ҚЎШАРИҚ ДАҲАСИДА КУЗ-ҚИШ МАВСУМИГА ТАЙЁРГАРЛИК АВЖИДА...

Аввал хабар берганимиздек, вилоят ҳокими Шуҳратбек Абдураҳмонов Андижон шаҳридаги кўп қаватли уйларда яшовчи фуқаролар билан мулоқот ўтказиб, куз-қиш мавсумига тайёргарлик бўйича кенг кўламли ишларни йўлга қўймоқда.

Айни кунларда Андижон шаҳридаги Қўшариқ маҳалласи ҳудудида ҳам ишчи гуруҳи аъзолари томонидан мавжуд 39 та кўп қаватли уйлардаги сув, газ, электр таъминотидаги муаммолар бартараф этилиб, биноларнинг том ва ертўла қисмлари назоратдан ўтказилмоқда. Шунингдек, уйларнинг атрофлари ободонлаштирилиб, кўчаларда асфальтлаш ишлари олиб борилмоқда.

Вилоят раҳбари ушбу ҳудудда амалга оширилаётган ишларни назоратдан ўтказиш кўп қаватли уйларда истиқомат қилувчи аҳоли вакиллари билан учрашув ўтказди. Самимий мулоқот давомида аҳолининг таълим, кредит, уй-жой ва газ, сув таъминотига оид келиб тушган 70 дан ортиқ масалаларининг аксарияти жойида ҳал этилди. Вақт талаб этиладиган муаммолар юзасидан мутасаддиларга кўрсатмалар берилиб, фуқароларга ҳуқуқий тушунчалар берилди.

Шунингдек, жараёнда аҳолининг турмуш шароитларини яхшилаш мақсадида худудидларни ободонлаштириш, куз-қиш мавсумига пухта тайёргарлик кўриш каби қатор йўналишларда амалга оширилиши зарур бўлган ишлар юзасидан масъулларга олдига вазифалар белгиланди.

Facebook | Twitter | Instagram | YouTube | Telegram | TikTok