Хабар берганимиздек, қишнинг изғиринли дамлари ўз ҳукмини сурмоқда.

Шаҳарда иссиқлик энергияси бир меъёрда узатилмоқда. Ҳокимлик Ахборот хизмати иссиқлик энергияси билан боғлиқ жараён билан қизиқди ва корхона раҳбари билан мулоқотда бўлди.

Эркин Гаибов - 'Ангрен Иссиқлик энергияси" ДУК раҳбари:

- Ангрен шаҳрида кўп қаватли уйлар, ижтимоий соҳалар объектларига узилишсиз иссиқлик узатилмоқда. "Ангрен ИЭС' АЖ маъмурияти томонидан берилган маълумотда, жорий йилннинг 18 февраль соат 22.30 даги параметрлари қуйидагича: узатувчи босим- 6 .8, сарфи - 3405 тн, ҳарорати +70. Қайтувчи босим - 2,1, сарфи - 2403,  ҳарорати +52. Ташқи хаво харорати -4. Носозлик ёки авария ҳолатлари қайд этилмади. Корхонада 24 соатлик навбатчилик хизмати йўлга қўйилган. Бош муҳандис ва бошқа бўлим масъуллари навбатчиликка жалб этилган. Қўшимча бригада шакллантирилган.

📲 Bizni kuzatib boring:👇
Sayt | Telegram | Facebook | Youtube

Об-ҳавонинг ҳозирги вазияти барча хизмат соҳалар масъулларини сергак торттирган. Ангрен шаҳар Тиббиёт бирлашмаси бош шифокори Фурқат Имановнинг берган маълумотига кўра, айни соатларда шаҳарда тиббиёт муассасаларида иссиқлик узатилиши бир меъёрда ва ҳудудда навбатчи техник ходимлар томонидан қор тозалаш ишлари олиб борилмоқда.

Марказий шифохонага кириш ва чиқиш йўлаклари қордан тозаланмоқда. Қабулхона ва бошқа бўлимларда хоналар иссиқ. Бош шифокор бошчилигида тунги навбатчилик хизмати кучайтирилган.

📲 Bizni kuzatib boring:👇
Sayt | Telegram | Facebook | Youtube

Маълумки,  шаҳарда куз-қиш мавсумини беталофат ўтказиш ҳамда вужудга келган муаммоларни ўз вақтида бартараф этиш мақсадида Ангрен шаҳар ҳокимлигида навбатчилик Штаби узлуксиз 24/7 асосида фаолият олиб бормоқда.

Унда Штаб аъзолари аҳолидан келиб тушадиган мурожаатларни тезкор (оператив) равишда бартараф этиш чораларини кўриш мақсадида коммунал ташкилотлар раҳбарларига йўналтирадилар.

Ҳозирги вазиятда шаҳарда аҳвол қандай?

Биз ушбу савол билан Штаб масъули, ҳокимлик бош мутахассиси Аброр Заировга мурожаат қилдик ва қуйидагича жавоб олдик:

- Ҳақиқатан қор қалин ёғмоқда. Кўчалар йўлларида тозалаш ишлари олиб борилмоқда. Айни соатларда 23.38 ҳолатига Штабга фуқаролардан мурожаат келиб тушмади. Штабга бириктирилган барча вакиллар ўз ўрнида. Тунги навбатчилик хизматини бажармоқда.

Эслатма:  шаҳар  ҳокимлигида куз-қиш Штабига қуйидаги телефон рақамлари орқали мурожаат қилиш мумкин:

☎️ (70) 663-01-38 (24 соат)      
☎️ (70)663-18-55

📲 Bizni kuzatib boring:👇
Sayt | Telegram | Facebook | Youtube

#LIVE
A-373 “M-39 a/y.- Guliston-Bo‘ka-Angren-Qo‘qon va Andijon orqali O‘sh” avtomobil yo‘lining “Qamchiq" dovonida havo bulutli. 171-253, 271-294 km.lar oralig‘ida qor yog‘moqda. Tuman, yo‘llarda ko‘rish masofasi 300 metrni, shamol 4-10 m/s. ni, havo harorati -6 darajani, namlik 78 %ni tashkil etmoqda.Qor yog‘ib turgan paytda dovonda avtotransport vositalarining to‘xtovsiz ikki tomonlama harakatlanishini ta’minlash maqsadida "Qamchiqavtoyo‘l IYFK" DM tomonidan yo‘l qoplamasida sirpanchiq bo‘lmasligi uchun tunu-kun mashina-mexanizmlar yordamida yo‘l qoplamasini qordan tozalash va qum-tuz aralashmasi sepish ishlari amalga oshirilmoqda. Avtotransport vositalari ikki tomonlama xavfsiz harakatlanmoqda.
‼️"Qamchiqavtoyo‘l IYFK" DM “Qamchiq" dovoni orqali harakatlanayotgan barcha haydovchilardan ob-havo sharoitini inobatga olgan holda tezlikni meʻyordan oshirmasdan, oraliq masofani saqlab harakatlanishlarini va barcha xavfsizlik choralarini ko‘rishlarini tavsiya qiladi.

❄️ Angren shahar Obodonlashtirish boshqarmasi xodimlari tomonidan yo'llarda aholiga qulay shart-sharoit yaratish maqsadida tunu-kun xizmat qilmoqdalar.

▫️Yo'llarga qum-tuz aralashmasi sepilmoqda.

#qish_2024