⚡️ Айни пайтда давлат фуқаролик хизматчилари учун "Сиёсий маърифат соати" бошланди

🔷 Давлат бошқаруви академиясида вазирлик ва идоралар, Қорақалпоғистон Республикаси Жўқорғи Кенгеси, вилоятлар ва Тошкент шаҳар, шунингдек, барча туман ва шаҳар ҳокимликлари ходимлари учун онлайн тарзда сиёсий-маърифий ўқув соати бошланди.

✅ Сиёсий маърифат соати Ўзбекистон Республикаси Президенти ҳузуридаги Давлат хизматини ривожлантириш агентлиги ҳамда Давлат бошқаруви академияси ҳамкорлигида ташкил этилмоқда.

🔷 Сиёсий-маърифий соатларда спикерлар ижтимоий-иқтисодий, сиёсий-ҳуқуқий соҳаларда амалга оширилаётган ислоҳотлар ва қабул қилинаётган норматив-ҳуқуқий ҳужжатларнинг мазмун-моҳияти ҳамда аҳамиятига тўхталиб ўтадилар.

❗️Сиёсий-маърифий соатни Давлат бошқаруви академиясининг YouTube'даги каналида онлайн кузатиб боришингиз мумкин.

✅ Бу ҳақида кейинроқ батафсил ахборот берамиз.

#YangiUzbekiston #YangichaDunyoqarash
#Siyosiy_marifat_soati

Каналга уланиш — @yangiuzbekiston_uz

​​#Тайинлов
#Сурхондарё

Маманов Файзулла Бўриевич Сурхондарё вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - вилоят иқтисодий тараққиёт ва камбағалликни қисқартириш бош бошқармаси бошлиғи лавозимига тайинланди.

Бу ҳақда бугун, 3 декабрь куни Сурхондарё вилояти ҳокимлигида бўлиб ўтган видеоселектор йиғилишида маълум қилинди. Йиғилишда вилоят ҳокими Тўра Боболов сўзга чиқди.

Ф.Маманов 1977 йилнинг 21 октябрида Қизириқ туманида туғилган. 1999 йилда Тошкент ирригация ва қишлоқ хўжалигини механизациялаштириш муҳандислари институти, 2004 йилда Тошкент молия институти, 2010 йилда Ўзбекистон Республикаси Президенти ҳузуридаги Давлат бошқаруви академиясини тамомлаган. Мутахассислиги – муҳандис, иқтисодчи.

У 2000-2005 йилларда Ўзбекистон Республикаси Деҳқон ва фермер хўжаликлари уюшмаси, 2005-2008 йилларда Ўзбекистон либерал-демократик партияси ижроия қўмитаси аппарати, 2008-2010 йилларда Ўзбекистон Фермер хўжаликлари уюшмаси, 2010-2013 йилларда Ўзбекистон Савдо-саноат палатаси, 2013-2019 йилларда Савдо-саноат палатасининг Тошкент вилояти ҳудудий бошқармасида масъул лавозимларда ишлаган.

Ф.Маманов 2019 йилнинг январидан бери Тошкент вилояти, Тошкент тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - Иқтисодий тараққиёт ва камбағалликни қисқартириш бўлими бошлиғи сифатида фаолият юритиб келаётган эди.


✍️Агентлик Ахборот хизмати
👉https://t.iss.one/argos_uz

Ахборот 24 | Давлат хизматини ривожлантириш агентлиги томонидан ташкил этилаётган «Сиёсий маърифат соати» давлат хизматчилари учун иш фаолияти аниқ йўл кўрсатувчи бўлиб хизмат қилмоқда.

Ана шундай сиёсий маърифат соати республикамизнинг барча ҳудудларда ўтказилди.
#4dec #uzbekiston24

Агентлик расмий канали 👉https://t.iss.one/argos_uz

​​#Хоразм

Ўзбекистон Республикаси Президенти ҳузуридаги Давлат хизматини ривожлантириш агентлиги раҳбарияти айни вақтда Хоразм вилоятида давлат фуқаролик хизматини ривожлантириш борасида амалга оширилаётган ишлар билан танишмоқда.

Ана шундай ўрганишлар қаторида агентлик раҳбарияти вилоятдаги ёшлар билан фикр алмашиш, уларни келгусидаги режа ва мақсадлари, интилишлари билан ўртоқлашиш ҳамда уларни давлат фуқаролик хизматидаги ислоҳотлар билан яқиндан таништириш мақсадида Ҳазорасп туманига ташрифи чоғида иқтидорли ёшлар билан учрашди.

Учрашувда Агентлик директорининг биринчи ўринбосари О.Хасанов мамлакатимизда Давлат раҳбари бошчилигида ёш авлодни ҳар томонлама баркамол этиб тарбиялашга алоҳида эътибор қаратилаётгани ва бу борада олиб борилаётган бир қатор ишлар тўғрисида тўхталиб ўтди.

Айниқса, баркамолликка эришишда китоб мутолааси ва мутолаанинг аҳамияти нақадар юксак эканлиги алоҳида қайд этиб ўтилди.

Учрашув диолог шаклида ўтказилиб, ёшлар ўзларини қизиқтирган саволлар билан агентлик раҳбариятига мурожаат қилдилар.

✍️Агентлик Ахборот хизмати
👉https://t.iss.one/argos\_uz

⚡️ Наманган шаҳар ҳокимининг 24 ёшли маслаҳатчиси

Аббосбек Сатторов Нодиржон ўғли Наманган шаҳар ҳокимининг матбуот котиби —ахборот сиёсати масалалари бўйича маслаҳатчиси этиб тайинланди.

Агентлик расмий канали 👉https://t.iss.one/argos_uz

​​⚡️⚡️Танловнинг биринчи босқич натижалари⚡️⚡️

✅Ўзбекистон Республикаси Президенти ҳузуридаги Давлат хизматини ривожлантириш агентлиги томонидан агентлик филиалларида мавжуд 10 та вакант лавозимларни энг муносиб ва билимли кадрлар билан тўлдириш мақсадида эълон қилинган очиқ мустақил танловнинг биринчи босқичи (ҳужжат топшириш ва номзодларни малака талабларига мос келигини ўрганиш босқичи) якунланди.

👉Танлов жараёнларига тўхталиб ўтадиган бўлсак, 15 кунлик ҳужжат қабул қилиш жараёнида агентликнинг https://vacancy.argos.uz/ портали орқали жами 458 нафар фуқародан танловда иштирок этиш учун аризалар келиб тушган.

👥 Мазкур аризалардан 21 таси номзодлар томонидан бекор қилинган.

👥Танловда иштирок этиш мақсадида бўлган 437 нафар номзодлардан 229 нафари эълон қилинган вакант лавозимлар учун белгиланган малака талабларига мос келганлиги боис кейинги босқичга ўтказилди.

👥208 нафар номзод вакант лавозим учун белгиланган малака талабларига мос келмаганлиги учун кейинги босқичга ўтказилмади.

📌Танловнинг мазкур босқичдаги натижалари ҳақида 2020 йилнинг 4 декабрь куни барча танлов иштирокчиларига портал орқали жавоб хати йўлланди.

⚡️Танловнинг кейинги босқичига ўтган номзодлар диққатига!⚡️

👉2020 йилнинг 10-11 декабрь кунлари номзодлар танловнинг иккинчи босқичи – тест топшириш жараёнида иштирок этадилар.

