Шаҳар прокурори, 2-сектор раҳбари Улуғбек Хабилжонов "Мустақиллик" маҳалласида фуқароларнинг мурожаатларини, уларни қийнаб келаётган муаммоларига ҳам эътибор қаратди.

Айниқса, фуқароларнинг кўп қаватли уйларни куз-қиш мавсумига тайёрлаш, жумладан, том ва ертўла қисмларни таъмирлаш, ичимлик суви, оқова тармоғида вужудга келаётган носозликларни ўз вақтида бартараф этиш юзасидан қилган мурожаатлари кўрилди.

Ҳар бир мурожаат эътиборга олинди ва муаммолар ҳал этилиши юзасидан назорат ўрнатилди. Сектор раҳбари маҳаллани ўрганиш давомида кўп қаватли уйлар олдидан самарали фойдаланаётганлиги аниқланди. Уй олди ва атрофига турли гул ва дарахт кўчатларини ўтқазиш орқали ҳудудда яшил майдонларни кенгайтириш мумкинлиги тушунтирилди.

Ангрен шаҳар "Мустақиллик" маҳалласида секторраҳбари томонидан кўп қаватли уйлар олдида гулу райҳонлар ўтқазиш, атрофини ободонлаштириш ва озода сақлаш бўйича тушунтиришлар олиб борилмоқда.

#Ангрен
#2_сектор

Хабар берганимиздек, шу кунларда секторлар раҳбарлари томонидан аҳолини қийнабкелаётган ва ҳудудга оид муаммолар ўрганилмоқда.

Бугун куннинг иккинчи ярмида ва ҳозирги соатларда шаҳар прокурори, 2-сектор раҳбари Улуғбек Хабилжонов "Мустақиллик" маҳалласида пиёда юрибди.

Сектор раҳбари ва маҳалла раиси ҳамда сектор котиби қадамба-қадам юриб, ҳар бир деталга эътибор қаратмоқда.

Маҳалланинг 18/19 даҳасида бўлганида аҳоли билан учрашувда нуроний онахонлар "Прокурор боғи"нинг барпо этилишидан мамнунлигини ва ташаббус учун дуога қўл очиб, илиқ тилаклар билдирдилар.

Фуқароларнинг ушбу даҳада БСК фаолияти, шунингдек, кўп қаватли уйлар йўлги, ертўла ва том қисмини таъмирлаш бўйича мурожаатини прокурор назоратга олди.

"Мустақиллик" маҳалласида сектор раҳбари томонидан ўрганиш давом этаяпти.

Оқшом вақти маҳалланинг қуйи қисми ўрганилди.

Айни дамда шаҳар прокурори ушбу маскан ва ундаги дала ҳовлилар жойлашган ҳудудда бўлиб турибди.