Ўзбекистон ёшлар терма жамоаси юртимизга қайтиб келди, улар аэропортда кутиб олинди

Аввалроқ хабар берганимиздек, БААнинг Дубай шаҳрида бокс бўйича ўсмирлар ва ёшлар ўртасидаги Осиё чемпионати бўлиб ўтди. Бундан бир неча кун олдин ўсмирларимиз юртимизга қайтиб келишганди. Бугун эса мусобақада 8 та олтин, 3 та кумуш ва 6 та бронза медалларини қўлга киритган Ўзбекистон ёшлар терма жамоаси аъзолари ҳам ватанга қайтишди.

Улар Ислом Каримов номидаги Тошкент халқаро аэропортида тантанали равишда кутиб олинди. Кутиб олиш маросимида Ўзбекистон бокс федерацияси мутасаддилари, боксчиларимизнинг яқинлари ва ОАВ ходимлари қатнашишди.

Эслатиб ўтамиз, ёшлар терма жамоамиз сафида қуйидаги боксчиларимиз совриндор бўлишди:

🥇Олтин:

-71 кг: Аълохон Абдуллаев
-92 кг: Нусратбек Тохиров
+92 кг: Жаҳонгир Зокиров

🥈Кумуш:

-51 кг: Аҳмаджон Қўзибоев
-67 кг: Самандар Солижонов
-86 кг: Диёрбек Ўралов

🥉Бронза:

-48 кг: Муҳаммадқодир Мамиржонов.


Қизларимиз сафида эса совриндорлар қуйидагича кўриниш олди:

🥇Олтин:

-48 кг: Фарзона Фозилова
-50 кг: Сабина Бобокулова
-52 кг: Феруза Казакова
-57 кг: Нигина Ўктамова
-70 кг: Азиза Зокирова

🥉Бронза:

-54 кг: Мухлиса Хушвақтова
-60 кг: Рухшона Ўктамова
-63 кг: Моҳира Аҳмедова
-81 кг: Сабоҳат Ҳусанова
+81 кг: Ҳадичабону Эргашева.

Эслатиб ўтамиз, мусобақа давомида йигитларимиз Ҳамид Тангрибергенов бошчилигида қатнашишган бўлса, қизларимиз Темур Ахбаев бошчилигида юртимиз шарафини ҳимоя қилишди.

ФОТО: Азиз Тўхтамуродов

Ўзбекистон бокс федерацияси матбуот хизмати

КАНАЛИМИЗГА ОБУНА БЎЛИНГ
👇👇👇
BoxingUzbekistan