Андижондаги таълим тизими вакиллари Хитой сафарида
••••••••••••••••
Юртбошимиз ташаббуси билан тобора ривож топиб бораётган халқаро алоқалар, хусусан, Андижонда катта ҳамкорлик лойиҳалари амалга оширилишига йўл очди.

Вилоятимиз раҳбари Шуҳратбек Абдураҳмонов бошчилигида Хитой мамлакати билан ўрнатилган ҳамкорлик алоқалари бугун ҳар соҳада қулоч ёзган.

Айни кунларда Андижон вилояти олий таълим, фан ва инновациялар бошқармаси вакилларидан иборат делегациямиз Хитой давлатида амалий семинарда иштирок этмоқда.

Шенгянг шаҳридаги семинарда қатнашган Андижон вакиллари олий таълим соҳасида янги ғоя ва тажрибаларни жорий этиш бўйича ўзаро ҳамкорликни мустаҳкамлаш ҳаракатларини олиб бормоқда.

Саҳифа: @andpress

Кичик даҳалардаги уйлар ички иссиқлик тизимларига уланмоқда
•••••••••••
Андижон шаҳридаги РК-2 қозонхонаси ва асосий тармоқлари тўлиқ реконструкция ва модернизация қилинди.

Қозонхона ёрдамида иссиқлик энергияси ва иссиқ сув билан таъминланувчи 32 та ижтимоий соҳа объектлари иссиқлик тармоғига қайта уланди.

Шунингдек, 5 та кичик даҳалар ва “Машраб” кўчасидаги қарийб 12 мингта хонадонлардан иборат жами 270 та кўп қаватли уйларда ички иссиқлик тизимларини тиклаш ишлари ташкил этилди.

Бунда 5 та кичик даҳадаги 270 та уй (27 тадан) жами 10 та “лот”га бўлинган. Таъмирлаш ишлари учун 7 та пудрат ташкилоти бириктирилган.

Бугунги кунда, 270 та уйлардан 146 таси (4,2 мингта хонадон) иссиқлик тармоғига уланиб, 15 мингдан зиёд аҳоли иссиқлик энегрияси ва иссиқ сув билан таъминланган.

124 та уйларнинг 51 таси синовга тайёрланди. Бугунги кунда, 7 та пудрат ташкилотлари томонидан
73 та уйларнинг ички иссиқлик ва иссиқ сув тизимлари қайта тикланмоқда.

Вилоят ҳокими кўрсатмаларига асосан, 1 ноябрь кунига қадар 5 та кичик даҳадаги барча уйлар ва ҳудуддаги 32 та ижтимоий соҳа объектлари марказлашган иссиқлик таъминотига уланиб, барқарор иссиқлик билан таъминланиши режалаштирилган.

Саҳифа: @andpress