Ангрен шаҳрида коммунал ташкилотлари соҳалар кесимида 2024-2025 йиллар куз-қиш мавсумига тайёргарлик кўриш бўйича ишлаб чиқилган чора-тадбирлар режаси асосида барча вазифаларни уддаламоқда.

"Ангреншаҳаргаз" ГТБ маъмуриятининг берган маълумотига кўра, тизимда ишлар жадал йўлга қўйилган ва куз-қиш мавсумига тайёргарлик кўриш бўйича чора-тадбирлар режаси тўлиқ бажарилган. Шунингдек, айни вақтда корхона томонидан айрим маҳаллаларда газ тармоғини тартибга келтириш, қувурларни бўяш ва аварияларнинг олдини олиш бўйича бажарилган ишлар такрорий назорат қилинмоқда.

Хусусан, бугун эрталабдан корхона ишчилари "Ғафур Ғулом" МФЙ ҳудудидаги темир йўл атрофида газ қувурларини тартибга келтириш ишларини олиб бораяпти.

📲 Bizni kuzatib boring:👇
Sayt I Telegram I Facebook I Youtub

Маълумки, шу кунларда Ангрен шаҳрида коммуникация инфратузилмасини ривожлантириш борасида кенг кўламли ишлар амалга оширилаяпти.

"Ўзбекистон Мустақиллиги" ва "Оҳангарон" кўчалари кесишган йўлнинг "Мустақиллик" маҳалласи ҳудудидан ўтган йўлда иссиқлик энергияси тармоғида мукаммал таъмирлаш ва модернизация қилиш ишлари йўлга қўйилган.

Ишлар изчил давом этиши, бажарилган иш сифатини ва ҳажмини ошириш юзасидан шаҳар ҳокимлиги томонидан қатъий назорат ўрнатилган.

Шаҳар ҳокими Алишер Райимов жорий йилнинг 10 октябрь тунги вақтида ушбу иссиқлик энергияси тармоғида бажарилган ишларни жойига чиқиб кўрди. Мазкур кўчада йўлда транспорт воситалари ҳаракатланиши учун қулайлик яратиш юзасидан шаҳар ЙҲХБ маъмуриятига тегишли топшириқлар берди ва йўлнинг айрим қисмида ҳаракат хавфсизлигини таъминлаш бўйича вазифалар белгилади.

📲 Bizni kuzatib boring:👇
Sayt I Telegram I Facebook I Youtub

Хабар берганимиздек, "Ўзбекистон Мустақиллиги" кўчасида иссиқлик энергияси тармоғида мукаммал таъмирлаш ишлари олиб борилаяпти.

Бугун эрталабдан шаҳар ҳокими Алишер Райимов, ҳокимлик бош мутахассиси А. Камолхонов, "Иссиқлик энергияси" ДУК раҳбари Э.Гаибов ва тегишли масъуллар мазкур иссиқлик энергияси тармоғида бажарилаётган ишларни жойига чиқиб кўздан кечирдилар.

Шаҳар ҳокими иш ҳажми ва монтаж ишлари билан боғлиқ ҳамда муҳандислик йўналишида тегишли таклиф, тавсиялар берди ва ижросини назоратга олди.

📲 Bizni kuzatib boring:👇
Sayt I Telegram I Facebook I Youtub

Бозор - юрт кўзгуси дея бежиз айтилмаган.

Бугун эрталаб шаҳар ҳокими Алишер Райимов Ангрен деҳқон бозорида бўлди. Ҳудуддаги аҳвол, нарх-наво ҳамда тадбиркорлар, фуқароларнинг мурожаатларини, таклифларини тинглади.

Деҳқон бозорида расталарда қулайликларни йўлга қўйиш, харидорга ҳам, тадбиркорга ҳам шароитли муҳит бўлиши юзасидан бозор маъмуриятига тегишли топшириқлар берди. Бозор ҳудудида санитария-гигиена қоидаларига риоя қилиш, экологик маданиятини ошириш, расталардан самарали фойдаланиш зарурлигини тушунтирди ва тегишли масъулларга бажарилиши лозим бўлган вазифаларни белгилаб берди.

📲 Bizni kuzatib boring:👇
Sayt I Telegram I Facebook I Youtub

Ангрен шаҳрида "Ёшлар боғи"да томоша ва тантаналар ўтказишга мўлжалланган маданият, маърифатни ўзида мужассам этадиган амфитеатрни қуриш ишлари бошлаб юборилди.

Шаҳар ҳокими Алишер Райимов эрталабдан ҳудуддаги аҳволни, олиб борилаётган таъмирлаш ишларини жойига чиқиб кўрди.

Хусусан, " Ёшлар боғи"да бўлиб, ҳудуд ободончилигини ҳамда бунёдкорлик ишларини, жумладан, амфитеатр қуриш жараёнини ҳам кўздан кечирди. Ушбу йўналишда йўлга қўйилган қурилиш, таъмирлаш ва қурилма конструкцияси белгиланган тартибда амалга оширилишини ва иш ҳажми, сичатига эътибор қаратишни тушунтирди.

Ушбу жараён шаҳар раҳбари томонидан назоратга олинган.

📲 Bizni kuzatib boring:👇
Sayt I Telegram I Facebook I Youtub