Давлат хизматини ривожлантириш агентлиги Ахборот хизмати

Агентлик расмий канали 👉https://t.iss.one/argos_uz

​​#Тайинлов
#Қашқадарё

✅Ўзбекистон Республикаси Президенти ҳузуридаги Давлат хизматини ривожлантириш агентлиги Қашқадарё вилояти филиали ва Қашқадарё вилоят ҳокимлиги (https://t.iss.one/qashvilhokimligi) ҳамкорликда Китоб тумани ҳокимлиги ёшлар сиёсати, ижтимоий ривожлантириш ва маънавий-маърифий ишлар бўйича бош мутахассис лавозими учун очиқ мустақил танлов эълон қилган эди.

👥Мазкур танловда Хидиров Хуршид Жамшид ўғли ғолиб сифатида Китоб тумани ҳокимлиги ёшлар сиёсати, ижтимоий ривожлантириш ва маънавий-маърифий ишлар бўйича бош мутахассис лавозимига ишга қабул қилинди.

Давлат хизматини ривожлантириш агентлиги Ахборот хизмати

Агентлик расмий каналига уланинг: https://t.iss.one/argos_uz

​​Вақтни тўғри тақсимлаш – муваффақиятга эришишга хизмат қилади

Куни кеча Ўзбекистон Республикаси Президенти ҳузуридаги Давлат хизматини ривожлантириш агентлиги Жиззах вилояти филиали томонидан вилоят маҳалла ва оилани қўллаб-қувватлаш бошқармаси билан ҳамкорликда Агентлик фаолияти, давлат фуқаролик хизмати соҳасида амалга оширилаётган ислоҳотлар, туман (шаҳар) маҳалла ва оилани қўллаб-қувватлаш бўлимлари фаолиятини тайм-менежмент қоидалари асосида самарали ташкил этишга бағишланган ўқув-семинари ташкил этилди.

Унда филиалнинг маъсул ходимлари томонидан дастлаб Агентлик ҳамда унинг ҳудудий филиаллари асосий вазифалари ҳақида тушунчалар, шунингдек, тизимда амалга оширилган ишлар тўғрисида маълумотлар берилди.

Жумладан, қайтадан кўриб чиқилаётган “Давлат фуқаролик хизмати тўғрисида”ги қонун лойиҳаси, энг муҳим самарадорлик кўрсатгичлари (ЭМСК, KPI), меритократия тамойилини амалда қўллаш мақсадида яратилган давлат фуқаролик хизматчилари вакант лавозимларининг ягона очиқ портали (vacancy.argos.uz), унинг истиқболлари, ундан фойдаланиш тартиби атрофлича ёритилди.

Шунингдек, иштирокчиларга филиал раҳбари ўринбосари Б.Яхшибоев томонидан туман (шаҳар) маҳалла ва оилани қўллаб-қувватлаш бўлимлари фаолиятини тайм-менежмент қоидалари асосида самарали ташкил этиш, қарорлар қабул қилиш механизмларининг қатор усуллари тўғрисидаги маълумотлар, иш вақтини тўғри тақсимлаш қоидалари, мақсадлар ғилдираги, самарали тайм-менежментнинг таркибий қисмлари, SMART-мақсадлар, Эйзенхауэр жадвали, Парето тамойили ва бошқа усуллар юзасидан батафсил тушунтиришлар берилди.

Давлат хизматини ривожлантириш агентлиги Ахборот хизмати

Агентлик расмий канали: https://t.iss.one/argos_uz

#Хоразм

Хоразм вилояти Урганч шаҳар ҳокими ўринбосарлари фаолияти энг муҳим самарадорлик кўрсаткичлари (ЭМСК) асосида баҳоланиб келинмоқда.

Жумладан, ҳокимнинг Молия-иқтисодиёт ва камбағалликни қисқартириш масалалари бўйича биринчи ўринбосари фаолияти 2020 йилнинг 9 ойлик натижаларига кўра, 100 фоиз вазндан 91,8 фоиз, инвестициялар, инновациялар, хусусийлаштирилган корхонларга кўмаклашиш, эркин иқтисодий ва кичик саноат зоналарини ривожлантириш масалалари бўйича ўринбосари фаолияти 104,3 фоиз, Саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосариники 69,2 фоиз, Ёшлар сиёсати, ижтимоий ривожлантириш ва маънавий маърифий ишлар бўйича ўринбосари 57,7 фоиз ва Маҳалла ва оилани қўллаб-қувватлаш бўлими бошлиғи 56,2 фоиз кўрсаткич билан баҳоланди.

