#Angren

"Hakkarman-Yangi Jigariston" MFYda "Yashil makon" umummilliy loyihasi boʻyicha koʻchatlar ekilmoqda

Ушбу ҳафтада Ангрен шаҳар ҳокими Алишер Райимов раислигида бўлиб ўтган йиғилишда ёқилғи маҳсулотларининг нархини сунъий  оширмаслик ва унинг тақчиллигининг олдини олиш,  электр энергия, газ таъминотида тежамкорликка эришиш, муқобил энергиядан фойдаланиш, ҳудудларда "Яшил макон" лойиҳасини татбиқ этиш ва яшил майдонларни кенгайтириш каби масалалар муҳокама қилинди.

Йиғилишда коммунал ташкилотлар раҳбарлари ва автомобилларга ёқилғи қуйиш шаҳобчалари масъуллари, маҳалла раислари қатнашдилар.

Ҳар бир масала юзасидан зарур топшириқлар белгилаб берилди.

Мамлакатимизда ҳар бир инсон миллати, тили, динидан қатъий назар, ўз ҳаётини маҳалла билан боғлайди. Маҳалланинг обод ва кўркам бўлиши аҳолининг ҳамжиҳатлиги, ўзаро меҳр-оқибатига бевосита боғлиқ. Зеро, аҳиллик бор жойда осойишталик, ободлик, хотиржамлик бўлади.

Хусусан “Дорилфунун” маҳалла фуқаролари йиғинида ҳам фуқаролар ўз ташаббуслари билан баҳамжиҳатликда маҳалла фаоллари ва нуронийлари билан биргаликда “Бир маконда, бир заминни биргаликда яшнатайлик!” шиори остида   ҳудудда ободонлаштириш ҳамда дарахт кўчатларини экиш ишлари амалга оширдилар.

Оила - муқаддас қўрғон. Унинг мустаҳкам бўлишига кўпчилик масъул. Шаҳар ҳокимлиги томонидан оилаларни сақлаш, фарзанд тарбиясида оиладаги муҳит, айниқса, ҳам отанинг, ҳам онанинг ўғил-қизи улғайишидаги ўрнини тушунтириш борасида кенг жамоатчилик билан ҳамкорлик йўлга қўйилган.

Хусусан, ушбу ҳафтада шундай тарғибот тадбири уюштирилди.

Унда Ангрен шаҳар ҳокимининг ўринбосари, Оила ва хотин-қизлар бўлими бошлиғи Мавлуда Абдурахмонова, шаҳар ҳокимининг маслаҳатчиси Наргиза Назарова, шаҳар "Инсон" ижтимоий хизматлар маркази раҳбари Муроджон Мансуровлар "Соғлом" маҳалласида ажрим ёқасида бўлган ёш оила аъзолари билан юзма-юз мулоқотда бўлдилар.

Маҳалла раиси, хотин-қизлар фаоли, "Оқила аёллар" ҳаракати аъзоси иштирокида ажримнинг фарзанд тарбиясига салбий таъсири, оиланинг жамият равнақидаги ўрни, ота-онанинг фарзанд олдидаги бурчи хусусида суҳбат ўтказдилар.

Ажрим ёқасида бўлган ёш оиланинг ўзаро келишиб, оилани сақлашлари хусусида фикр алмашилди.

Sayt | Telegram | Facebook | Youtube