ҒАЛАБА МУБОРАК БЎСТОН ЎҒЛОНИ

Спортнинг аралаш жанг санъати бўйича профессионал спортчилар ўртасида Сурхондарё вилояти "Ҳоким кубоги" Халқаро мусобақасида 77 килограм вазн билан Бўстон тумани ўғлони Диёрбек Муталипов мутлоқ ғолибликни қўлга киритди.
Андижон вилояти ҳокимлиги Диёрбек Муталипов ва унинг оила аъзоларини ушбу ғалаба билан чин дилдан муборакбод этади.

Facebook | Twitter | Instagram | YouTube | Telegram

Жорий йилнинг 25 май куни Давлат хизматлари агентлиги Андижон вилоят бошқармаси ходимлари, Давлат хизматлари марказлари директорлари ҳамда Фуқаролик ҳолат далолатномаларини ёзиш бўлимлари мудиралари ўзлари таҳсил олган умумтаълим мактабларида ўтказилган “Сўнгги қўнғироқ” тадбирларида иштирок этдилар.
Тадбирларда битирувчиларга Ўзбекистон Республикаси Президентининг табриги ўқиб эшиттирилди. Битирувчиларга ҳаёт йўлларидаги имтихону синовларда омадлар тиланди. Шу куни мактаб кутубхоналарига “Қадрдон мактабимга китоб совға қиламан” шиори остида бадиий китоблар жамланмалари совға сифатида топширилди.

Facebook | Twitter | Instagram | YouTube | Telegram

МАРҲАМАТДА «РАҲБАР ВА ЁШЛАР УЧРАШУВИ» ЎТКАЗИЛДИ

Мамлакатимизда 2021 йил «Ёшларни қўллаб-қувватлаш ва аҳоли саломатлигини мустаҳкамлаш йили»да ёшлар билан ишлашда турли хил чора-тадбирлар амалга оширилмоқда. Шунингдек, уларни муаммо ва таклифларини ўрганиш, бандлигини таъминлаш мақсадида ёшлар билан учрашувлар ташкил этилмоқда.

Бугун 25 май куни Марҳамат туманидаги 3-Давлат ихтисослашган мактаб интернатида Марҳамат тумани ҳокими Б.Юлдашев, «Узавтосаноат» АЖ раиси биринчи ўринбосари А.Рафиқов ҳамда «UzАvto Motors» бош директори Р.Ражабов иштирокида «Раҳбар ва ёшлар учрашуви» ўтказилди. Учрашувда вақтинча бандлиги таъминланмаган ёшлар, битирувчи ўқувчилар, тумандаги барча ташкилот раҳбарлари иштирок этдилар.

Учрашув давомида ёшлар томонидан билдирилган мурожаатларни ижобий ҳал этиш юзасидан тегишли ташкилот раҳбарларига топшириқ ва кўрсатмалар берилди.
Марҳамат тумани ҳокимлиги Матбуот хизмати.

Facebook | Twitter | Instagram | YouTube | Telegram

Булоқбоши туманида пилла хом ашёси қабул пунктига топширилмоқда

Жорий йилда Булоқбоши туманида 144 тонна пилла хом ашёсини етиштириш бўйича 201 та фермер хўжаликлари ва 850 та касаначилар «Ҳарир тола» МЧЖ ҳамда «Андижон Гуанг Тонг» МЧЖ билан шартномалар тузилган. Ҳозирда пиллакорлар томонидан ипак қуртлари сифатли боқиб етиштирилди.

26 май куни туман пилла қабул қилиш пунктида пилла ҳосилини қабул қилиш бошланди.

Булоқбоши тумани ҳокими Ўткирбек Маъмуров сектор раҳбарлари билан биргаликда қабул қилиш жараёнларида иштирок этиб, биринчиларда бўлиб пилла ҳосилини топширган ва энг юқори ҳосил олган пиллакорларга туман ҳокимининг эсдалик совғаларини топширдилар.

Фото: Булоқбоши тумани ҳокимлиги матбуот хизмати

Facebook | Twitter | Instagram | YouTube | Telegram

ВАЗИР, ҲОКИМ ВА ЁШЛАР УЧРАШУВИ ЎТКАЗИЛДИ

Бугун туманимизнинг Бўстон қишлоғида жойлашган Болалар дам олиш оромгоҳида «Вазир, ҳоким ва ёшлар» учрашуви бўлиб ўтди. Республика Соғлиқни сақлаш вазирининг биринчи ўринбосари А.Азизов 80 нафардан ортиқ уюшмаган ёшлар билан мулоқот чоғида шиддат билан ривожланиб бораётган даврда янги технологияларни ҳаётга татбиқ этиш, хусусан, соғлиқни сақлаш тизимида рақамлаштиришнинг ўрни, IT-технологияларини ўзлаштириш ҳаёт зарурати эканлиги борасида ёшларга илҳомлантирувчи ғоялар берди. Келажак қўлида бўлган ёшлар ҳамиша интилиш ва ҳаракатда бўлишлари зарурлигини уқтириб ўтди. Шунингдек, ёшлар ўзларини қизиқтирган саволларига жавоблар олди. Учрашувда туман ҳокими ва сектор раҳбарлари иштирок этди.

Фото: Пахтаобод тумани ҳокимлиги Матбуот хизмати

Facebook | Twitter | Instagram | YouTube | Telegram