқуқлари, манфаатлари қонун ҳимоясида!

Агентлик томонидан 2024 йилнинг биринчи ярим йиллигида давлат фуқаролик хизматчиларининг ҳуқуқлари ва қонуний манфаатларига риоя этилиши билан боғлиқ ўрганишлар ўтказилди ва қатор таъсир чоралари қўлланилди.

Таҳлиллар давомида қуйидагилар аниқланди:

– 490 та ўрганиш ўтказилган;
– 113 та тақдимнома киритилган;
– 79 та маъмурий таклиф берилган;
– 194 та ёзма огоҳлантириш хати юборилган.

Ўрганишларда жами 2671 та ҳолатда қонунбузилишларига йўл қўйилганлиги аниқланган.

🔰 Жумладан:

◽️ 630 та ҳолатда танлов ўтказиш тартибига амал қилинмаган, 189 нафар фуқаро давлат фуқаролик хизмати лавозимларига танловсиз ишга қабул қилинган ҳамда 5 та ҳолатда кадрлар бўйича раҳбарлик лавозимига номзод Агентлик билан келишмасдан тайинланган;
◽️205 нафар давлат фуқаролик хизматчисининг меҳнатига ҳақ тўлашда уларнинг ҳуқуқлари бузилган;
◽️ 80 нафар давлат фуқаролик хизматчисига меҳнат таътилларини беришда, 72 нафарига нисбатан интизомий жазо чорасини қўллашда қонунчилик талабларига амал қилинмаган;
◽️ 211 нафар давлат фуқаролик хизматчисига эксклюзив ҳуқуқлар татбиқ этилмаган;
◽️ 4 та ҳолатда ишдан бўшатиш тартибига риоя қилинмаган;
◽️29 та ҳолатда жамоа шартномаси қабул қилинмаган ҳамда ходимларга имзо қўйдирган ҳолда таништирилмаган;
◽️ 46 та ҳолатда давлат фуқаролик хизматчиларининг одоб-ахлоқ қоидалари ва Одоб-ахлоқ комиссияси тасдиқланмаган;
◽️889 та ҳолатда инсон ресурсларини бошқаришга оид маълумотлар ва ҳужжатлар “hrm.argos.uz” электрон платформаси орқали шакллантирилмаган.

◽️Батафсил

☝️Давлат хизматчилари мурожаатлари боти — @murojaat_argos_bot

Каналга уланиш — @argos_uz

#АРГОС_эслатади

⚡️Байрам кунлари ходимларни ишлатиш тақиқланади

Ходимларни байрам (ишланмайдиган) кунлари иш берувчининг фармойиши бўйича ишга жалб этишга фақатгина жамоа шартномасида, агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича йўл қўйилади.

Ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек, кечиктириб бўлмайдиган таъмирлаш ва юк ортиш-тушириш ишларида байрам (ишланмайдиган) кунлари ишлашга йўл қўйилади.

◽️Иш вақтидан ташқари ишлар, дам олиш кунлари ва байрам кунларидаги ишлар учун камида икки ҳисса миқдорида ҳақ тўланади.

Каналга уланиш - @argos_uz

#АРГОС_маълум_қилади

⚡️“Ҳокимликка тайёрлаш мактаби” қўшма таълим дастури тингловчилари масъул вазифаларга тайинланмоқда

Лойиҳа аввал маълум қилганимиздек, Ўзбекистон Республикаси Президенти ҳузуридаги Давлат хизматини ривожлантириш агентлиги ва Давлат бошқаруви академияси томонидан Ханнс Зайдел жамғармаси ҳамда Бавария давлат бошқаруви мактаби ҳамкорлигида амалга оширилмоқда.

Дастур бошқарув кадрларига қўйилаётган замонавий ва халқчил талабларни ҳисобга олган ҳолда раҳбарлар захирасини шакллантиришга йўналтирилган.

Айни дамда 56 нафар тингловчи Давлат бошқаруви академиясида малака оширмоқда. Бугунга қадар қуйидаги тингловчилар масъул вазифаларга сайланди ва тайинланди:

▫️Тожибоева Гулчеҳра Садриддиновна, Олий Мажлис Қонунчилик палатаси депутати (сайланди)

▫️Раджабова Шоира Нурматовна, Олий Мажлис Қонунчилик палатаси депутати (сайланди)

▫️Хушмуродова Исмигул Бердимуродовна, Қашқадарё вилояти Халқ депутатлари вилоят Кенгаши раиси (сайланди)

▫️Уббиниязов Батырбек Онгарбаевич, Бўзатов тумани ҳокими

▫️Сулайманов Бекзод Анварович, Марказий банкнинг Наманган вилояти Бош бошқармаси бошлиғи

▫️Собиров Илҳом Қаҳрамонович, Андижон вилояти ҳокимининг ўринбосари - вилоят инвестициялар, саноат ва савдо бошқармаси бошлиғи

▫️Мусаева Ирода Мансурбековна, Урганч шаҳар ҳокими ўринбосари - оила ва хотин-қизлар бўлими бошлиғи

▫️Насруллаева Шоира Азатовна, Савдо-саноат палатаси Хоразм вилояти бошқармаси бошлиғининг Хотин-қизлар ва ёшлар тадбиркорлиги бўйича ўринбосари

❕Жараён давом этмоқда.

Дастур ҳақида батафсил бу ерда ўқинг.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat