#botga_kelgan_savol

❓Savol: Assalomu alaykum hurmatli kadastr xodimlari. Sizlarga savolim bor edi. Fuqaro nomidagi noturar bino-inshoat va yerni fuqaro nomiga turarga o‘zgartishtirish mumkinmi tartibi qanday.
Misol uchun 20 sotix noturarni.

✅ Javob: Bu bo‘yicha Vazirlar mahkamasining 20.04.2022-yildagi 200-sonli qarori bilan tasdiqlangan Maʼmuriy reglament talablari asosida hududiy qurilish bo‘limlarining xulosalari asosida turar-joy obyektini noturar-joyga yoki aksincha toifaga o‘tkazish mumkin.

Bunda bir toifadan boshqa toifaga o‘tkazilayotgan obyekt foydalanishida bo‘lgan yer maydoniga bo‘lgan huquq ham davlat ro‘yxatidan o‘tkaziladi.

⏩ Andijonkadastr_bot ⏪ yordamida o'zingizni qiziqtirgan barcha savollaringizga mutaxassislarimizdan yozma va telefon muloqoti orqali javob olishingiz mumkin.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#rasmiy_munosabat

Kadastr Аgentligi hamda Davlat kadastrlari palatasi Аndijon viloyati boshqarmalari ijtimoiy tarmoqlarda “Obunachilarimizdan taxrirsiz” sarlavhasi ostida tarqalgan maqola yuzasidan quyidagilarni maʼlum qiladi.

Murojaatda keltirilgan yer maydoni Shahrixon tumani Abdubiy massivida joylashgan bo‘lib, video murojaatdagi fuqaro tomonidan takidlangan yer maydoni jami 0,95 gektarni tashkil etadi.

O‘rganishda yuqoridagi yer maydonining 0,70 gektari Shahrixon tumani hokimining 2021-yil 27-mart kungi 140-q sonli qaroriga asosan fuqaro Yu.Nga parrandachilik yo‘nalishida faoliyat ko‘rsatish uchun uzoq muddatli ijarada foydalanish huquqi bilan ajratib berilgan. Fuqaro Yu.n “Shahrixon oltin qanotlari” nomli fermer xo‘jaligi tashkil etib belgilangan tartibda davlat ro‘yxatidan o‘tgan holda parrandachilik yo‘nalishidagi fermer xo‘jaligi maqomi ostida faoliyat ko‘rsatib kelayotganligi aniqlandi. Hozirda mazkur yer maydonidan qishloq xo‘jaligi ekinlari ekib foydalanib kelmoqda.

Qolgan 0,25 gektar yer maydon va shu maydon ichida joylashgan bino-inshoatlarga Shahrixon tumanida xususiy amaliyot bilan shug‘ullanuvchi notarius Ibragimov Baxtiyor Abduvaxobovich tomonidan 2020-yil 20-oktabr kungi reyestr 202001968002528-sonli raqam bilan qayd qilingan noturar joy oldi-sotdi shartnomasiga asosan fuqaro R.Ldan Yu.N sotib olganligi va ushbu yer va bino-inshoatlar o‘rnatilgan tartibda davlat ro‘yxatidan o‘tkazilganligi maʼlum bo‘ldi.

Bundan tashqari, mazkur video murojaatda ko‘rsatilgan turar-joy bino inshootlariga O‘zbekiston Respublikasi Vazirlar Mahkamasining 22.06.2018-yildagi “Fuqarolarni ijtimoiy qo‘llab-quvvatlash bo‘yicha qo‘shimcha chora-tadbirlar hamda o‘zboshimchalik bilan qurilgan turar joylarga nisbatan mulk huquqini eʼtirof etish bo‘yicha bir martalik umumdavlat aksiyasini o‘tkazish to‘g‘risida” 461-sonli qarori talablari asosida Shahrixon tumani hokimining 12.04.2019 yildagi “Shahrixon tumani Abdubiy MFY Abdubiy ko‘chasida joylashgan fuqaro S.A. tomonidan o‘zboshimchalik bilan qurilgan turar-joyga nisbatan mulk huquqini eʼtirof etish to‘g‘risida”gi 598-q-sonli qarori asosida egalik huquqi tiklanib, bu uy-joy ham tegishli tartibda davlat ro‘yxatidan o‘tkazilganligi aniqlandi.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#nazorat #Andijon

⭐️ Kadastr agentligi Andijon viloyati boshqarmasi tomonidan viloyatda yer nazotari sohasida amalga oshirilgan ishlar va ko'rilgan chorlar bo'yicha ma'lumot.

📃 Infografika ko'rinishida.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#botga_kelgan_savol

❓Savol: Assalomu alaykum. Oddiy quruq yerni ya‘ni chekni ham davlat ro‘yxatidan o‘tkazish keremi yoki avval kadastr hujjatini tayyorlab, keyin o‘tkazish kerakmi.

✅ Javob: Fuqarolarga yakka tartibda uy-joy qurish uchun yoki boshqa maqsadlarda vakolatli davlat organlarning hujjatlar asosida ajratib berilgan yer uchastkalariga bo‘lgan huquqlar albatta davlat ro‘yxatidan o‘tkazilishi shart. Bunda, mazkur yer maydoniga huquq belgilovchi hujjatni va shaxsingizni tasdiqlovchi hujjatni ilova qilgan holda Davlat xizmatlari markazi yoki Yagona interaktiv davlat xizmatlari markazi orqali “Yer kadastr pasporti”ni shakllantirish uchun elektron buyurtma berishingiz kerak bo‘ladi.

⏩ Andijonkadastr_bot ⏪ yordamida o'zingizni qiziqtirgan barcha savollaringizga mutaxassislarimizdan yozma va telefon muloqoti orqali javob olishingiz mumkin.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube