Энергетика соҳасида йўл қўйилаётган камчиликлар юзасидан бир нечта раҳбарлар вазифасидан озод этилди
——————
Вилоят ҳокимлиги мажлислар залида Шуҳратбек Абдураҳмонов ҳамда Ўзбекистон Республикаси Бош прокурори ўринбосари раҳбарлигида энергетика соҳасида йўл қўйилаётган камчиликлар юзасидан танқидий йиғилиш ўтказилди.

Унда энергия ресурсларини талон-тарож қилиш билан боғлиқ ҳолатларни бартараф этиш масалалари муҳокама қилинди. Йиғилишда коммунал соҳа вакиллари, шаҳар ва туманлар ҳокимлари, сектор раҳбарлари, прокуратура ва ИИБ идоралари раҳбарлари бевосита иштирок этдилар.

Йиғилиш аввалида республикамизда газ ва электр тизимига ноқонуний уланишлар ва бу орқали мавжуд қарздорликларнинг ортиб кетиши, бир нечта коррупцион ҳолатларни бартараф этиш ишлари, бу ҳолатга йўл қўйган мутасаддиларни жавобгарликка тортилганлиги ҳақидаги видеорепортаж намойиш этилди.

Шунингдек, бу борада вилоятимизда аниқланган баъзи ҳолатлар ҳақида ўқиб эшиттирилди. Аниқланган ҳолатлар юзасидан вилоят раҳбари соҳа масъуллари фаолиятига ўзининг танқидий эътирозларини билдирди.

Хусусан, табиий газ ва электр таъминоти ҳақида маълумотлар нотўғри бўлиб чиқаётгани ёки асл ҳисоб-китобга мос тушмаётганлиги аниқ мисоллар билан келтириб ўтилди.

Бир нечта раҳбарларга жиддий огоҳлантириш берилиб, ҳайфсан интизомий жазоси қўлланилди. Бир нечта туманлардаги мутасадди раҳбарлар лавозимидан озод этилди.

Саҳифа: @andpress

#Live

Андижонда ўзига хос яна бир ташаббус
——————
Тиббиёт ходимлари куни муносабати билан Хонобод шаҳрида катта байрам тадбири ташкил этилган.

Тадбирда вилоятимизнинг барча шаҳар ва туманларидан келган тиббиёт соҳаси ходимлари иштирок этмоқдалар.

Сўлим табиати билан Ўрта Осиёда эътироф этила бошлаган Хонобод шаҳрида байрам дастурлари қизғин тарзда бошланиб улгурди.

Байрам эгалари учун икки кунлик ҳордиқ ва касб байрами тантаналари ўтказилиши режалаштирилган. Андижон вилоятининг асосий тадбири эртага ўтказилади.

Саҳифа: @andpress