Монополияга қарши курашиш қўмитаси раиси Тошкент вилояти ҳокимига ўринбосар бўлди

Нажмиддинхўжа Шарипов Тошкент вилояти ҳокимининг инвестиция ва ташқи савдо масалалари бўйича ўринбосари этиб тайинланди. У шу вақтга қадар Монополияга қарши курашиш қўмитаси раиси лавозимида ишлаб келаётганди.

----------

Председатель Антимонопольного комитета назначен заместителем хокима Ташкентской области

Нажмиддинхожа Шарипов назначен заместителем хокима Ташкентской области по инвестициям и внешней торговле. Ранее он занимал пост Председателя антимонопольного комитета.

Агентлик Ахборот хизмати
https://t.iss.one/argos_uz

Тошкент вилояти халқ таълими тизимидаги бошқарув ходимларининг қарийб 43 фоизи аттестациядан ўта олмади, очилаётган вакансиялар vacancy.argos.uz порталида эълон қилинади

Жорий йилнинг 15 мартидан Халқ таълими вазирлиги ҳамда Таълим сифатини назорат қилиш давлат инспекцияси томонидан барча туман (шаҳар) халқ таълими бўлимлари бошқарув ходимларининг билим ва кўникмалари баҳоланиб, сифат таркиби қайта кўриб чиқилаётгани тўғрисида вазирлик Ахборот хизмати аввалроқ хабар берган эди.

Белгиланган режага мувофиқ 15-17 март кунлари Тошкент вилоятида туман (шаҳар) халқ таълими бўлимлари бошқарув ходимларининг иш фаолияти баҳоланди.

Баҳолаш комиссияси қарорига кўра жараёнларда иштирок этган 35 нафар ходимлардан 20 нафари (57,1 %) ижобий натижа кўрсатган бўлса, 15 нафари (42,9 %) баҳолаш жараёнидан ўта олмади.

Шунингдек, баҳолаш жараёнидан ўтмаган ходимларга уларнинг эгаллаб турган лавозимига малакаси етарли бўлмаганлиги сабабли икки ҳафтадан сўнг улар билан тузилган меҳнат шартномаси бекор қилиниши тўғрисида огоҳлантириш хатлари берилиб, уларга мутахассислиги ва малака даражасига мос келувчи бошқа бўш (вакант) лавозимлар бўйича иш таклиф қилинади.

Баҳолаш жараёнидан ўтмаган ходимлар билан тузилган меҳнат шартномаси бекор қилингандан сўнг, туман (шаҳар) халқ таълими бўлимларининг вакант бошқарув лавозимлари бўйича маълумотлар vacancy.argos.uz веб-сайти орқали эълон қилинади. Бунда эълон қилинган вакант лавозимларга белгиланган малака талабларига мос келувчи фуқаролар талабгор сифатида иштирок этишлари мумкин.

Комиссия томонидан фаолияти юқори даражада баҳоланган ходимларни туман (шаҳар) халқ таълими бўлимлари ҳузуридаги Халқ таълими ходимларини рағбатлантириш жамғармаси маблағлари ҳисобидан қўшимча моддий қўллаб-қувватлаш тавсия этилди.

Баҳолаш жараёнлари белгиланган режага мувофиқ республиканинг барча ҳудудларида амалга оширилилаётган бўлиб, айни вақтда Баҳолаш комиссияси Жиззах вилоятида халқ таълими бўлимлари бошқарув ходимларининг билим ва кўникмаларини баҳоламоқда.

Маълумот учун: баҳолаш жараёнини ўтказиш жойи, муддати ва саволномалар ушбу ҳаволада.

Агентлик Ахборот хизмати
https://t.iss.one/argos_uz