Бугун ёшларнинг бандлик даражасини оширишга қаратилган муҳим ташаббуслар ҳаётга татбиқ этилмоқдаки, бу уларнинг ўзига бўлган ишончини ошириб, меҳнат қилишга, даромад топишга ундайди.

Олтинкўл туманида муайян даромад манбаига эга бўлмаган 1 минг 890 нафар ёшлар деҳқончилик қилиш истагини билдирган.

Шунга асосан 1- сектор ҳудудидаги шундай ёшларнинг 54 нафарига тумандаги «Наврўз гулшани» ва «Меҳнат бахт имкони» фермер хўжаликлари ер майдонларидан 10 сотихдан ер майдони ажратиб берилди.

Фото: Олтинкўл тумани ҳокимлиги Матбуот хизмати

Facebook | Twitter | Instagram | YouTube | Telegram

ИЗБОСКАНДА «МАҲАЛЛАБАЙ» ИШ ТАШКИЛ ЭТИЛЯПТИ

Мамлакатимизда «маҳаллабай» ишлаш тизимини жорий этиш ижобий ишлар йўлга қўйилмоқда. Бу борда Президентимиз имкониятлардан самарали фойдаланиш ҳисобига ҳудудларда сервис шохобчаларини кўпайтириш, янги замонавий хизмат турларини кенгайтириш зарурлигини таъкидлаган эди.

Андижон вилояти ҳокими Шуҳратбек Абдураҳмонов Избоскан туманидаги «Ёшлар дафтари»га киритилган йигит-қизлар билан мулоқот ўтказди. Учрашувда сектор раҳбарлари, тумандаги корхона ва ташкилотларнинг раҳбарлари, маҳалла фуқаролар йиғини раислари ва ёшлар иштирок этдилар.

Жараёнда «маҳаллабай» тизими бўйича ташкил этилаётган ишлар бўйича мутасаддиларнинг ҳисоботлари таҳлил этилиб, ёшларнинг мурожаатлари эшитилди.

Андижон вилояти ҳокимлиги МАТБУОТ ХИЗМАТИ

Facebook | Twitter | Instagram | YouTube | Telegram

Бугун Бўстон тумани истироҳат боғида туман ҳокими С.Мамитова ҳамда вилоят Маънавият ва маърифат маркази раҳбари М.Ғофуровлар иштирокида «Китоб-инсоннинг ҳақиқий дўсти» ва «Китоб-инсон руҳиятининг калити» шиори остида китоб акцияси ҳамда маънавий-маърифий тадбир ўтказилди. Тадбирда туман Халқ таълими бўлими, Маданият маркази, Мактабгача таълим бўлими, Касб-ҳунар мактаби, Абу Али Ибн Сино номли Тиббиёт техникуми, Тўлан Низом ижодиёт тўгараги аъзолари ва ёшлар иштирок этди. Тадбирда арзонлаштирилган китоб савдоси йўлга қўйилиб, китобхонлар томонидан 700 дан ортиқ китоб харид қилинди.

Ўтказилган китоб акцияси доирасида туман ҳокими нуроний отахон ва онахонларга совға сифатида китоб улашди. Туман ҳокими бошчилигида, сектор раҳбарлари ва корхона-ташкилот ходимлари ўзлари қизиққан китобларини харид қилдилар.

Фото: Бўстон тумани ҳокимлиги Матбуот хизмати

Facebook | Twitter | Instagram | YouTube | Telegram

Андижонда "Ёш китобхонʼʼ танлови якунланди

22-23 февраль кунлари вилоят Ёшлар марказида ўтказилган "Ёш китобхонʼʼ танловининг Андижон вилоят босқичи ўз ниҳоясига етди. Муросасиз кечган китобхонлар баҳсида вилоятнинг энг китобхон ёшлари сараланиб, 3 нафар иштирокчи танловнинг республика босқичига йўлланмани қўлга киритдилар.

Якунда ғолиблар ва барча иштирокчилар Ёшлар ишлари агентлиги Андижон вилояти бошқармаси томонидан диплом, китоблар жамланмаси ва вилоят Ахборот-кутубхона марказидан бепул фойдаланиш ҳуқуқини берувчи "Китобхонлик гувоҳномалари" билан тақдирландилар.

Facebook | Twitter | Instagram | YouTube | Telegram