"ИҚТИДОРЛИ ЁШЛАР СEЛEКЦИЯСИ”

Ангрен шаҳрида Ўзбекистон Республикаси Президенти ҳузуридаги Давлат хизматини ривожлантириш агентлиги ташаббуси билан олий таълим битирув курс талабалари учун" Иқтидорли ёшлар селекцияси" мавзусида учрашув ташкил этилди.

Тадбирни шаҳар ҳокими Алишер Райимов кириш сўзи билан очиб берди ва юртимизда ёшларга эътибор, яратилаётган имконият ҳамда шарт-шароитлар тўғрисида фикр билдирди.

Барча ёшларни ушбу имкониятлардан самарали фойдаланишга, чуқур билим эгаси бўлиш, кўп мутолаа қилиш бўйича зарур тавсиялар берди. Шунингдек, муваффақиятга эришишнинг муҳим омиллари хусусида сўз юритди.

📲 Bizni kuzatib boring:👇
Sayt I Telegram I Facebook I Youtub

Тадбирда Президентимизнинг 2024 йилни "Ёшлар ва бизнесни қўллаб қувватлаш йили" деб эълон қилиниши, бизнесни бошлаш учун дастлабки сармоя қанчалик зарурлиги ҳақида ҳамда ёшларнинг ўз бизнесларини бошлаш учун амалдаги ютуқларига ўз кучи ва ғайрати билан эришган тадбиркорлар томонидан маърузалар қилинди.

📲 Bizni kuzatib boring:👇
Sayt I Telegram I Facebook I Youtub

Тадбир давомида Ўзбекистон Республикаси Президенти ҳузуридаги Давлат хизматини ривожлантириш агентлиги Тошкент вилояти филиали масъул ходимлари вилоятдаги олий таълим муассасалари битирув курс талабалари учун давлат хизмати соҳасидаги ислоҳотлар, давлат хизматчисининг ижтимоий-ҳуқуқий ҳимояси, ишга киришнинг тенгликка  асосланган очиқ, шаффоф тизими ҳақида хабардор қилиш учун давра суҳбатлари ўтказилди.

Шунингдек, тадбиркор, тикувчи Ш.Мадиярова, "Облиқ" МФЙ ҳоким ёрдамчиси Л.Хошимхонов, "Ҳаккарман-Янги Жигаристон" МФЙ ёшлар етакчиси А. Шаханов, ҳоким ўринбосари С. Анарбоевлар сўзга чиқдилар.

📲 Bizni kuzatib boring:👇
Sayt I Telegram I Facebook I Youtub