ИНСОН АЗИЗ, УНИНГ ХОТИРАСИ ЭСА МУҚАДДАС...

Бугун Андижон қишлоқ хўжалиги ва агротехнологиялар институти фаоллар залида бастакор, ҳофиз ва педагог Фаттоҳхон Мамадалиев хотирасига бағишланган мақом кечаси бўлиб ўтди. Мазкур кечада Ўзбекистон Республикаси Маданият вазири Озодбек Назарбеков бошчилигидаги маданият ва санъат фидоийлари, хонанда ва созандалар иштирок этдилар. Тадбир аввалида, вилоят ҳокими Шуҳратбек Абдураҳмонов "Маданият ва санъат фидокори" кўкрак нишони билан тақдирланди. Вилоят ҳокимига ушбу кўкрак нишонини Маданият вазири Озодбек Назарбеков тантанали равишда топширди. Кечада янграган куй қўшиқлар барчага бирдек манзур бўлди.

Батафсил: Андижон вилояти ҳокимлиги матбуот хизмати

Facebook | Twitter | Instagram | YouTube | Telegram | TikTok

"Кексалар ҳафталиги" доирасида Избоскан туманида нуроний ва ёши улуғлар холидан хабар олинди.

Жумладан:
👉З.М.Бобур маҳалла фуқаролар йиғини Соғлом турмуш кўчаси 21-уйда истиқомат қилувчи Ғофурова Минавархон;
👉Ойбек маҳалла фуқаролар йиғини Тошкўча кўчасида истиқомат қилувчи Ахмедова Мамирхон;
👉Шодлик маҳалла фуқаролар йиғини Маржон кўчасида истиқомат қилувчи Рузиев Нўманжон;
👉Иттифоқ маҳалла фуқаролар йиғини Қумкўча кўчасида истиқомат қилувчи Бозорова Холисхон;
👉ҳамда Юқори маҳалла фуқаролар йиғини Улуғ ватан уруши қатнашчиси Умирзоқов Юлдашалилар ҳолидан хабар олиниб керакли тиббий кўриклардан ўтказилди.

Facebook | Twitter | Instagram | YouTube | Telegram | TikTok

МФЙ БИНОЛАРИ ФОЙДАЛАНИШГА ТОПШИРИЛДИ

Ўзбекистон Республикаси Президентининг 2020 йил 18 февралдаги «Ўзбекистон Республикаси Маҳалла ва оилани қўллаб-қувватлаш вазирлиги фаолиятини ташкил этиш тўғрисида»ги ПҚ-4602-сонли қарорига асосан, мамлакатимизнинг бир қатор ҳудудларида давлат-хусусий шериклик асосида маҳалла фуқаролар йиғинларининг намунавий биноларини қуриш белгиланган.
Ушбу қарор ижроси юзасидан ҳозирда кўплаб маҳаллаларда янги МФЙ ва ижтимоий инфратузилма объектлари қурилмоқда.
Кексалар ҳафталиги доирасида Олтинкўл туманидаги «Андижон» ҳамда «Айшахоним» маҳалла фуқаролар йиғини янги биноларининг очилиш маросими бўлиб ўтди. Тадбирда Республика Маҳалла ва оилани қўллаб-қувватлаш вазирлиги масъул ходими Д.Ҳасанов, Андижон вилояти ҳокимининг ўринбосари М.Нишонов, Олтинкўл тумани ҳокими И.Матрўзиев, маҳалла фаоллари ҳамда кенг жамоатчилик вакиллари иштирок этдилар.

Facebook | Twitter | Instagram | YouTube | Telegram | TikTok