🗓 Apple Developer Academy uchun qabul jarayoni bosqichlari:
29.01.2024 2024/2025 o'quv yili uchun qabul e'lon qilindi
25.03.2024 xujjat topshirish uchun oxirgi muddat
03.04-10.04.2024 Onlayn test
17.04-24.04.2024 Skype orqali suhbat
07.05.2024 Yakuniy natijalar (misol tariqasida, 2023-yil natijalari)
23.09.2024-30.06.2025 Akademiyada tahsil olish
❗️Bu sanalar akademiya tomonidan o'zgartirilishi mumkin.

Apple Developer Academy uchun qabul jarayoni to'g'risida batafsil:
1️⃣ 29.01.2024 2024/2025 o'quv yili uchun qabul e'lon qilindi
2️⃣ 25.03.2024 xujjat topshirish uchun oxirgi muddat. Xujjat topshirgandan so'ng, ro'yxatdan o'tganlik to'g'risida xat ma'lum vaqt o'tib (ba'zilarga yarim soat ichida ba'zilarga 3-4 kundan so'ng) keladi. Agar 1 haftada xat qabul qilmasangiz [email protected] ga xat yozib murojaat qilishingiz mumkin.
3️⃣ 03.04-10.04.2024 Onlayn testdan kamida 5 kun oldin, test to'g'risidagi ma'lumotni e-mail orqali qabul qilasiz. Test mahsus sayt orqali o'tkaziladi. Testdan tahminan 1 haftadan so'ng test natijalari e'lon qilinadi. Test natijasiga ko'ra 400ta talabgor keyingi bosqich, suhbatga taklif etiladi.
4️⃣ 17.04-24.04.2024 Skype orqali suhbat, xujjat topshirish jarayonida ko'rsatilgan Skype Name orqali suhbat o'tkaziladi.
5️⃣ 07.05.2024 Yakuniy natijalar e'lon qilinadi (misol tariqasida, 2023-yil natijalari). 220 ta talabgor akademiyada o'qishga qabul qilinadi. Har bir qabul qilingan talabgorga xat yuboriladi va ular akademiyada o'qishini tasdiqlashlari lozim.
5️⃣ 17.05.2024 gacha o'qishni tasdiqlamaganlarning joyi keyingi o'rindagi talabgorlarga taqdim etiladi. Masalan, 2023-yili dastlab 240ta talabgor qabul qilingan, keyinchalik 280-o'ringacha talabgorlar qabul qilingan. Bu yili, masalan, 221-o'rinni egallasangiz ham, sizda qabul qilinish imkoniyati bor. O'qishga qabul qilingandan so'ng, akademiyaga qabul qilinganlik to'g'risidagi ma'lumotnoma so'rab [email protected] ga xat yozasiz va ular ma'lumotnoma taqdim etishadi. Bu ma'lumotnomani Italiya vizasi uchun xujjat topshirishda foydalanasiz.
6️⃣ 23.09.2024-30.06.2025 Akademiyada tahsil olish
❗️Sanalar akademiya tomonidan o'zgartirilishi mumkin.

"Apple Developer Academyda o'qishning qanday afzalliklari bor?" deb savol berishdi. Bu afzalliklar har bir inson uchun har xil bo'lishi mumkin. Biz uchun eng muhimlarini keltirib o'tamiz:
1️⃣ Eng asosiysi bu yerda kelajakdagi karyerangiz uchun muhim bo'lgan bilim va ko'nikmalarni olasiz:
- ilova yaratish uchun tajriba o'tkazishni o'rganasiz
- Figma yordamida ilova dizayni ustida ishlaysiz
- Swift va SwiftUI yordamida ilova yaratasiz
- jamoada ishlashni o'rganasiz (bu tajribaga ega bo'lmaganlar uchun muhim)
- tanish-bilish orttirasiz. Kelajakdagi karyerangiz uchun bu juda muhim bo'lishi mumkin. Biron ishga akademiyadagi tanishingiz sizni refer qilsa intervyuga chaqirishadi va ishga kirish imkoniyatini ancha oshirasiz. Ko'p holatlarda bu referencesiz rezyumengizni hatto ko'rib ham chiqishmadi, ayniqsa tajribangiz kam bo'lganida.
2️⃣ Dunyo qarashingiz kengayadi:
- Italiyadagi hayot: bu yerda yashaydigan insonlarning turmush tarzi va madaniyati bilan yaqindan tanishasiz
- har xil davlatdan kelgan talabalar bilan birga loyihalar ustida ishlaysiz, ularning madaniyatini o'rganasiz
- boshqa davlatlarda ish/o'qish qanday olib borilishini ko'rasiz.
3️⃣ Sayohat qilasiz:
- Italiyada sayohat qilish qimmat emas. Masalan, avtobusda Rimga 3 soatlik yo'l va 2 EURga ham borib kelsa bo'ladi
- Yevropaning boshqa davlatlariga sayohat qilish ancha arzon, samolyot uchun chiptalar 15 EURdan boshlanadi.
- Neapoldan kruiz kemalar yuradi. 415 EURga bir hafta O'rtayer dengizini aylanib kelsangiz bo'ladi.
- Neapol dengiz oldida joylashgan, dam olish kunlari dengizga borib dam olib kelishingiz mumkin.
4️⃣ Futbol muhlislari uchun:
- Italiya chempionati yoki Chempionlar Ligasi bahslariga tashrif buyursangiz bo'ladi. Masalan, 21.02.2024da Barcelona jamoasi Napoli bilan bahs uchun keladi. Chiptalar 45 EURdan. Ertaroq xarid qilsangiz arzonroq sotib olishingiz mumkin.