⚡️Россия Президентини тантанали кутиб олиш маросими бўлди

Кўксарой қароргоҳида мамлакатимизга давлат ташрифини амалга ошираётган Россия Федерацияси Президенти Владимир Путинни тантанали кутиб олиш маросими бўлиб ўтди.

Қароргоҳ олдидаги майдонда икки мамлакат давлат байроқлари кўтарилди ва фахрий қоровул саф тортди.

Биргаликда суратга тушилгандан сўнг, давлат раҳбарларининг тор доирадаги музокаралари бошланди.

Каналга уланиш — @argos_uz

⚡️Ёшлар иншоларида халқпарварлик, ҳалоллик ва бирдамлик ғоялари устунлик қилди

◽️Сурхондарёда "Мен давлат хизматчиси бўламан" мавзусида иншолар танлови ўтказилди. Мактаб, туман (шаҳар), вилоят босқичларида 30 минг нафардан ортиқ ўқувчи иштирок этди.

Президент ҳузуридаги Давлат хизматини ривожлантириш агентлиги Сурхондарё вилояти филиали ташаббуси ва Сурхондарё вилояти Мактабгача ва мактаб таълими бошқармаси ҳамкорлигида ташкил этилган танловнинг вилоят босқичи бўлиб ўтди.

Унда умумтаълим мактабларининг 9-,10- ва 11-синф ўқувчилари иштирок этди.

Танлов ёшлар онгида давлат фуқаролик хизмати тўғрисида дастлабки тушунчаларни шакллантириш, соҳага уларнинг қизиқишини ошириш ва ҳуқуқий билимларини янада такомиллаштириш мақсадида ташкил этилди.

◽️Натижаларга кўра қуйидаги ўқувчилар ғолиб деб топилди:

1-ўрин - Малоҳат Турдимуродова, Жарқўрғон туман 21-мактаб ўқувчиси
2-ўрин - Моҳинур Маматқулова, Қумқўрғон туман 1-мактаб ўқувчиси
3-ўрин - Хонзода Хожиддинова, Шеробод туман 32-мактаб ўқувчиси

Ғолиб ва совриндорлар тақдирланди.

Танлов ёшлар томонидан катта қизиқиш билан қабул қилинди ва соҳага бўлган қизиқишини оширди, келгусида халқпарвар давлат хизматчиси бўлишдек эзгу мақсадларини янада қатъийлаштирди. Бу ҳақда улар ўз иншоларида ёзиб қолдиришди.

Каналга уланиш — @argos_uz