Angren shahar hokimligi Axborot xizmati

#расмий
#муносабат

Ижтимоий тармоқда жойланган “Ягона мактаб формаси” берилганлиги билан боғлиқ танқидий мазмундаги материал юзасидан муносабат

Шаҳар Халқ таълими бўлими мудири Одилжон Эгамбердиев:

- Маълумки, Ўзбекистон Республикаси Вазирлар Маҳкамасининг 2022-йил 19 майдаги 271-сонли “Давлат умумий ўрта таълим муассасалари ўқувчиларини замонавий ягона мактаб формаси билан таъминлашнинг қўшимча чора-тадбирлари тўғрисида”ги Қарорига мувофиқ, жорий йилнинг май-август ойлари давомида Ангрен шаҳар умумтаълим мактабларида таълим олаётган кам таъминланган, ижтимоий ҳимояга муҳтож ҳамда “Аёллар дафтари”, “Темир дафтар” ва “Ёшлар дафтари”да турувчи оила фарзандлари рўйхати шакллантирилган. Шаҳар ХТВ томонидан ўтказилган Брифингда, ота-оналар Кузатув Кенгашига ўқувчилар учун замонавий ягона мактаб формаси билан таъминланиш 2026 йилга қадар узайтирилганлиги тўғрисида тушунтирилган.
Шаҳар ҳокимлиги, шаҳар ХТБ ва ҳомийлар ташаббуси билан жорий йилнинг 27 август куни 22-умумий ўрта таълим мактабида 400 та ягона мактаб формаси ўз эгаларига топширилди. Тарқатилган мактаб формалар айрим ўқувчиларга ўлчами тўғри келмаганлиги юзасидан шу ернинг ўзида тадбиркорга маълум қилиниб, ўндан ортиқ мактаб формаси алмаштирилиши бўйича ҳар бир ота-онага тушунтирилган. Ҳеч бир ота-онадан шаҳар ҳокимлигига ёки Халқ таълими бўлимига бу борада эътирозли мурожаатлар келиб тушмади.
Шаҳар ХТБ томонидан “Шаҳлия МЧЖ” қайта буюртма берилди ва жорий йилнинг 2-3 сентябрь кунларига қадар алмаштирилиши лозим бўлган формалар эгаларига етказилиши маълум қилинган. Мурожаат қилган фуқарога ҳам, қолган ўқувчиларнинг ота-оналарига ҳам ягона мактаб формаси тадбиркор томонидан тўлиқ таъминланди. Ангрен шаҳар умумий ўрта таълим мактабларига тадбиркор томонидан мактаб формалари етказиш ва алмаштириш жорий йилнинг 2-3 сентябрь кунларида амалга оширилишини маълум қиламиз.

Шоҳиста Мадиярова - “Шаҳлия” МЧЖ раҳбари:

- “Ўзтўқимачиликсаноат” уюшмаси томонидан мактаб формаси ишлаб чиқарувчи корхоналар рўйхати шакллантирилиб, Тошкент вилояти ҳокимлиги томонидан 2022 йил 7 июнда 4-3-3515-сонли хат билан тақдим этилган хатга асосан "SHAHLIYA" МЧЖ Тошкент вилояти бўйича етакчи корхона сифатида мактаб формаларини бичиш, тикиш, хом-ашё билан таъминлаш ва турли масалаларда амалий ёрдам кўрсатувчи корхона этиб белгиланди. Ягона мактаб формаси бўйича белгиланган тартибда Ангрен шаҳридаги умумтаълим мактабларига жами 400 та ягона мактаб формасини тикиб, тарқатиш тўғрисида масала Халқ депутатлари шаҳар кенгашининг сессиясида муҳокама қилинган. Қарор қабул қилиниши олдидан тикув цехимиз талаб қилинган стандартларга жавоб бериши ҳам эътиборга олинди. Ўлчам тўғри келмаслиги иш жараёнимизда кузатиладиган табиий ҳол. Мактаб формасини алмаштириш юзасидан ўндан ортиқ ота-оналар, ҳатто мурожаатчига ҳам телефон орқали мулоқотда бу тўғрида тушунтирилган. Ўлчами тўғри келмаган ҳолатда алмаштириш ёки такрор буюртма олишга келишилган. Бугунги кунда цехимиз томонидан формалар тўлиқ етказилиши учун барча имкониятлар сафарбар этилган. Ўлчами тўғри келмаганларга формалар алмаштириб берилди.
P.S: Ангрен шаҳар ҳокимлиги ҳар қандай мазмундаги ва ҳар қандай ҳолатдаги муаммолар юзасидан мурожаатларни қабул қилади ва ҳоким бошчилигида тўлиқ назоратга олади. Фуқаро ҳолат юзасидан шаҳар ҳокимлигига мурожаат қилганида, муаммо янада тезроқ ҳал этилган бўлар эди.

Муҳими, Ангренда мингдан зиёд ўқувчилар мактаб формаси билан таъминланган. 22-умумий ўрта таълим мактабида бўлган тадбирда эса 400 та мактаб формаси тарқатилди. Ота-оналардан кўплаб ташаккур, дил изҳорлари келиб тушмоқда...

Камчиликлар ҳам, ютуқлар ҳам ўзимизники.
https://t.iss.one/angrenhokimligi_7