Медиа-тур қатнашчиларининг шаҳар ИИБ тарих музейига бўлган қизиқишлари ортди.

Ангрен шаҳридаги йирик бунёдкорликлар, катта лойиҳалар туфайли шаҳарнинг кўрки мутлақо ўзгарган.

Медиа-тур қатнашчилари ана шу ижобий ўзгаришларга илиқ муносабат билдирдилар.
- Ҳақиқатан, Ангрен юртимиздаги энг гўзал ва мафтункор шаҳар, - дея фикр билдирди Гулсанам Ҳасанова. - Айниқса, спорт комплексидаги ўзгаришлар шаҳарнинг янги Ангренга айланганидан далолат.

"Лашкарак" маҳалласидаги медиа-тур янада ўзгача ўтди.

Ангрен шаҳар Ободонлаштириш бошқармасининг махсус кийимларини эгнига ташлаган журналистлар дарё ёқалари, сув, йўл бўйларини турли чиқиндилардан тозалаш ишларини олиб бордилар.

- Очиғи, биз бугун медиа-турда асосан ҳудуд тозалиги ва экологик атроф-муҳит барқарорлигини таъминловчиларни ҳам кузатдик, унда нафақат "Лашкарак", балки Ангрен шаҳрига кириш қисмидан тортиб чиқишгача бўлган маскан журналистлар нигоҳда бўлди.

Медиа-тур қатнашчилари дарё ёқаси, йўл бўйини тозалаш ишларига қаратилган акцияда иштирок этдлар.