AppSheet ifodalar oynasidagi o'zgarishni sezdingizmi?

Oldin bu maydon bo'yi doim o'zgarmas, zaruratga qarab o'zingiz katta-kichik qilishingiz kerak bo'lardi.

Hozir e'tibor bersam, yozilgan ifodaga mos bo'y bilan ko'rsatyapti.

Kichkina o'zgarish-u, lekin yoqimli :)

"Yana shunaqa laypxakladan bo'sin" deganlardan izohlarda + kutamiz 😎😉

Dasturga biron yangi Action qo'shyapsiz. Masalan, buyurtmaning holatini "Jarayonda"ga o'zgartiradigan Action.

Bunday holatlarda "Data: set the values of the column in this row" - shu qatordagi qiymatni o'zgartirish turini tanlamang. Balki, "Grouped: execute a sequence of actions"ni tanlang, ya'ni "bir nechta amallarni ketma-ketlikda bajarish".

Odatda qatordagi biron qiymat o'zgarsa, dasturda shu holatga ko'ra yana biron boshqa ish bajarilishi kerak bo'ladi. Tepadagi misolga ko'ra "Jarayonda"ga o'zgarish bo'lganda mijozga xabar yuborish yoki menejer uchun qandaydir ogohlantirish borishi mumkin.

Tavsiya qilingan usulning foydasi shunda bilinadi. Qo'shimcha actionni ro'yxatga qo'shasiz - masala tamom.

AppSheet no-code instrumentida ishlaydigan jamoa yig'moqchiman

AppSheetdagi tajribam va ba'zi natijalarim haqida yozgandim.

Alhamdulillah, oxirgi 1.5 oy ichida loyihalar ko'payyapti. Bir o'zim ulgurmayapman. Yordam beradigan jamoa kerak.

Jamoa yig'ish jarayonini quyidagicha ko'ryapman:
1. 50 tagacha bo'lgan qiziquvchilarni yopiq guruhga yig'ish (qaysidir ko'rinishdagi saralash yordamida).
2. 2-3 oy davomida real buyurtmalarni tuzishimni Zoom-ga o'xshash instrumentda jonli ko'rsatish.
3. Ora-orada saralash uchun test/imtihon vazifalarini berish.
4. Oxirida katta imtihon yordamida tahminan 5 ta mutaxassisni tanlab olish.

Mos kelishi mumkin bo'lgan qiziquvchilarda nimalar bo'lishi kerak?
1. Maktabni bitirgan.
2. Mustaqil o'rganish ko'nikmasiga ega.
3. Ingliz va/yoki rus tilini biladi (eng kamida mustaqil tarjima qila oladi).
4. Dasturlash va ma'lumotlar omborlari haqida tushuncha/tajribaga ega.
5. Kuniga 4-6 soat atrofida vaqt ajrata oladi.
6. AppSheetda mustaqil loyiha tuzib ko'rgan.

Miyada bir muddat aylanib yurgan g'oya-fikrlar shu edi. Konstruktiv fidbeklar bo'lsa, izohlar ochiq.

Post mavzusi qiziq bo'lsa, izohlarda + va fikrlar qoldirishingiz mumkin.

⚠️ Bu kurs emas ⚠️

Bu post bo'yicha Abdulloh bilan maslahatlashgandim.

"Boshidan mavjud loyihalarga tushib olish qiyin bo'ladi, avvaliga soddaroq loyihalar yordamida AppSheet bilan tanishtirgan ma'qul" dedilar. Yaxshi taklif bo'ldi.

"Qanday loyihalar qilsam ekan" deb ba'zi fikrlar kelgandi. "Zamonaviy muammolar zamonaviy yechimlarni talab qiladi" dedim-da "ChatGPT, myaxke" deb so'rov berdim.

So'rovga link

Shunga ko'ra mana bu ketma-ketlikdagi loyihalarni qiziquvchilar bilan birga tuzib chiqish kerak, deb o'ylayapman.
1. 📗 Kontaktlar dasturi
Ism, telefon raqami va Telegram profili saqlanadigan sodda dastur. Ko'p loyihalarda shu kabi bo'lim uchraydi. Masalan, ta'minotchi (поставщик), xaridor, korxonadagi xodimlar bo'limlari.

2. 🤝 Qarz oldi-berdi dasturi
1-dasturning mantiqiy davomi. Biron kimga qarz berilgan yoki biron kimdan qarz olingan bo'lsa, shu hisoblarni yuritish uchun dastur.

3. 📊 Kirim-chiqim dasturi
Oldingi dasturlar asosida davom etamiz. Tushumlar va xarajatlarni kategoriyalarga bo'lib yuritiladi. Ma'lumotlarni mos bo'lgan grafiklar ko'rinishida taqdim qilinadi. Ma'lumotlarni oylar kesimida ko'rish mumkin bo'ladi.

4. ✅ Todolist
Dasturlash sohasidagi hammaga qadrdon bo'lgan vazifalar dasturi. Vazifa yaratish, vazifa bajariladigan sana yoki dedlaynini belgilash, statusini boshqarish kabilar bajariladi. Taqvim ko'rinishi bilan ishlash ko'rib chiqiladi.

5. 🛒 Ro'zg'or yuritish dasturi
Oldingi 4 ta dasturda xarajatlarni yozyapmiz. Pullik ishlarni ham.
"Ishdan qaytishda uyga nima olvolay" deb so'rash o'rniga hamma oziq-ovqat mahsulotlarining qoldig'ini yuritsakchi? Kam qolganlarini alohida sahifada ko'rib o'zimiz sotvolaberamiz. Chek rasmini saqlab qo'yishimiz mumkin.