Батафсил

Давлат хизматини ривожлантириш агентлиги Ахборот хизмати


Агентлик расмий канали: https://t.iss.one/argos_uz

#Табрик

Ўзбекистон Республикаси Президенти ҳузуридаги Давлат хизматини ривожлантириш агентлиги барча юртдошларимизни Конституциямиз қабул қилинганининг 28 йиллиги билан чин юракдан муборакбод этади.

Агентлик Ахборот хизмати https://t.iss.one/argos_uz

#Наманган

МУАММОЛАР ҲАМКОРЛИКДА ҲАЛ БЎЛМОҚДА

Жорий ўқув йилида Наманган вилоятидаги 3 та олий таълим муассасаларини 3600 нафарга яқин талабалар тамомлайди.

Давлат хизматини ривожлантириш агентлиги Давлат фуқаролик хизматига ёшларни жалб қилиш, ватанпарвар, иқтидорли ёш кадрлар захирасини шакллантириш ҳамда битирувчи олийгоҳ талабаларини ўз мутахассисликлари бўйича иш билан таъминлаш борасидаги муаммолар ечимига кўмаклашиш мақсадида Давлат органи ва ташкилотлар раҳбарлари билан битирувчи талабалар ўртасида очиқ мулоқотлар ўтказишга алоҳида эътибор қаратмоқда.

Агентликнинг Наманган вилояти филиали ходимлари ёшлар билан қатор учрашувлар чоғида улар билдирган таклиф, мулоҳазаларга асосланиб, навбатдаги очиқ мулоқотни Наманган давлат университетида ташкил қилдилар.

Туризм ва спорт масалалари бўйича вилоят ҳокимининг маслаҳатчиси Ботиржон Нуриддинов ҳамда вилоят туризм бошқармаси бошлиғи Аюбхон Бобомирзаевлар университетнинг “Меҳмонхона хўжалигини ташкил этиш ва бошқариш” ҳамда “Туризм” (фаолият тури бўйича) йўналишлари талабалари билан учрашдилар.

Шу ўринда айтиш жоизки, мазкур йўналишларда 151 нафар ёшлар таҳсил олади.

Маълумки, сўнгги йилларда мамлакатимизда туризм соҳаси жадал ривожланмоқда.

Айниқса, вилоятимизда бу соҳада замонавий билим ва малакага эга бўлган кадрларга эҳтиёж юқори.

Шу боис талабаларни мутахассисликлари бўйича амалиёт ўташларига шароит яратиш ва келгусида иш билагн таъминлашга кўмаклашиш асосий вазифалардандир.

Бу борада эса шу тарздаги очиқ мулоқотларнинг аҳамияти катта. Чунки бугуннинг кадрларига қўйилаётган талабни тўғридан-тўғри бошқарма ёки ташкилот раҳбарларидан эшитган ҳар қандай талаба келгусида албатта давлат хизматчиси бўлиш учун ўз устида кўпроқ ишлашга интилади.

Учрашувда ёшларнинг саволлар билан фаол қатнашгани ҳам уларнинг интилишларидан далолатдир. Эътиборлиси шундаки, учрашувда университет билан туризм бошқармаси ўртасида ҳамкорлик меморандуми имзолаш ҳамда келгусида туризм бошқармасининг малакали мутахассисларига университет томонидан амалий дарсларни ўтиш учун соатбай дарс бериш орқали ҳамкорликни янада ривожлантиришга келишиб олинди.

Шунингдек, юқорида айтилган бир нечта муаммолар ижобий ҳал қилинди.

