Bahor-fasllar kelinchagi. Yangilanish va yasharish faslida go'zallik va nafosat timsoli bo'lmish ayollar bayrami 8-mart xalqaro "Xotin-qizlar kuni" munosabati bilan Angren shahar XTBga qarashli 35-umumiy o'rta ta'lim maktabida "Ayolga ehtirom" shiori ostida ijodiy-madaniy tadbir bo'lib o'tdi.Tadbirni maktab direktoriXadicha Baltabayeva kirish so'zi va samimiy dil izxorlari bilan ochib berdi.

Maktabning 7-8-9-sinflar o'rtasida "Balli, qizlar" bellashuvi o'tkazildi. Qizlar 4 ta shart asosida o'zaro bellashdilar va o'zlarining iste'dodlarini namoyon qildilar.

Tadbir qo'shiq, she'r va raqslar bilan uyg'un bo'lgan holda yuqori saviyada o'tdi.

Ayniqsa, jajji bolajonlarimizning tomonidan onani ulug'lovchi va uni madh etuvchi she'rlari, raqslari o'zgacha joziba baxsh etdi.

Maktabimizning fidoiy va jonkuyar o'qituvchilariga bayram munosabati bilan tabriknoma va esdalik sovg'alari topshirildi.
@angrenhokimligi_7

#қарор_ва_ижро

✍Юртимизда давлатимиз раҳбари ва Ҳуукуматимиз томонидан аҳолининг турмуш шароитини яхшилаш, озиқ-овқат маҳсулотларига бўлган эҳтиёжини қондириш, нарх-наволарнинг сунъий равишда ошишининг олдини олишга алоҳида эътибор қаратилган.

Бу борадақарорлар эълон қилиниб, жойларда ижроси таъминланмоқда.
Маълумки, аҳолининг гўшт, тухум, ун, ёғ, шакар, гуруч, картошка, сабзи ва пиёзга бўлган эҳтиёжи катта.

Эндиликда ушбу маҳсулотларнинг нарх-навоси назоратда бўлади. Ҳар бир ҳудудда, деҳқон бозорларида озиқ-овқат хавфсизлиги бўйича жамоатчилик назорати ўрнатилди.
@angrenhokimligi_7

Хусусан, Тошкент вилояти ҳокимининг ушбу йўналиш бўйича берган топшириғининг ижросини таъминлаш мақсадида "Ангрен Деҳқон бозори" МЧЖ ҳудудида шаҳар ҳокимлиги, Департамент шаҳар бўлими, "Вилоятбозорсавдо" ҳамда деҳқон бозори раҳбари, Халқ депутатлари Ангрен шаҳар Кенгаши депутатидан иборат ишчи гуруҳ аъзолари биргаликда бозорда нарх-навонинг асоссиз кескин ошиб кетишининг олдини олиш мақсадида ташкил этилган ярмаркалардаги ҳолатни ўргандилар ва назоратни кучайтирдилар.

"Ангрен деҳқон бозори" МЧЖ раҳбари Д.Облакулов ташаббуси билан юз килограмм миқдорида ош дамланиб, барча тадбиркорларга тарқатилди.
@angrenhokimligi_7