Шаҳар ҳокими в.б.Нуритдин Абдураҳимов ҳудуддаги муаммоларни ўрганиш чоғида фуқароларнинг мурожаатларини ҳам тинглади.

Ангрен ШЭТК трансформатор пункти атрофига тўпланган чиқинди уюмлари олиб чиқилмаётганлиги ва ёғингарчилик вақтида ушбу шаҳобчага сув йиғилиб қолиниши хусусида мурожаат қилди.

Шаҳар раҳбарининг топшириғи билан Ободонлаштириш бошқармаси томонидан транспорт воситалари жалб этилди ва тўпланган чиқиндилар олиб чиқилди.

"Ёшлик" маҳалласи "Соҳил бўйи" дам олиш масканининг айрим қисми ободонлаштирилмай, ночор аҳволда эканлиги маълум бўлди.

Шаҳар ҳокимининг ўринбосари Шерзод Мирзакаримов бошчилигида ушбу масканни ҳашар йўли билан ободонлаштириш ҳамда "Тошкент сув таъминоти" МЧЖ Ангрен бўлими директори Ҳусанхон Муҳидлиновга ушбу ҳудудда сизиб ётган ичимлик сувининг манбасини аниқлаш ва носозликларни бартараф этиш вазифаси топширилди.

Бундан ташқари, шу яқин атрофдаги маиший чиқиндихоналарни тартибга келтириш бўйича соҳа эгаларига аниқ вазифалар белгилаб берилди.

Шаҳар, ҳокими вазифасини бажарувчи Нуритдин Абдураҳимов ""Ёшлик" маҳалласида бўлганида ижтимоий соҳа объектларининг. ҳолати билан ҳам қизиқди.

Унда 6-умумтаълим мактабида ҳам бўлди.

Унда ўқувчилар учун мактаб ошхонаси, спорт залидаги шароитлар билан танишди.

Бундан ташқари, 4-синф ўқувчиларининг дарс машғулотларини кузатди.