Университетнинг янги ўқув биноси фойдаланишга топширилди

Андижон давлат университетининг янги ўқув биноси очилишига бағишланган тантанали тадбир бўлиб ўтди. Бугунги кунда олийгоҳда 8 мингга яқин ўқил-қизлар таҳсил олади.

Тадбирда вилоят ҳокими Шуҳратбек Абдураҳмонов, Олий таълим, фан ва инновациялар вазири Конгратбай Шарипов, олий таълим муассасалари, идора-ташкилотлар масъуллари, институт профессор-ўқитувчилари ҳамда меҳнат жамоаси, кенг жамоатчилик ва оммавий ахборот воситалари вакиллари иштирок этди.

Рамзий лента қирқилгач, йиғилганлар бу ерда яратилган шароитлар билан яқиндан танишдилар. Давлатимиз раҳбарининг бевосита эътибори натижасида университет учун янги ўқув биноси қурилишига давлат бюджетидан 45 миллиард сўм маблағ ажратилди.

1800 ўринга мўлжалланган 6 қаватли бинода талабаларнинг пухта билим олиб, етук малакали мутахассис бўлиб етишишлари учун барча шароитлар яратилган бўлиб, ўқув, маъмурий бинолар, ошхона, ҳамда замонавий лабаратория хоналари барпо этилган.

Facebook | YouTube | Web-site
Instagram | Telegram

Фоторепортаж.

Facebook | YouTube | Web-site
Instagram | Telegram