#ёшлар_масаласи
#очиқ_мулоқот
#муаммо_ва_ечим
🔎Айни пайтда Ангрен шаҳар ҳудудидан олисда жойлашган "Красногорск" қўрғонида "Секторлар раҳбарлари ва ёшлар учрашуви" бўлиб ўтмоқда.

📌Унда Ангрен шаҳар ҳокими Ш.Маҳмудов, шаҳар прокурори Ж.Юсупов, ИИБ бошлиғи Д. Валиев, ДСИ бошлиғи Қ.Матқобулов ҳамда ҳоким ўринбосарлари, корхона, ташкилот ва муассасалар мутасаддилари, маҳалла раислари иштирок этишаяпти.

🔹Шаҳар ҳокими Ш.Маҳмудов ва секторлар раҳбарлари ёшларнинг тасвирий санъат ва мусиқа йўналишидаги фаолиятлари билан яқиндан танишдилар.
https://t.iss.one/angrenhokimligi_7

✅Учрашув давомида ёшларнинг кўплаб мурожаатлари кўрилди.
Асосан бандлик, тадбиркорлик, моддий ёрдам билан боғлиқ муаммолар муҳокама қилинди.

⚡️Бундан ташқари, фарзандининг туғилганлиги тўғрисида гувоҳнома олиш бўйича ҳуқуқий маслаҳат берилди, кредит асосида уй-жой олиш тартиби тушунтирилди.

Учрашувда оилавий тадбиркорлик билан шуғулланиш, ўз бизнесини йўлга қўйиш учун кредит ва объектлар сўраб мурожаат қилганларга зарур маслаҳатлар берилди ва кўмак берилиши маълум қилинди.

✅Бугун Красногорск шаҳарчасидаги "Саид ота", "Толбулоқ", "Ойдин", " Файзобод" маҳалла фуқаролар йиғинлари ёшлари ўзларининг муаммоларига ечим топдилар.

📌Шаҳардан олисда жойлашган тоғли ҳудудда бу йил истиқболли лойиҳалар татбиқ этилади. Жорий йил давомида "Красногорск"да 4 та кўча дастур доирасида таъмирланади. Ҳудуддаги маданият маркази, спорт майдони янгича қиёфа тус олади. Ёшлар ва аҳоли учун маънавий-маданий ва соғлиқни сақлаш соҳаларида ижобий ўзгаришларга юз тутилади.

📎Бугунги учрашувда 50 та мурожаат кўриб чиқилди. Унда асосан бандлик, тадбиркорлик ва имтиёзли кредит бўйича ёшлар ўз таклифларини бердилар. Ҳар бир мурожаат, таклиф ва муаммо раҳбарлар эътиборида бўлди ва ижроси соҳа йўналиши бўйича таъминланиши белгиланди.
https://t.iss.one/angrenhokimligi_7