МУРОЖААТЛАР ТИЗИМЛИ ҲАЛ ЭТИЛМОҚДА

Булоқбоши туманидаги барча маҳаллаларда сектор раҳбарлари бошчилигида ишчи гуруҳлари томонидан аҳоли билан мулоқотлар ўтказилиб, улар томонидан қилинган мурожаатлар, муаммолар ва таклифлар тизимли равишда ҳал этиб келинмоқда.

Жумладан, туманнинг 1-сектор ҳудудидаги "Фаровон" МФЙда ўтказилган хатлов жараёнида бир гуруҳ фуқаролар томонидан ўзини ўзи банд қилиш учун субсидия асосида Мотокультиватор олиб бериш бўйича мурожаат қилган эди. Бугун туман ҳокими Ў.Мамуров ушбу фуқаролар хонадонида бўлди, улар билан суҳбатлашиб, ундан унумли фойдаланиш ва бу орқали оила даромадини яхшилашга эриши бўйича кўрсатмалар берди. Ушбу фуқароларга субсидия асосида 1 донадан Мотокультиваторлар топширди.

Бошқа секторларда ҳам сектор раҳбарлари томонидан мурожаатларни ижросини таъминлаш юзасидан тизимли ишлар олиб борилмоқда. Бугунги кунга келиб туманда ишчи гуруҳи томонидан аниқланган 618 та муаммонинг 430 таси тўлиқ ҳал этилди.

Facebook | Twitter | Instagram | YouTube | Telegram | TikTok