Сессияда Ўзбекистон Республикаси Президентининг 2021 йил 10 февралдаги “Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида”ги ПФ-6166-сон Фармони ижроси юзасидан шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари, Иқтисодий тараққиёт ва камбағалликни қисқартириш бўлими бошлиғи Яшин Наралиев, Халқ депутатлари Ангрен шаҳар Кенгашининг 2023 йил  28 октябрдаги VI-71-96-10-148-K/23-сонли қарорига ўзгартириш тўғрисида Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари” бўйича доимий комиссияси ахборот берди.

Бундан ташқари, 2022 йил 2 августдаги Президентимизнинг “Осиё тараққиёт банки иштирокида “Тошкент вилояти шаҳар ва туманларида ичимлик ва оқова сув тизимларини қуриш ва реконструкция қилиш (3-босқич)” лойиҳасини амалга ошириш чора-тадбирлари тўғрисида”ги 341- сонли Қарорига асосан шаҳарда амалга оширилаётган ишлар тўғрисида “Тошкент сув таъминоти” МЧЖ  шаҳар бўлими бошлиғи Х.Муҳиддинов ҳисобот берди.

Давлатимиз раҳбари раислигида 2022 йил 1 март куни ўтказилган видеоселектор йиғилишининг 18-сонли Баённома ижроси ҳамда Вазирлар Маҳкамасининг 145-сонли қарори асосида шаҳарда 2023 йил давомида амалга оширилган ишлар юзасидан шаҳар ҳокимининг ўринбосари Мавлуда Абдурахмонова, “Маҳалла” хайрия жамоат фонди шаҳар бўлинмаси қошидаги “Саховат ва кўмак” жамғармаси маблағлари ҳисобидан ижтимоий ҳимояга муҳтож, эҳтиёжманд оилаларни моддий қўллаб қувватлаш тўғрисида "Таълим, соғлиқни сақлаш, маданият, спорт ва ижтимоий ҳимоя масалалари бўйича доимий комиссия" раиси Шокир Уришовлар сўзга чиқдилар.
 

Бўлиб ўтган сессия қизғин баҳс, мунозаралар, кескин фикрлар остида ўтди.

Кун тартибида муҳокамага қўйилган масалалар юзасидан қарор лойиҳаларининг ҳар бирини тасдиқлашдан аввал депутатлар томонидан фикр билдирилди, таклифлар киритилди.