6. 📚 Shaxsiy kutubxona dasturi
Ziyouz portali asoschisi Davronbek akani taniysizmi? Yaxshigina katta shaxsiy kutubxonalari bor, adashmasam. Kitoblar ro'yxatini yuritish, biron kimga qarzga berib turish va shu kabilar uchun ishlatilishi mumkin. Bu dasturni kamera jihozlari yoki qurilish instrumentlarini ijaraga beruvchilar uchun moslab ko'rish ham mumkin.

7. 🎫 Tadbir davomati dasturi
Tadbir va unga taklif qilingan mehmonlar davomati yuritiladi. Vaziyatga qarab qo'shimcha imkoniyatlar kiritilishi mumkin.

8. 📆 Ishchilar davomati va oylik hisoblash dasturi
Ishchilarni ishga olish, oyliklarini boshqarish va hisoblash, ta'til va pul so'rovlarini boshqarish imkoniyatlari bor dastur.

===

Bu ehtimoliy ro'yxat. Bu loyihalarni tuzish davomida o'zaro fikr, tajriba almashish mumkin bo'ladi.

===

Bularga qanday fikrdasiz?

AppSheet asoslarini amaliy loyihalarda ko'rib o'rganish va keyinchalik jamoaga qo'shilmoqchi bo'lganlar uchun ro'yxatdan o'tish formasi
https://forms.gle/UsyBiyjEK8oaLroc6

Bu formani hozirgacha 89 kishi to'ldirishibdi.
Birma-bir ko'rib chiqyapman. Yaqin kunlarda yopiq guruhga qo'shilishga link yuboraman shaxsiydan.

Formani to'ldirib qiziqishni bildirganlarga bir savol bor:
Forma to'ldirgan vaqtingizdan hozirgacha AppSheetni o'rganish bo'yicha nima ishlar qilib ko'rdingiz? Qanday test loyiha tuzishga harakat qilib ko'rdingiz?

Kettik, izohlarda yaxshi xabarlar bilan bo'lishamiz.

Quick tip 💡

Landshaft ko'rinishidagi PDF fayl generatsiya qilmoqchi bo'lsangiz, Google Docsdagi sozlangan fayl emas, .docx formatdagi fayldan foydalanish kerak ekan. Bo'lmasa, qog'oz landshaft, uning tarkibi esa portret ko'rinishda generatsiya qilinyapti.

AppSheetdagi 1-dasturni tuzish ko'rsatilgan video darslar to'liq yozib bo'lindi.

Darslarga mana bu guruhdagi pin qilingan xabarda jamlangan.
https://t.iss.one/+5KPH1NfDdM1lNmFi

AppSheetning yaxshi tomoni - biron dasturni tez, oson tuzish mumkin.

AppSheetning yomon tomoni - serverlari dumalab tushganda biron joyda "akalar, shunaqa bo'ldi, uzr, to'g'rilayapmiz" deydigan odam yo'qligi (yoki topolmaganim).

"Semiz aka, rahmat, bor bo'ling. Ishlab ketdi" deyishyapti AppSheet forumida.

Mendagi dasturlar ishlab ketdi. Ba'zilarda hali ham ishlamayotgan ekan.

Tajriba almashamiz

Assalomu alaykum. Kelinglar, tajriba almashamiz.

Haftada bir marta AppSheetda tuzish kerak bo'lgan masalani joylayman. Izohlarda bu natijani kim qaysi usul, qanday jadval va "action"lar bilan chiqarishini yozishi mumkin.

#tajriba_almashamiz

Soddarog'idan boshlaymiz.

Masala #1 - Davomat olish sahifasi (sodda)

Ishxona xodimlari davomatini yuritish kerak. 3 ta sahifa bo'lishi kerak.
1. Xodimlar
2. Davomat olish
3. Davomat tarixi

Xodimlarda davomat foizi ko'rsatilishi kerak. Davomat statuslari:
- keldi
- kelmadi
- sababli
- sababsiz

Xodim davomati statistikasi o'z sahifasida ko'rinadi. Xodimlar jadvalida esa davomat foiziga ko'ra tartiblash (sort) mumkin.

Davomat olish sahifasida ko'rinishi kerak.
- xodimlar ro'yxati (ism, lavozim, rasm, telefon)
- davomatni belgilashga tugmalar (keldi, kelmadi, sababli, sababsiz)
- xodimni izlash maydoni

Davomat tarixi
- sana bo'yicha guruhlangan jadval
- xodimni tanlab filtrlash mumkin

===

Siz bu natijaga erishish uchun qanday yo'l tutasiz?

#tajriba_almashamiz

Assalomu alaykum.

Bugun 20:00 da jonli efirda Bookshop ERP - kitob do'koni uchun dastur tuzishni boshlayman. Har kuni 1 soat vaqt ajratishni reja qilyapman.

Dastur uchun rejadagi modullar:
- tovar, narxlar bilan ishlash
- ombor va transferlar
- sotuv
- CRM - mijozlar bazasi, sodiqlik dasturi (keshbek), B2B mijozlar
- kassa va xarajatlar
- foydalanuvchi va rollar
- inventarizatsiya
- statistika (Looker Studioda)
- muhim operatsiyalarni Telegramda xabarlash
- avtomatik chegirmalar, "omadli xaridor" aksiyasi

Bu funksionalni to'liq tuzish men uchun juda qiziq.

⚠️ MUHIM ⚠️
Efir dars formatida emas. Jarayonni umumiy sharhlab ketishim mumkin. Lekin har bir formula birma-bir tushuntirilmaydi.