#бунёдкорлик
ЯНИ БИР ТИББИЙ МАСКАН БУНЁД ЭТИЛДИ ✍️Ангрен шаҳрида тиббиёт соҳасида ижобий ўзгаришлар кузатилмоқда
Муборак кунлар арафасида Ангрен шаҳрида ижтимоий соҳада қайта таъмирланган, янги қурилган бино ва иншоатлар фойдаланишга топширилмоқда.
🌀“Ҳаккармкан-Янги Жигаристон”, “Ғафур Ғулом”, “Дўстлик” маҳалла фуқаролар йиғини шаҳар марказидан олисда жойлашган. Ушбу ҳудудда аҳолига сифатли тиббий хизмат кўрсатиш, аҳол саломатлигини мустаҳкамлаш мақсадида 2-оилавий поликлиника филиалининг биноси Инвестиция дастури доирасида қайта реконструкция қилинди.
🔹“Ҳаккарман-Янги Жигаристон” маҳалла ҳудудидаги эски бино эндиликда янги қиёфага эга бўлди. Кўркам ва замонавий тус олган мазкур маскан эл саломатлиги учун фойдаланишга топширилди.
🔸Бугун тиббиёт муассасасининг очилиш маросимига бағишланган тадбир бўлиб ўтди. Унда Ангрен шаҳар ҳокими Шукурулла Маҳмудов тиббиёт муассасасининг очилиш маросимида сўзга чиқди ва Ангрен шаҳрида соҳага қаратилаётган эътибор, аҳоли саломатлиги учун яратилаётган қулайликларни қайд этди.
Маҳалла фаоллари ва нуронийлар, кенг жамоатчилик вакиллари таклиф этилган тадбир карантин қоидаларига амал қилинган ҳолда ўтказилди.
📌Икки қаватдан иборат ушбу бино замонавий таъмирланиб, зарур жиҳозлар билан таъминланди. Жами 3 та маҳалла фуқаролар йиғинидаги ўн минг нафар аҳолига тиббий хизмат кўрсатиш қувватига эга бўлган мазкур масканда барча шароитлар мавжуд.
Ангрен шаҳар ҳокимлиги Ахборот хизмати
@angrenhokimligi_7