#долзар_мавзу
#Ангрен

КОРРУПЦИЯ - ТАРАҚҚИЁТ КУШАНДАСИ

Ҳозирги кунда коррупция ҳақида гапирилганда, кунинг энг муҳим ва долзарб масалаларидан бири эканлиги таъкидланмоқда.

Коррупция деб аталувчи ушбу иллатга қарши нафақат бизнинг мамлакат балки дунёдаги барча мамлакатлар курашиб келмоқда.

Шунингдек, республикамизда коррупцияга қарши кураш доирасида бир қатор норматив-ҳуқуқий ҳужжатлар, дастурлар қабул қилинди ва улар бўйича кенг қамровли ишлар амалга оширилиб келинмоқда.

Бугун шаҳар ҳокимлиги мажлислар залида бўлиб ўтган галдаги йиғилишда асосан ана шу жиҳатларга эътибор қаратилди.

Шунингдек, ушбу иллатга қарши курашиш соҳасида давлат органлари ва ташкилотлари томонидан аҳолининг ҳуқуқий онги ва ҳуқуқий маданиятини юксалтиришга, жамиятда коррупцияга қарши муросасиз муносабатни шакиллантиришга қаратилган тарғибот ва ташвиқот ишларини янада кучайтириш хусусида фикр билдирилди.

Ангрен шаҳар ҳокими вазифасини бажарувчи Нуритдин Абдураҳимов раислигида ўтган йиғилишда ҳоким ўринбосарлари, секторлар ҳамда корхона, ташкилот муассасалари раҳбарлари қатнашдилар.

Йиғилишда сўз олганлар коррупцияга қарши кураш олиб борилаётганига қарамасдан, ҳозирги кунда ҳам кўпгина соҳаларда коррупциянинг илдизи сақланиб қолинаётганлиги қайд этилди.

Ўтган йил давомида кўплаб мансабдор шахслар томонидан ушбу жиноятга қўл урилгани ва бугунги кунда қонун доирасида жазо қўлланилгани хусусида ахборот берилди.

Йиғилишда ҳар бир давлат хизматчиси ва ходими, мансабдор шахслар бу борада тарғибот ва тушунтиришларни кучайтириши ва қонунга зид ҳолатларга қарши курашиш юзасидан аниқ чоралар белгиланди.

Ҳар бир корхона, ташкилот ва муассасаларда, айниқса, коммунал хизмат, банк ва уй-жой масалаларида коррупцияга қарши курашиш билан боғлиқ чора-тадбирларни кучайтиришга келишилди.