Ангрен шаҳрида атроф-муҳит муҳофазасини таъминлаш, турли чиқиндиларни олиб чиқиш мақсадида акция ўтказилди. Унда эко волонтёрлар ташаббус кўрсатишди.

Хусусан, Ангрен шаҳар Экология ва  атроф-муҳитни муҳофаза қилиш бўлими бошлиғи Беҳруз Уразалиев, шаҳар ИИБ профилактика инспекторлари, "Ангрен Иссиқлик  энергияси" ДУК раҳбари Эркин Гаибов бошчилигида ишчи-ходимлар ва сайёҳ-волонтёрлар "Янгиобод"да  экологик барқарорликни таъминлашга қаратилган акцияни қўллаб-қувватладилар ҳамда ҳудудни тоза ва озода сақлашга ҳисса қўшдилар.

Акция давомида "Янгиобод"да ҳудудни, дарё атрофини чиқиндилардан тозалаш  ишлари олиб борилди.

Шунингдек, маҳалла фуқароларини табиатни асраб-авайлаш, атроф-муҳитни тоза ва озода сақлашга чақирди.

Аҳоли ўртасида бу борада тарғиботни кучайтириш бўйича зарур кўрсатмалар берилди.

#Angren

Bugun Angren shahar axborot -kutubxona markazida Respublika Ma'naviyat va ma'rifat markazi tashabbusi bilan “Yangi O‘zbekiston yoshlari, birlashaylik!” shiori ostida belgilangan yoshlar oyligi doirasida "Eng faol yosh ma'naviyatchi" ko'rik-tanlovi o'tkazildi.

Tanlovda hududdagi korxona, tashkilot va muassasalarda faoliyat yuritayotgan maʼnaviy-maʼrifiy ishlarga masʼul,
30 yoshgacha bo'lgan yosh xodimlar "Mening g'oyam" nomli konseptual loyihalari bilan ishtirok etdi.

"Eng yosh ma'naviyatchi - 2024" respublika ko'rik-tanlovining shahar bosqichida  Angren shahar axborot -kutubxona markazi mutaxassisi O.Yoqubova faxrli l- o'rinni,  Angren Universiteti Yoshlar masalalari va ma'naviy-ma'rifiy ishlar bo'yicha mutaxassis S.Nazarov ll-o'rinni egalladi.

Ангрен шаҳар ИИБ Пробация гуруҳи аъзолари томонидан тунги рейд тадбири ташкил этилди.

Унда пробация ҳисобида турган озодликдан маҳрум қилиш билан боғлиқ бўлмаган жазоларни ўтаётган маҳкумларнинг яшаш жойлари, хонадонлари ўрганилди.

Пробация гуруҳи аъзолари маҳкумлар ўртасида тарғибот ишлари олиб борилиб, тунги вақтда яшаш манзилларини тарк этмаслик, такроран ҳуқуқбузарлик содир этмаслик бўйича тушунтирилди.