Qo'shimcha qabul qilinganlar ro'yxati e'lon qilindi: https://www.unina.it/documents/11958/52916628/APPLE_Dev_academy_24-25_scorr_1.pdf/

Til bilmayman, Italiyada boshlanishida qanday ish bilan shug'ullanishim mumkin?

Italiyaga keganimdan beri ish qidirdim. Maqsadim oilamizga moliyaviy tomondan ziyon keltirmay o’qishimni davom ettirish edi. Hatto, farroshlikka ham tayyor edim. Italyan tilini yaxshi bilmaganim, va kelibam o’qishim Neapolda(bu yerda Ingliz tilida gaplashadigan odamlarni uchratish qiyin) bo’lganligi tufayli yaqin-yaqingacha ishsiz yurdim. To’g’ri, orada novvoyxonada 1 hafta, bir restorantda 1 kun ishlaganimni, va 2 oycha online dars berib turganimni hisobga olmasak albatta. Kelishim bilan tavsiya qilishganidek Glovo(yetkazib berish/dastavka xizmati)da ishlab turmoqchi edim, lekin hujjatlarim hali tayyor bo’lmaganligi tufayli akkaunt ham ocha olmagandim. Yaqinda bir O’zbek tanish do’stimizdan Rimga borib ishlab kelganini, va qaytganda o’ziga Glovo akkaunt ochgan, lekin imtihonlari sabab hozircha ishga chiqa olmayotganini eshitdim. Manga esa bu imkoniyatdek tuyuldi, va undan akkountini ishlatib turishga oldim. Hali vaziyatni to’liq bilmasdan katta investitsiya qilishni xohlamay ‘qora bozor’dan 50€ ga velosiped olib ishni tezda boshlab oldim. Ish jarayonida ko’plab narsalarni, xalq tilida aytganda -o’ziga va ishiga puxta bo’lishni o’rgandim. To’laligicha ‘puxta’ bo’lmaganman shekil, hozirda akkaunt blokda, va velosipedim ham oyog’i osmondan bo’lib buzilib yotibdi. Bu bir haftalik ishim davomida halicha foydaga chiqmagan bo’lsamda, juda katta tajriba bo’ldi va buni uchun ‘Glovo’dan minnatdorman deb bemalol ayta olaman.

Qisqacha:

Ish turi: Glovo - yetkazib berish/dostavka xizmati;
Qayerda: Neapol, Italiya;
Transport turi: Velosiped;
Boshlang'ich investitsiya: 58€(50€ - velosiped, 4€ - velosiped uchun bo’yoq, 4€ - qulf);
Ish haqi: soatiga o'rtacha 4-5€ atrofida

P.S.
Natijadanmas, jarayondan zavqlaning!

@fijeslife

Og’riq joyi - jon joyi

Kattalardan ko’p eshitardim: Qayering og’rib qolsa, o’sha san uchun jon(hayot) joyingga aylanadi deb. O’sha paytlar bu so’zni ma’nosiga ko’p e’tibor qilmaganman, yoshmiz bizda og’riq nima qilsin. Inson og’rib qolsa maylikan, kelibam musofirchilikda, uydan uzoqda bo’lmasin ekan.

Bir necha kun oldin tishimda og’riq his qila boshladim. Tishlarimda kasallanish boshlanganini bir oycha oldin bo’lgan o’lda-jo’lda og’riqlardan his qilgan edim. -Ha qo’yaver, ozgina sabr qilsam uyga yetib olaman, degan o’y bilan yana e’tiborsiz qoldirgandim. Bu safar juda qattiq bo’ldi, tishimda paydo bo’lgan kovak shunchalar yomon holatga kelgan ekanki, suv ichsam ham og’riq miyyamga yetib borayotgandi. Hatto, o’lib qolsam kerak deb o’yladim. Bunaqa paytda hamma nasaga tayyor turarkan kishi: qimmat bo’lishiga qaramasdan Turkish airlines/Turkiya havo yo’llari orqali borish-qaytish bilet narxlari bilan ham qiziqdim orada. Xullas, u bo’ldi, bu bo’ldi oxiri Italyan tanishimdan tish do’xtiri manzilini olib, dushanba kuni(shanba&yakshanba Italiyada hech kim ishlamaydi) navbat olib bordim. Yaxshi kutib olishdi, 2 marta qatnashning o’zida muammoyimni hal qilishdi. Bitta muammo: bu muolaja manga 350€ ga tushdi, va man endigina bitta tishimni davolatdim xolos. Salomatlik insonga berilgan eng katta ne’matlardan biri ekan, narxi esa bebaho.

Qisqacha:

Muammo: Tish og'rig'i;
Muolaja narxi: 350€ har bir tish uchun;
Qayerda: Neapol, Italiya;
Tavsiya: Chet elga chiqishdan oldin(umuman olganda har 3-6 oyda), shifokor ko'rigidan o'ting, va keyinchalik ham sog'lig'ingizga e'tiborsiz bo'lmang.

P.S
Bebaho sog'ligimizni asraylik!

@fijeslife

🇮🇩 Balidagi Apple Developer Academyga qabul e'lon qilindi:
https://developeracademy.apps.binus.ac.id/bali/

Qo'shimcha qabul qilinganlar ro'yxati e'lon qilindi: https://www.unina.it/documents/11958/52916628/APPLE_Dev_academy_24-25_scorr_2.pdf/