#yer_nazorati

Paxtaobod tumanida yer nazorati

⭐️Kadastr agentligi Andijon viloyati Paxtaobod tumani bo‘limi mas’ul xodimlari Paynob mahallasida yashovchi fuqaro S.H tomonidan Paynob mahallasida faoliyat yuritayotgan “Boltaboy Qo‘chqarboy” fermer xo‘jaligining 58-q konturidagi ekin yer maydoniga noqonuniy qurilma qilganligini aniqladi.

🔺Holat yuzasidan agentlik xodimlari tomonidan tegishli barcha hujjatlar rasmiylashtirilib, hujjatlar huquqni muhofaza qiluvchi organlarga belgilangan tartibda yuborildi.

Eslatib o‘tamiz ❗️ Yer uchastkalarini o‘zboshimchalik bilan egallab olish, shu jumladan ushbu yer uchastkalariga nisbatan qonuniy huquqlari mavjud bo‘lmagan holda ulardan foydalanish jarima solishga sabab bo‘ladi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Izboskan tumanida fuqaroning yer maydoni bilan bog‘liq muammolari borligi yuzasidan tarqalgan murojaatning tegishli qismi o‘rganilib quyidagilar maʼlum qilinadi.

Murojaatdagi yer maydoni O‘zbekiston Respublikasi Prezidentining 2006-yil 29-maydagi 97-sonli “Davlat va jamoat ehtiyojlari uchun yer uchastkalarini olib qo‘yilishi munosabati bilan fuqarolarga va yuridik shaxslarga yetkazilgan zararni qoplash tartibi to‘g‘risidagi Nizomni tasdiqlash to‘g‘risida”gi Qarorga asosan 4 nafar fuqaroga ajratib berilgan.

Yuqoridagi fuqarolar ajratib berilgan yer maydonlari dastlab veterinariya bo‘limiga tegishli bo‘lib tuman hokimining tegishli qarori bilan zaxiraga qaytarilgan lekin zaxiraga olish qarori belgilangan tartibda Davlat ro‘yxatidan o‘tkazilmaganligi sababli Veterinariya bo‘limi balansidan chiqarilmagan.

Hozirda Veterinariya bo‘limi balansida bo‘lgan ko‘chmas mulk obyektlari va ularning foydalanishida bo‘lgan yer maydonlariga vakolatli tashkilotlar tomonidan “taqiq” qo‘yilganligi aniqlandi.

Tashkilotning ko‘chmas mulk va yer maydonlariga qo‘yilgan taqiqi yechilgan so'ng fuqarolar foydalanishida bo‘lgan yer maydonlari veterinariya bo‘limi balansidan chiqarilib, «UzKad» elektron dasturi orqali foydalanuvdagi fuqarolar balansiga o‘tkazilishi mumkinligi maʼlum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

🇺🇿🇺🇿🇺🇿🇺🇿🇺🇿

Respublikamizda qancha mulk erkaklarga tegishli?

🌟Davlat kadastrlari palatasining 2024-yil 1-may holatidagi ma’lumotlariga ko‘ra, Respublika bo‘yicha erkak mulkdorlar nomidagi jami obyektlar soni 5 468 471 tani tashkil etadi.

◼️Respublikamiz bo‘yicha eng ko‘p erkak mulkdorlar Samarqand viloyatida, eng kam mulk egalari esa Sirdaryo viloyatida ekanligini ushbu infografikada  ko'rishingiz mumkin.

#DavKadastrPalata #DKP_statistikasi #gender

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

#munosabat

Ijtimoiy tarmoqlarda fuqaroning kadastr xizmatlaridan foydalanishda muammolar yuzaga kelayotganligi va soha xodimlari o'rtasida amalga oshirilayotgan rotatsiya ishlaridan norozilik holati yuzasidan tarqalgan murojaat bo'yicha quyidagilar ma'lum qilinadi

Murojaatda ko‘rsatib o‘tilgan holat bo‘yicha o‘rganib chiqilganda, O‘zbekiston Respublikasi Vazirlar Mahkamasining 2001-yil 31-dekabrdagi “O‘zbekiston Respublikasi hududlarini kadastr bo‘yicha bo‘lish hamda yer uchastkalari, binolar va inshootlarning kadastr raqamlarini shakllantirish tartibi to‘g‘risidagi nizomni tasdiqlash haqida”gi 492-sonli Qarori bilan tasdiqlangan Nizomga asosan Respublikadagi barcha ko‘chmas mulk obyektlariga kadastr raqamlari alohida-alohida shakllantirilishi hamda mazkur kadastr raqami takrorlanmas bo‘lishi belgilab berilgan.

Bundan tashqari ko‘chmas mulk obyektlariga kadastr yig‘ma jildlarni shakllantirish va davlat ro‘yxatidan o‘tkazish ishlarini to‘g‘ri va sifatli tashkil etilishini taʼminlash maqsadida tegishli hujjatlar tasdiqlanib, hududlarda ko‘chmas mulk obyektlariga yangi kadastr raqami shakllantirish uchun belgilangan tartibda Davlat kadastrlar palatasi bilan kelishish lozimligi belgilangan. Shunga ko‘ra, ko‘chmas mulk obyektlariga yangi kadastr raqami shakllantirish hamda biriktirilgan kadastr raqamlarini maʼlumotlar ba'zasidan o‘chirish uchun Davlat kadastrlar palatasiga yuborilishi amaliyotda qo‘llanilib kelinmoqda.

Shuningdek, murojaatda ko‘rsatib o‘tilgan, Davlat kadastrlar palatasi hududiy tuman shahar filiallari xodimlarini rotatsiya qilish holati Davlat kadastrlar palatasing korrupsion holatlarni oldini olish va bu illatga qarshi kurashish yuzasidan topshiriq xatiga asosan boshqarmaning tegishli buyrug‘i bilan amalga oshirilganligi, buyruqga asosan ishchi guruh tuzilib hududlarda xodimlarning roziligi olingan holda ishlar olib borilayotganligi maʼlum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube