Бугун эрта тонгдан "Янги Гўшсой" маҳалласи "Оҳангарон" кўчаси ҳудудида бўш ер майдонида бошланган ободончилик ишлари, ерни кўчат ўтқазишга тайёрлаш жараёни Халқ депутатлари Ангрен шаҳар Кенгаши раиси Алишер Райимов бошчилигида давом этаяпти.

Депутатлардан Эркин Эргашев, Раҳмон Давлятов, Зойидулла Шоисматов, Анвар Нурматов ва бошқаларнинг саъй ҳаракатлари билан йўл бўйида "Депутатлар боғи" барпо этилади.

Айни дамда ишлар қизғин тус олган. Шаҳар ҳокими, Халқ депутатлари шаҳар Кенгаши раиси Алишер Райимов депутатлар билан боғни барпо этиш, ўтқазиладиган нав-ниҳолларни парваришлаш, суғориш билан боғлиқ масалаларни муҳокама қилдилар.

#инвестиция

Ангрен шаҳар "Гулбоғ" маҳалласида "Ангрен" ЭИЗ лойиҳаси асосида барпо этилаётган янги корхонада қурилиш ишлари давом этаяпти.

Бугун шаҳар ҳокими Алишер Райимов, ҳоким ўринбосари Жасур Зайниддинов, "Ангрен" ЭИЗ администрацияси Хитойнинг "Zhong peng ceramics international" МЧЖ ХК инвесторлари билан учрашдилар.

Унда амалга оширилаётган қурилиш ишлари ва лойиҳа бўйича ишлаб чиқариш қуввати ҳамда коммуникация тизими хусусида мулоқот қилинди.

Шаҳар ҳокими Алишер Райимов "Янги Гўшсой" маҳалласида "Оҳангарон" кўчасида йўл бўйида яшил майдонларни кенгайтириш билан боғлиқ жараёнларни кўрди ва қайси ҳудудда қандай дарахт кўчатларини ўтқазиш белгиланди.

Маълумки, "Гўзал" маҳалласида шаҳар ҳокими бошчилигида секторлар рахбарлари ҳамкорликда кўп қаватли уйларнинг куз-қиш мавсумига тайёргарлик бўйича зарур чора-тадбирларни амалга оширмоқдалар.

Ушбу жараёнда тадбиркорлар ҳам фаол қатнашмоқда. "Гўзал" маҳалласи "Бунёдкор" кўчасида кўп қаватли уйларнинг бирида ички кириш йўлаги муаммоли аҳволда эди. Тадбиркор ташаббус кўрсатиб, ушбу йўлакни таъмирлсш таклифини билдирди.

Бугун шаҳар ҳокими Алишер Райимов саховптпеша тадбиркор билан учрашди ва уй йўлагининг ҳолатини кўздан кечирди.