⚡️ Танлов ўтказилади

Муштарийларнинг талаб ва истакларини инобатга олиб, “Коррупция – тараққиёт кушандаси” мавзусидаги Республика миқёсидаги танловни номинацияларга бўлган ҳолда шаффоф ва очиқ ўтказиш белгиланди.
Ўзбекистон Республикаси Бош прокуратура, Адлия вазирлиги, Коррупцияга қарши курашиш Агентлиги, БМТТД, Инсон ҳуқуқи маданияти маркази билан биргаликда танлов ўтказилмоқда.
Танловда Ўзбекистон Республикаси фуқаролари иштирок этиши мумкин.
Танлов молиялаштирилиши: Ўзбекистон Республикаси Бош прокуратура, Адлия вазирлиги, Коррупцияга қарши курашиш Агентлиги, БМТТД "Фуқаролик жамияти институтларини коррупцияга қарши курашиш ва олдини олишда инновацияларни ишлаб чиқиш ва жорий этиш жараёнига жалб қилиш" қўшма танлови гранти асосида.

Танлов номинациялари:
– Энг яхши ижтимоий видеоролик;
– Энг яхши мақола (блог, пост) муаллифи;
– Ёш келажак авлодни коррупцияни олдини олиш борасида тарбиялашга йўналтирилган инновацион ғоялар.

Танловда қатнашувчиларнинг ижодий ишлари Инсон ҳуқуқи маданият марказининг телеграм каналидаги @insonhuquqi_bot орқали ўзбек, рус тилларида қабул қилинади.

Танловда қатнашиш учун ариза ва ишлар 2022-йилнинг 25-октябрдан 15-ноябргача (Тошкент вақти билан 23:59)гача қабул қилинади.

Белгиланган муддатдан кечиктириб тақдим этилган аризалар кўриб чиқилмайди.

Ғолиблар қимматбаҳо совғалар ва диплом билан тақдирланади. Танлов шартлари ва талаблари билан танлов Низомида тўлиқ танишишингиз мумкин. Барчани танловга таклиф этамиз.

Изоҳ: Савол-жавоб тарзида ўтказиладиган танловни баҳолаш мушкуллиги, айнан 1-ўринни ўнлаб инсонлар олиши мумкинлиги ва адолатли бўлмай қолиши инобатга олинди.

Каналга уланиш учун👇
@inson_huquqi