Хабар берганимиздек, шу кунларда Ангрен шаҳар "Грум" маҳалласида кенг кўламли ободончилик ишлари олиб борилмоқда.

Шаҳар прокурори, 2-сектор раҳбари Улуғбек Хабилжонов, Экология бўлими раҳбари Беҳруз Уразалиевлар маҳалла раиси, сектор котиби билан биргаликда ”Тошкент" кўчасида барпо этилаётган пиёдалар йўлаги қурилишини жойига чиқиб кўздан кечирдилар.

Ангрен шаҳар 1-секторга қарашли "Кимёгар" МФЙда дала ҳовлиларда кўчат экиш жараёнлари авжида.

Хонадонларга райҳон, атиргул ва бошқа турдаги гуллар, помидор, бодринг, картошка, бақлажон , булғор қалампири каби кўчатлар  экилмоқда.

Айрим сабзавотлар ҳосилга кирди.

Ангренда "Яшил макон" лойиҳаси доирасида барпо этилган "Прокурор боғи" кундан-кунга кўрк очмоқда.

Экилган дов-дарахтлар нав-ниҳоллари барг ёзиб, атрофга гўзаллик таратмоқда.

"Мустақиллик" маҳалласи 2/5 даҳасида "Яшил маҳалла" деб ном олган ҳудуд атроф-муҳит муҳофазаси ва экологик барқарорликни таъминлашга қаратилганлиги билан аҳамиятлидир.

Бугунга келиб ушбу маскан чинакамига экологик муҳити барқарор масканга айланди.

Бунинг учун шаҳар прокурори 2-сектор раҳбари Улуғбек Хабилжонов бошчилигида бор куч ва имкониятлар сафарбар этилаяпти.

Сектор раҳбари бугун ушбу гўшада бўлди. Яратилган боғнинг, янги қиёфа тус олган ҳудуднинг ҳолатини кўздан кечирди.