Ангрен шаҳрида Наврўз шукуҳи қалбларга завқу шавқ бағишламоқда.

Якшанба куни Ангрен шаҳар ИИБ бошлиғи Абид Арипов ташаббуси билан ходимлар иштирокида сумалак таоми тайёрланди.

Миллий қадриятларни ўзида намоён этган сумалак сайлида шаҳар ҳокимининг ўринбосари Мавлуда Абдурахмонова ҳам қатнашди. Шаҳар ИИБда фаолият юритаётган бир қатор аёллар билан дошқозон атрофида қизғин суҳбат қурдилар. Қизалоқларнинг шўх рақслари даврага кўтаринки кайфият бағишлади.

Дошқозон атрофида миллий куй-қўшиқлар янгради. Тайёр бўлган сумалак эртага эҳсон тариқасида тарқатилади.

📲 Bizni kuzatib boring:👇
Sayt | Telegram | Facebook | Youtube

#кун_тартиби

Ангрен шаҳар ҳокими А.Райимов бошчилигида йиғилишда Давлатимиз раҳбари,  Ҳукуматимиз томонидан берилган топшириқлар ижросини таъминлаш, бажарилган ишлар таҳлил қилинди.

Унда Ангрен шаҳрида мавжуд маҳаллаларда "ўсиш нуқтаси", "Намунали кўча", "Намунали маҳалла"ни аниқлаш бўйича белгиланган вазифалар, ҳудудда "Яшил макон" лойиҳаси доирасида кўкаламзорлаштириш,  ободонлаштириш, аҳоли бандлигини таъминлашга оид масалалар танқидий муҳокама қилинди.

Айниқса, маҳалла тизимидаги ходимларнинг фаолияти қониқарсиз баҳоланиб, зиммаларидаги вазифаларни тўлақонли бажармаганлиги танқид қилиниб, Маҳаллалар уюшмаси шаҳар бўлими бошлиғи З.Абдисаттаров, Камбағалликни қисқартириш ва бандликка кўмаклашиш бўлими бошлиғи Э.Убайдуллаевларга ўз йўналишларида ишларни тизимли мувофиқлаштириш ва тўғри ташкил этиш зарурлиги уқтирилди.

Кун тартибидаги масалалар атрофлича муҳокама қилинди ва мутасаддиларга топшириқлар белгиланиб, ижроси назоратга олинди.

📲 Bizni kuzatib boring:👇
Sayt | Telegram | Facebook | Youtube

#томорқа

Ангрен шаҳар "Оппартак" маҳалласи боғдорчилик, чорвачилик ва асаларичиликка ихтисослашган.

Бугунги кунда маҳаллада малина резавор ўсимлигини ривожлантиришга катта эътибор қаратилган.

Ҳудуддаги Оҳангарон ўрмон хўжалигидан ижара шартномаси асосида ер олган лидер тадбиркорлар жами уч гектар ер майдонида малина резавор ўсимлигини етиштиришмоқда.

Улар томонидан маҳалланинг кам таъминланган оилаларга бепул малина кўчатларини тарқатиш йўлга қўйилди.

"Оппартак" МФЙ ҳоким ёрдамчиси А.Нурматов Халқ банкидан бириктирилган ишчи гуруҳи вакили С.Холбоева билан биргаликда хар бир хонадонда бўлиб, томорқадан унумли фойдаланиш, мавжуд дарахтларни буташ ҳамда оқлаш, малиначилик, асаларичиликни янада ривожлантириш бўйича тегишли тавсиялар бердилар. Аҳоли ўртасида тушунтириш ишларини олиб бораяптилар.

📲 Bizni kuzatib boring:👇
Sayt | Telegram | Facebook | Youtube

#ёшлар_сиёсати
#таълим

Жорий йилнинг 25-27 март кунлари фан олимпиадасининг IV-(республика) босқичи 9 та фан бӯйича Сурхондарё ва Қорақалпоғистон Автоном Республикасида ӯтказилади.

Вакилларимиз Сурхондарё, Қорақалпрғистонга етиб келдилар.

Ушбу фан олимпиадаларида Тошкент вилояти Ангрен шаҳар 17-умумий ӯрта таълим мактабининг 11-синф ӯқувчилари
Аниса Асхатова, Аниса
Алимаматовалар
фан ўқитувчиси Ш.Бобожонова ўқув ишлари бўйича мактаб директорининг ўринбосари М.Байдуллаевалар бошчилигида Сурхондарё вилоятида қатнашадилар.

Шунингдек мактаб ўқувчиси М.Ахмадалиева фан ўқитувчиси Х.Набиева, мактаб директори З.Маккамова бошчилигида Қорақалпоғистон автоном Республикасида иштирок этадилар.

Бугун фан олимпиадасининг 1-босқичи ёзма иш бўйича ўтказилади.

26 март куни 2-босқич тест
олимпиадаси бўлади.

📲 Bizni kuzatib boring:👇
Sayt | Telegram | Facebook | Youtube