#Qonunchilikdagi_yangiliklar #kadastr

❗️Maʼmuriy jarimalar 15 kun ichida to‘lansa, 50 foiz chegirma qo‘llaniladi.

Prezident qaroriga (PQ–99-son, 23.03.2023 y.) muvofiq, maʼmuriy huquqbuzarliklar bo‘yicha qo‘llanilgan jarimani ixtiyoriy to‘lash tizimi yana-da soddalashtiriladi.

Qarorga ko‘ra, 2023-yil 1-maydan:⬇️

📔 Huquqbuzar unga jarima solish to‘g‘risidagi qaror topshirilgan kundan boshlab 15 kun ichida jarima miqdorining 50 foizini, 30 kun ichida 70 foizini ixtiyoriy to‘lagan taqdirda, u jarimaning qolgan qismini to‘lashdan ozod qilinadi.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#rasmiy_munosabat

Ijtimoiy tarmoqlarda eʼlon qilingan "Shahrixonda adolat qaror topishi uchun yordam bering" sarlavhasi ostida berilgan murojaat yuzasidan Kadastr agentligi hamda Davlat kadastrlari palatasi Andijon viloyati boshqarmalari mazkur holat bo‘yicha o‘rganish ishlarini boshlangan. Holat o‘rganilib yakunlari bo‘yicha batafsil axborot taqdim etilishi ta'minlanadi.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#Kadastr #referendum #befarqemasman

Oldin davlat istalgan sabab bilan uy-joyni buzishi mumkin edi.

⚖️“Endi sud qarori bo‘lmasa, bunga yo‘l qo‘yilmaydi. Uyni mulk egasining roziligi bilan va to‘liq kompensatsiya bergandan so‘ng buzish mumkin” — yangilanayotgan Konstitutsiyaning 47-moddasi.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#qaror #auksion #imtiyoz

Hukumat qarori (122–son, 23.03.2023 y.) bilan Nogironligi bo‘lgan shaxsning va tarkibida nogironligi bo‘lgan shaxs bor oilaning elektron onlayn-auksion orqali yer uchastkasini sotib olish bilan bog‘liq xarajatlarini qoplab berish tartibi to‘g‘risida nizom tasdiqlandi.

Nizomga ko‘ra, yer uchastkasini auksion orqali sotib olish xarajatlaridan kelib chiqqan holda, oilasi tarkibida nogironligi bo‘lgan shaxslar sonidan qatʼiy nazar, BHMning 100 baravarigacha (30 mln so‘mgacha) miqdorda bir martalik to‘lov ajratiladi.

Bunda xarajatlar ushbu miqdordan yuqori bo‘lgan hollarda BHMning 100 baravarigacha (30 mln so‘mgacha) bo‘lgan qismi qoplab beriladi.

Imtiyozli toifadagi shaxslar quyidagi mezonlarga muvofiq kelishi kerak:

➡️ oxirgi 12 oy davomida o‘zi yoki oila aʼzolari nomida yashash uchun mo‘ljallangan turar joyi yoki yer uchastkasi mavjud bo‘lmasligi;

➡️ yer uchastkasi oxirgi 3 oy ichida auksion orqali xarid qilingan va O‘zbekiston hududida bo‘lishi;

➡️ nogironligi bo‘lgan shaxs deb topilgan, shuningdek, «Temir daftar», «Ayollar daftari», «Yoshlar daftari»ning birida turgan bo‘lishi.

Imtiyozli toifadagi shaxs auksion orqali yer uchastkasi sotib olgandan boshlab 3 oy ichida o‘z hududidagi tuman (shahar) kambag‘allikni qisqartirish va bandlik bo‘limiga murojaat qilishi lozim (ushbu muddatdan kechikib berilgan arizalar ko‘rib chiqilmaydi).

Mablag‘ ajratish to‘g‘risida belgilangan tartibda qaror qabul qilingandan so‘ng 5 ish kunida imtiyozli toifadagi shaxslarning arizasida ko‘rsatilgan bank plastik hisobvarag‘iga mablag‘ o‘tkazilishi taʼminlanadi.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#Kadastr #referendum #befarqemasman

Xalqimizning yarimini yoshlar tashkil qiladi. Ular rivojlanishlari uchun imkoniyatlar yetishmasa, chet elga ketishga tushadi. Endilikda yangi Konstitutsiyaning 9-moddasida yoshlarga yondashuv keskin o‘zgarmoqda. Ularga shart-sharoit yaratish, haq-huquqlarini himoya qilish, qo‘llab-quvvatlashni davlat o‘z zimmasiga olmoqda. 30 aprel kuni bo‘lib o‘tadigan referendumda men yoshlar va tengdoshlarim uchun faol ishtirok etaman.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#Kadastr_maslahatchi

Ko'p yillardan buyon yashab kelayotgan uy-joyimga kadastr hujjati tayorlatmoqchiman. Lekin menda huquqiy hujjatlar mavjud emas. Nima qilsam bo'ladi?

▶️ Mazkur savolga javobni videoda olishingiz mumkin.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#Kadastr #referendum #befarqemasman

Yangi qabul qilinayotgan Konstitutsiyaning 68-moddasi.

🪩 Yer, yer osti boyliklari, suv, o‘simlik va hayvonot dunyosi hamda boshqa tabiiy resurslar umummilliy boylikdir, ulardan oqilona foydalanish zarur va ular davlat muhofazasidadir.

📖Yer qonunda nazarda tutilgan hamda undan oqilona foydalanishni va uni umummilliy boylik sifatida muhofaza qilishni taʼminlovchi shartlar asosida va tartibda xususiy mulk bo‘lishi mumkin.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#korrupsiyaga_qarshi_kurashish

Kadastr agentligi hamda Davlat kadastrlari palatasi Andijon viloyati boshqarmalari jamoasi soha xodimlarini, fuqaro va tadbirkorlarimizni korrupsiyaga qarshi murosasiz kurashga chorlaydi.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#Kadastr #referendum #befarqemasman

Yangi qabul qilinayotgan Konstitutsiyaning 47-moddasi.

🏠 Har kim uy-joyli bo‘lish huquqiga ega.

⚖️ Hech kim sudning qarorisiz va qonunga zid tarzda uy-joyidan mahrum etilishi mumkin emas. Uy-joyidan mahrum etilgan mulkdorga uy-joyning qiymati hamda u ko‘rgan zararlarning o‘rni qonunda nazarda tutilgan hollarda va tartibda oldindan hamda teng qiymatda qoplanishi taʼminlanadi.

💰Davlat uy-joy qurilishini rag‘batlantiradi va uy-joyga bo‘lgan huquqning amalga oshirilishi uchun shart-sharoitlar yaratadi.

📚 Aholining ijtimoiy jihatdan ehtiyojmand toifalarini uy-joy bilan taʼminlash tartibi qonun bilan belgilanadi.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube