АНДИЖОН ДАВЛАТ УНИВEРСИТEТИДА «МEҲР» ОПEРАЦИЯСИ ДОИРАСИДА СУРАТГА ОЛИНГАН «АЁЛ ҚИСМАТИ» ФИЛЬМИНИНГ НАМОЙИШИ БЎЛИБ ЎТДИ

Мамлакатимизда, сўнгги йилларда миллий кино санъатини ривожлантиришга қаратилган ислоҳотларни тизимли давом эттириш, соҳани давлат томонидан қўллаб-қувватлаш тизимини такомиллаштириш, юртимизда жаҳон тажрибаси асосида кино ишлаб чиқаришнинг самарали механизмларини жорий этиш, замонавий киносаноат инфратузилмасини яратиш ва кинопрокат тизимини ривожлантириш борасида бир қанча ислоҳотлар амалга оширилмоқда.

Бугун, 15 февраль куни Андижон давлат университетининг катта мажлислар залида Ўзбекистон Давлат хавфсизлик хизмати ва Мудофа вазирлиги буюртмасига асосан Киноматаграфия агентлиги ва Фавқулодда вазиятлар вазирлиги ҳамкорлигида «Дилшод медиа» студияси томонидан суратга олинган «Аёл қисмати» кино фильмининг намойиши бўлиб ўтди.

Ушбу бадиий фильмда «Меҳр» операцияси доирасида Суриядан олиб чиқилган аёллардан бирининг аянчли тақдири «Сожида» тимсолида жуда таъсирли ёритилган бўлиб, фильмнинг мазмун-моҳияти, инсон қадри, Ватан соғинчи, тинчлик ва фаровонликнинг қанчалик бебаҳо неъмат эканлиги ҳақида сўз юритилади.

Энг муҳими, воқеалар жуда жонли ва таъсирчан тарзда томошабинга етказилган.

Facebook | Twitter | Instagram | YouTube | Telegram | TikTok

Хабарингиз бор, айни кунларда вилоят ҳокими бошчилигидаги делегация Хитойда бўлиб турибди.

Ташрифнинг иккинчи куни вилоят делегацияси Пекин шаҳрида бир нечта компания вакиллари билан икки томонлама музокаралар ўтказди ҳамда муқобил энергия тизими бўйича маҳсулот ишлаб чиқарувчи корхоналарга ташрифлар уюштирилди.

Жумладан, куннинг биринчи ярмида вилоят делегацияси, Хитойнинг Пекин шаҳрида “GD Power Development Company” компаниясида бўлди.

Вилоят делегацияси ушбу компаниянинг ижрочи директори Zhou Dabing ҳамда компания менежерлари билан икки томонлама музокаралар ўтказдилар.

Компания томонидан жорий йилнинг июнь ойларида Андижон вилоятига алоҳида делегация ташриф буюриши, бу ерда муқобил энергия, жумладан вилоятнинг Хонобод шаҳри ва Андижон туманида шамол энергияси станциясини бунёд қилиш, “Янги Андижон” шаҳрида қуёш панелларини ўрнатиш, Андижон туманидаги “Саноат Хааби”да қуёш панеллари учун эҳтиёт қисмлар (инвенторлар) ишлаб чиқаришни ташкил қилиш мақсадида, ўрганиш ишлари олиб борилишини маълум қилишди.

Компания билан танишиш давомида, вилоятда кичик гидро электр станциялари бунёд этишда ушбу компаниянинг мутахассисларидан фойдаланиш бўйича алоҳида келишувга эришилди.

Вилоятимиз делегацияси куннинг иккинчи ярмида Пекин шаҳрида жойлашган яна бир йирик “China First Haghway” компаниясида бўлдилар.

Ушбу компания вакиллари жорий йилнинг январь ойида Андижон вилоятига ташриф буюрган бўлиб, вилоятимиздаги чиқинди полигонлари билан танишиб чиқиб, чиқиндидан электр энергияси ишлаб чиқариш лойиҳасини амалга ошириш бўйича ўрганишлар олиб борган эди.

Компания вакиллари билан музокаралар давомида, ушбу лойиҳани амалга ошириш ҳамда вилоятда компания томонидан 30 млн. доллар тўғридан тўғри инвестиция киритилиши ҳамда компания вакиллари жорий йилнинг март ойида якуний ўрганишга ташриф буюриши бўйича келишувга эришилди.

Музокаралар якунида компания раҳбари Yuan Yang томонидан компаниянинг малакали мутахассислари вилоятда қуёш панелларини ўрнатишни ташкил қилишда ёшларга ўзларининг тажрибасини ўргатишини ҳамда қисқа муддатли ўқув курсларини ташкил қилиш таклифи билан чиқди ва ушбу режа жорий йилнинг апрель ойида амалга оширилишига келишилди.

Facebook | Twitter | Instagram | YouTube | Telegram | TikTok

Ички ишлар вазири генерал-лейтенант Пўлат Бобожонов бошчилигидаги идоралараро ишчи гуруҳ томонидан Давлат раҳбарининг Андижон вилоятида аҳоли муаммоларини ўрганиш ҳамда маҳаллаларда хавфсиз муҳитни яратиш бўйича топшириқларининг амалий ижросини таъминлаш чоралари кўрилмоқда.

Facebook | Twitter | Instagram | YouTube | Telegram | TikTok