🔹Angren shahar 1-sonli sport maktabi tasarrufidagi “Delfin” suv xavzasi

📍Angren shahrida joylashgan Yoshlar siyosati va sport bosh boshqarmasi tasarrufidagi 1 sonli sport maktabi Respublikamizdagi nufuzli muassasalardan biri. Mazkur sport inshootida ko‘plab paralimpiya, jahon va qit’a chempionlari yetishib chiqqan.

💠1981- yil qurilgan Delfin yopiq suv havzasining faoliyati 2004-yilda to‘xtab qolgan edi.
2019-yil iyun oyida yurtboshimiz Toshkent viloyatiga qilgan tashrifidan so‘ng ushbu maktab “GREAT BUILDING” MCHJ, “Olmalik tog‘ kon metallurgiya kombinati” va Mahalliy byudjet mablag‘lari xisobidan qayda moliyalashtirilib, kapital ta’mirlash va rekonstruksiya ishlari olib borildi va 2021-yilning ikkinchi yarimidan sport maktabi to‘laligicha o‘z faoliyatini tikladi.

💠Shahar markazida faoliyat olib boruvchi ushbu sport dargohiga kirib borishingiz bilan juda ko‘plab ota-onalarning o‘z farzandlarini mashg‘ulotlarga olib kelib, ularning sport bilan shug‘ullantirishiga jiddiy e’tibor berayotganiga guvoh bo‘lasiz. Mazkur dargohda ota-onalar uchun alohida kutish xonalari ham tashkil qilingan.

📝1600 nafardan ziyod o‘quvchi-sporchilar shug‘ullanayotgan maskanda 18 ta sport turlariga ixtisoslashtirilgan bo‘lib regbi, boks, futbol, badminton, badiiy gimnastika, yengil atletika, suzish, sinxron suzish, suvga sakrash shular jumlasidandir.

💠Ushbu sport maktabida 38 nafar tajribali murabbiylar yoshlarga sport sirlaridan ta’lim berib, faoliyat yuritib kelmoqda. Ular orasida “O‘zbekistonda xizmat ko‘rsatgan murabbiy” unvoni sohiblari, birinchi toifali ustozlar bisyor.
Yuqorida aytganimizdek, muassasada tarbiyalanuvchilari tomonidan erishilgan yutuqlarni sanab o‘tish uchun sahifalar kerak bo‘ladi.

💠Sport maktabida kamol topayotgan tarbiyalanuvchilar orasida Jahon, Osiyo va O‘zbekiston chempionlari borligi ko‘nglimizga iliqlik uyg‘otadi.

✅https://t.iss.one/toshvil_sport