#Дайжест

❗️БУГУН ВИЛОЯТДА

*Қибрай тумани. Қидирувдаги шахс Тошкент вилояти ИИББ ЙҲХБ биносида қўлга олинди

*Зангиота тумани. 50 нафар оилага моддий кўмак берилди.

*Бўка тумани. "Ёшлар ҳафталиги" сарҳисоби.

*Ангрен шаҳри. 30 нафар аёлга тикувчилик йўналиши бўйича сертификат берилди.

*Бўстонлиқ тумани. Чуқурлаштирилган тиббий кўриклар ўтказилмоқда.

*Юқори Чирчиқ тумани. Сув ресурсларини бошқаришнинг автоматлаштирилган тизими жорий этилмоқда.

*Қуйи Чирчиқ тумани. Газ таъминоти собиқ назоратчиси ушланди.

*Чиноз тумани. "Китобхонлик ҳафталиги" ўтказилмоқда.

*Ўрта Чирчиқ тумани. Масжид биноси қайта таъмирланмоқда.

* Оққўрғон тумани. "Кикбоксинг" спорт тўгараги учун спорт анжомлари берилди.

*Олмалиқ шаҳри. Коммунал соҳа вакиллари эътироф этилди.

*Тошкент тумани. 60 минг туп помидордан 100 тонна ҳосил олиш режалаштирилмоқда.

*Янгийўл тумани. Т.Норбоеванинг совғаси ўз эгасига етказилди.

*Пискент тумани.
1️⃣Ёш дастурчилар беллашди.
2️⃣Ўзбек жанг санъати ғолиблари аниқланди.

*Янгийўл шаҳри. Ҳокимлик Селезнёва Нинага музлаткич олиб берди.

👉Каналга уланиш: https://t.iss.one/toshvilpressa

Facebook| Instagram|YouTube|Twitter |TikTok

ЎзЛиДеП шаҳар Кенгаши аппарати раҳбари Муқаддам Нарбаева зиммасига вазифа берилди

#шаҳар_Кенгаши
#сессия
#натижа

ПАРТИЯ КЕНГАШИ РАҲБАРИГА ВАЗИФА ЮКЛАТИДИ

Шуни алоҳида таъкидлаш керакки, Халқ депутатлари Ангрен шаҳар Кенгашининг олтинчи чақириқ йигирма тўртинчи сессияси кун тартибидаги масалалар муҳокамаси доирасида шаҳар ҳокими Шукурулла Махмудов яна бир муҳим жиҳатга эътибор қаратди.

У ҳам бўлса, шаҳарда тадбиркорликни ривожлантириш, айниқса, бу соҳага ёшларни жалб этиш, уларга бу борада мотивация бериш, янги иш ўринлари яратиш, иш билан таъминлаш каби масалаларга жиддий эътибор кераклиги тўғрисида гапирди.

Сўнг шаҳар ҳокими Шукурулла Маҳмудов ушбу масалада шаҳардаги барча сиёсий партиялар кенгашлари, депутатлар ва тегишли ташкилотлар жонбозлик кўрсатишлари, шунингдек, ҳамкорликда фаолият юритишлари кераклигини таъкидлаб, ҳаммани фаолликка чақириб, ушбу ишларни координация қилиш, яъни мувофиқлаштириш вазифасини ЎзЛиДеП шаҳар кенгаши аппарати раҳбари Муқаддам Нарбаева зиммасига юклади ва бошқаришини таклиф қилди. Ушбу таклиф депутатлар томонидан қўллаб-қувватланди.
@angrenhokimligi_7

#Ангрен
#инвестиция
#билдириш
Ангрен кичик саноат зонаси ҳудудида ишлаб чиқариш фаолиятини амалга ошириш мақсадида тадбиркорлар очиқ танловга таклиф этилади.

🔎Ўзбекистон Республикаси Президентининг 2017 йил 10 августдаги “Тошкент вилоятида кичик саноат зоналарини ташкил этиш тўғрисида”ги
ПҚ-3194 сонли қарори ҳамда Ўзбекистон Республикаси Президентининг 2017 йил 10 августдаги “Тошкент вилоятида кичик саноат зоналарини ташкил этиш тўғрисида”ги ПҚ-3194-сонли Қарори ҳамда Ўзбекистон Республикаси Вазирлар Маҳкамасининг 2018 йил
8 августдаги “Тошкент вилоятида кичик саноат зоналарини кенгайтириш чора-тадбирлари тўғрисида”ги 634-сонли қарорига мувофиқ, Ангрен шаҳар "Ғофур Ғулом" МФЙ ҳудудидаги “Нақлгазмахсусқурилиш” АЖ "Намуна" филиали 4-участкаси ҳудудининг бир қисми 2,0 ГА фойдаланилмаётган бўш ер майдонида кичик саноат зонаси ташкил этилиши муносабати билан ер майдонларига тадбиркорлик субъектларини ишлаб чиқариш фаолиятини амалга ошириш учун жойлаштириш бўйича танлов эълон қилинади.
🔗Ишлаб чиқариш ер майдонлари 5-лойиҳа 0,21 ГА, 6-лойиҳа 0,22 ГА.
Қуйидагилар инвестиция лойиҳаларини кичик саноат зонаси ҳудудида жойлаштиришнинг асосий мезонлари ҳисобланади:

- Маъмурий кенгаш томонидан белгиланадиган тармоқ хусусиятига мувофиқ саноат маҳсулотларини ишлаб чиқаришни ташкил этиш:
- янги иш ўринларини ташкил қилиш:
- пул билан ифодаланган қийматга эга бўлган инвестицияларни қонун ҳужжатларига зид бўлмаган шаклларда киритиш;
- муқобил ва қайта тикланувчи энергия манбаларини қўллаган ҳолда, замонавий энергия тежовчи тизимлар ва технологияларни жорий этиш асосида импорт ўрнини босадиган ва (ёки) экспортга йўналтирилган тайёр маҳсулотлар турлари, материаллар ва бутловчи буюмларни ишлаб чиқариш бўйича инвестиция лойиҳаларини амалга ошириш.
🖇Танловда қатнашиш учун талабгор ёки унинг ваколатли вакили шахсан ёҳуд почта орқали танлов тўғрисидаги хабарномада белгиланган муддатда қуйидаги ҳужжатларни илова қилган ҳолда буюртма тақдим этади:
- танловда қатнашиш истаги билдирилган ариза;
- нодавлат юридик шахслар учун давлат рўйхатидан ўтказилганлик тўғрисида гувохнома нусхаси;
- ваколатли вакилнинг танловда қатнашиши учун қонун ҳужжатларида белгиланган тартибда расмийлаштирилган ишончнома;
- шахсни тасдиқловчи ҳужжат нусхаси;
- танлов таклифи.

✏️Икки нусхадаги муҳрланган конвертга солинган танлов ҳужжатларига мувофиқ тузилган танлов таклифлар қуйидагилар бўлиши керак:
- таклиф этилаётган инвестиция лойиҳасининг бизнес-режаси;
- инвесторнинг охирги уч йил(мавжуд бўлганда) давомидаги молиявий-хўжалик фаолияти тўғрисида маълумот;
- талабгорнинг кўрсатилган соҳада иш тажрибаси хақида маълумот;
- ишлаб чиқарилиши режалаштирилаётган маҳсулот номи, миқдори, тури ҳамда экспорт қилиш миқдори;
- яратиладиган иш ўрни ҳамда кичик саноат зонасида ишлаб чиқариш бошлагач, қайта яратиладиган иш ўрни;
- режалаштирилаётган инвестиция лойиҳа ҳажми;
- лойиҳани молиялаштириш тўғрисидаги маълумотлар, ўз маблағлари ҳисобидан, шунингдек, кредит ресурслари (тасдиқланган тармоқ жадваллари);
- лойиҳани амалга ошириш режаси ва ишлаб чиқариш фаолиятини бошлаш муддати;
- лойиҳани амалга ошириш учун электр энергияси, сув таъминоти, газ таъминоти ва бошқа комуннал хизматлар талаб этиладиган қуввати.

✍Бунда тақдим этилган ҳужжатларнинг барча варақлари талабгорнинг муҳри ва  имзоси билан тасдиқланиши лозим.
‼️Талабгор тақдим этилаётган маълумотлар ва ҳужжатларнинг ишончлилиги учун жавоб беради.
Мурожаат учун манзил: ⬇️⬇️⬇️
110200 Тошкент вилояти Ангрен шаҳар Истиқлол кўчаси 2-уй, Ангрен шаҳар ҳокимлиги биносида Ангрен кичик саноат зонаси
Маълумот учун тел:
☎️ (8-371)150-93-35,
☎️(94) 926-59-90
 Ангрен кичик саноат зонаси
 https://t.iss.one/angrenhokimligi_7

#ёшлар_масаласи
#очиқ_мулоқот

🔎Ангрен шаҳар ҳокимлиги, Халқ таълими бўлими билан ҳамкорликда "Ҳоким ва ректор соати" номли очиқ мулоқот бўлиб ўтди.

🔹Унда шаҳардаги 11-синф ўқувчилари ва уларнинг синф раҳбаолари таклиф этилди.

🔹"Ҳоким ва ректор соати" тадбирида Ангрен шаҳар ҳокими Шукурулла Маҳмудов, Чирчиқ Давлат педагогика институти маъсуллари ҳамда кенг жамоатчилик вакиллари қатнашдилар.

🔹Очиқ мулоқот давомида шаҳар ҳокими Шукурулла Маҳмудов Ангрен шаҳрида ёшларнинг чкқур билим эгаллашлари, келгусида олий таълим муассасаларида таҳсил олишларининг афзалликлари, мамлакатимизда таълимга қаратилаётган эътибор, ёшларнинг комил инсонлар бўлиб улғайишларидаги шароитлар ва яратилаётган имкониятлар тўғрисида сўз юритди.

🔹Ўқувчиларга Чирчиқ давлат педагогика институтидаги шароитлар, олийгоҳдаги йўналишлар ҳамда ихтисосликлар бўйича маълумотлар ҳамда ўқувчиларни қизиқтирган саволларига атрофлича жавоб бердилар.

🔹Тадбир давомида шаҳар ҳокими Шукурулла Маҳмудов ўндан ортиқ ўқувчиларни муддатидан олдин хорижий давлатлар олийгоҳларига талабаликка қпбул қилинганлиги билан қутлади ва уларга эсдалик совғаларни улашди.
@angrenhokimligi_7