Шаҳар ҳокими Алишер Райимов куннинг иккинчи ярмида ҳудудларни ўрганди.
“Кимёгар”, “Ёшлик” маҳаллаларида бўлган чоғида бошқарув сервис компаниялар томонидан бажарилган ишларни таҳлил қилди. Шунингдек, “Ёшлик” маҳалласида 1-сектор ён-атрофида ер майдонини яшил масканга айлантириш бўйича кузги дарахт экиш мавсуми доирасида кўчат экиш ишларини олиб бориш юзасидан кўрсатмалар берди.

Хабар берганимиздек, шаҳар ҳокими Алишер Райимов куннинг иккинчи ярмида ҳудудларда бўлди.
Хусусан, “Карвон” маҳалласида бўлиб, унда 3/2 даҳасида кўп қаватли уйлар олдида йўлакларда олиб борилаётган таъмирлаш ишлари билан танишди.
Фуқароларнинг бу борадаги ҳамда куз-қиш мавсумига тайёргарлиги бўйича қизиқтирган саволларига жавоб берди ва мурожаатларини назоратга олди.

Маълумки, Ангрен шаҳар ҳокими Алишер Райимов бошчилигида барча секторлар раҳбарлари ҳудудларда куз-қиш мавсумига ҳар жиҳатдан пухта тайёргарлик учун барча имкониятларни сафарбар этаяптилар.
Хусусан, шаҳар ИИБ бошлиғи, 3-сектор раҳбари Абид Арипов сектор таркибида бўлган маҳаллаларда яшовчи ижтимоий ҳимояга муҳтож, кам таъминланган оилалар аъзоларига яқиндан кўмаклашмоқда. Шу мақсадда уларнинг қиш мавсумини беталофат ўтказишлари учун 18 та хонадонга кундалик эҳтиёжида ишлатиладиган озиқ-овқат маҳсулотларини етказди.

Шунингдек, “Намуна” маҳалласи “Ойбек” тор кўчасида яшовчи фуқаронинг шахсини тасдиқловчи ҳужжатни олишда ва уйининг том қисмини ёпишда амалий ёрдам кўрсатди.

"Карвон" МФЙ ички йулларини таъмирлаш жараёнидан фотолавҳалар

Ангрен шаҳар "Истиқлол" маҳалласида "Яшил макон" лойиҳаси доирасида кузги кўчат экиш мавсуми изчил давом этаяпти.

Шаҳар ҳокимининг ташаббуси билан ирригация тармоғини тиклаш ишлари олиб борилмоқда. Зарур техника воситалари жалб этилди, қазиш ишлари бажарилди. Қувур ётқизилмоқда.