Давлат хизматини ривожлантириш агентлиги Ахборот хизмати

Агентлик расмий канали👉https://t.iss.one/argos_uz

ИНТИЗОМИЙ ЖАЗО ҚЎЛЛАНИЛГАН ХОДИМЛАРГА МУКОФОТ ТЎЛАНИШИ МУМКИНМИ?

Бизга интизомий жазо қўлланилган ходимларга ушбу жазо амалда бўлиб турган вақтда мукофот пуллари тўланиши ёки тўланмаслигига аниқлик киритиб беришимизни сўраб бир нечта саволлар ва мурожаатлар келган.

Саволларнинг бирида ўтказиладиган текширишларда текширувчилар интизомий жазо амалда бўлиб турган ходимларга тўланган йиллик, ойлик ва чораклик ҳамда байрам мукофотларини нотўғри тўланган деб ҳисоблаб, уларни қайтариш талабини қўйганлиги кўрсатилган.
➖➖➖➖➖➖➖➖➖➖➖

Аслида рағбатлантириш чораларига оид асосий қоида Меҳнат кодексининг 180-моддасида қайд этилган, айнан мана шу моддадаги қоидалар биз кўриб чиқаётган саволга аниқ ва қатъий равишда жавоб беради.

Ушбу 180-моддага кўра:

ишдаги ютуқлари учун ходимга нисбатан рағбатлантириш чоралари қўлланилиши мумкин;

рағбатлантириш турлари, уларни қўлланиш тартиби, афзаллик ва имтиёзлар бериш жамоа шартномалари, ички меҳнат тартиби қоидалари ва бошқа локал ҳужжатларда, жамоа келишувларида, интизом тўғрисидаги устав ва низомларда белгилаб қўйилади.

Мазкур моддага кўра, рағбатлантириш деганда ходимга ишдаги шахсий ютуқлари эвазига уни қўллаб-қувватлаш билан боғлиқ индивидуал тартибда белгиланадиган чоралар назарда тутилмоқда.

“Идоравий мансублиги, мулкчилик ва хўжалик юритиш шаклларидан қатъи назар, корхона, муассаса, ташкилот ички меҳнат тартиби намунавий қоидалари”нинг (рўйхат рақами: 746, 14.06.1999 й.) 3.2 бандида ишдаги шахсий ютуқлари учун корхона ходимларига нисбатан қуйидаги рағбатлантиришлар қўлланиши мумкинлиги кўрсатилган:

миннатдорчилик;

пул мукофоти билан тақдирлаш;

қимматбаҳо совға билан мукофотлаш;

жамият ва давлат олдидаги алоҳида хизматлари учун ходимлар қонунчиликда белгиланган тартибда давлат мукофотларига тақдим этилиши.

Меҳнат кодексининг 180-моддаси 4-қисмида, иш ҳақи, мукофотлар, қўшимча тўловлар, устамалар ва меҳнат ҳақи тизимида назарда тутилган бошқа тўловлар рағбатлантириш турларига кирмаслиги белгиланган.

Кўряпсизми, бу қоидага кўра мукофотлар рағбатлантириш тўлови турига кирмайди.

Энди, 180-модданинг 3-қисмига қаранг, бу қисмда “интизомий жазо амал қилиб турган муддат мобайнида (183-модда) ходимга нисбатан рағбатлантириш чоралари қўлланилмайди” дейилган.

183-моддага кўра эса "интизомий жазонинг амал қилиш муддати жазо қўлланилган кундан бошлаб бир йилдан ошиб кетиши мумкин эмас", демак, жазо белгиланган кундан бошлаб бир йилдан ортиқ бўлмаган муддатда ходимга нисбатан айнан рағбатлантириш чоралари қўлланилмайди.

