Маълумки, ҳафтанинг ҳар шанба куни ҳуқуқбузарлик ва жиноятчилик ҳолатларини жиловлаш, ҳудудда криминоген вазиятни барқарорлаштириш, муаммоли, нотинч оилаларни ўрганиш мақсадида Ангрен шаҳрида "Тозалаш" рейд тадбири мунтазам равишда ўтказилиб келинмоқда.

Хусусан, бугун навбатдаги тадбир "Дўстлик" маҳалласида шаҳар ИИБ, Миллий гвардия қўриқлаш бўлими ходимлари билан ҳамкорликда ташкил этилди.

Тадбир давомида республикамизнинг турли вилоятларидан келган фуқаролардан беш нафари вақтинчалик рўйхатга қўйилди ва ҳужжатлари расмийлаштирилди.

Бундан ташқари, тадбир қатнашчилари маҳалладаги мавжуд боғдорчилик-узумчилик ширкатидаги дала-ҳовлиларни ҳам кўздан кечирдилар. Айрим низоли оилаларда вужудга келган муаммолар билан танишдилар.

Хабар берганимиздек, бугун шаҳар ҳокими Алишер Райимов бошчилигида шаҳар ҳокими ўринбосари М. Абдурахмонова, шаҳар ИИБ бошлиғи А.Арипов ҳамда коммунал ташкилотлари раҳбарлари иштирокида "Карвон" маҳалласида сайёр қабул ўтказилди.

Унда фуқаролар томонидан кўп қаватли уйларнинг том, ертўла қисмларини таъмирлаш, болалар ўйингоҳларини барпо этишга оид мурожаатларини жойига чиқиб кўздан кечирдилар.

Шу ернинг ўзида бошқарув сервис компанияси фаолияти билан боғлиқ масалалар ҳам муҳокама қилинди.