Миллат байроғи – миллат ғурури
••••••••••••••••
Давлат рамзлари ҳар бир халқнинг бой ўтмиши, бугунги куни ва улуғвор келажагини ўзида мужассам этган, миллатнинг ифтиҳори саналади.

2024 йил, 18 ноябрь - жонажон Ўзбекистонимизнинг Давлат байроғи қабул қилинганига 33 йил тўлди. Андижонда алоҳида ҳозирликлар ила, кўтаринки кайфиятлар остида қаршиланган ушбу сана турли тадбирларга бой тарзда ўтди.

Кун муносабати билан, 64 метр баландликда ҳилпираётган байроғимиз жойлашган майдонда тантанали тадбирлар бошлаб берилди. Унда Андижоннинг нуронийлари, минглаб ёшлар, ИИБ ва миллий гвардия зобитлари, ҳарбийлар, турли соҳа вакиллари ҳамда фаоллар иштирок этдилар. Тадбир қатнашчиларига ва барча андижонликларга вилоят ҳокимининг табрик сўзлари етказилди.

Ҳарбий оркестр садолари остида давлат байроғини шарафлаган тантанали юришлар, шаҳар ва туманлар бўйлаб автокарвон ҳаракатлари ташкил этилди.

📱Facebook | 📺YouTube | Web-site
📱Instagram | 🕊Telegram | 🕊Lotin