Яъники, интизомий жазо амалда бўлган вақтда “Идоравий мансублиги, мулкчилик ва хўжалик юритиш шаклларидан қатъи назар, корхона, муассаса, ташкилот ички меҳнат тартиби намунавий қоидалари”нинг 32-бандида кўрсатилган ва ходимларга индивидуал (шахсий) иш учун белгиланадиган рағбатлантириш каби чораларгина қўлланилмаслиги керак.

Бироқ, унутмайлик, йиллик, ойлик, чораклик ва байрамлар муносабати билан бериладиган ва жамоавий характерга эга бўлган мукофот пуллари ушбу рағбатлантириш турларига кирмайди, шу сабабли ҳам бу тўловлар ходимларга интизомий жазо амалда бўлган вақтда ҳам бемалол тўланиши мумкин.


Манба 👉 @yuristkadr

Давлат хизматини ривожлантириш агентлиги Ахборот хизмати

Агентлик расмий канали👉https://t.iss.one/argos_uz

#Хоразм

Ўзбекистон Республикаси Президенти ҳузуридаги Давлат хизматини ривожлантириш агентлиги раҳбарияти иштирокида Хоразм вилояти туман(шаҳар)ларидаги секторлар фаолияти муҳокама қилинди.

Давлат хизматини ривожлантириш агентлиги Ахборот хизмати

Агентлик расмий канали👉https://t.iss.one/argos_uz

#Навоий

👉Бугун Бирлашган Миллатлар Ташкилоти Бош Ассамблеясининг Резолюция 217 А (III) билан "Инсон ҳуқуқлари умумжаҳон декларацияси" қабул қилинганлигига 72 йил тўлди.

📌1948 йил 10 декабрь куни БМТ Бош Ассамблеяси инсон ҳуқуқлари бўйича 30 моддадан иборат Декларацияни қабул қилди.

✅Бу ҳар бир инсоннинг табиий ва туганмас ҳуқуқ ва эркинликлари эълон қилинган асосий халқаро ҳужжат бўлиб, унга БМТга аъзо давлатларнинг аксарияти қўшилди.

📎Декларацияда инсониятнинг барча вакилларига хос қадр-қиммат, уларнинг тенг ва ажралмас ҳуқуқларини тан олиш – эркинлик, адолат ва ялпи тинчлик масалалари белгиланди.

⚡️Инсонларнинг шахсий, сиёсий ҳамда ижтимоий-иқтисодий ҳуқуқлари кафолатланди.

Давлат хизматини ривожлантириш агентлиги Ахборот хизмати

Агентлик расмий канали👉https://t.iss.one/argos_uz

Эртага давлат фуқаролик хизматчилари учун "Сиёсий маърифат соати" бўлиб ўтади

Давлат бошқаруви академиясида вазирлик ва идоралар, Қорақалпоғистон Республикаси Жўқорғи Кенгеси, вилоятлар ва Тошкент шаҳар, шунингдек, барча туман ва шаҳар ҳокимликлари ходимлари учун видеоконференция шаклида сиёсий-маърифий ўқув соати бўлиб ўтади.

✅ Сиёсий маърифат соати Ўзбекистон Республикаси Президенти ҳузуридаги Давлат хизматини ривожлантириш агентлиги ҳамда Давлат бошқаруви академияси ҳамкорлигида ташкил этилмоқда.

🔷 Сиёсий-маърифий соатларда спикерлар ижтимоий-иқтисодий, сиёсий-ҳуқуқий ва давлат бошқаруви соҳаларида амалга оширилаётган ислоҳотлар ва қабул қилинаётган норматив-ҳуқуқий ҳужжатларнинг мазмун-моҳияти ҳамда аҳамиятига тўхталиб ўтадилар.

❗️Сиёсий-маърифий соатни 08.30 дан бошлаб Давлат бошқаруви академиясининг YouTube'даги каналида онлайн кузатиб боришингиз мумкин.

Давлат хизматини ривожлантириш агентлиги Ахборот хизмати

Агентлик расмий канали👉https://t.iss.one/argos_uz